لقاء كار.ثي

عشري…..و انت فاكر بقي انها هتدخل الجحر بتاعها لحد ما ننساها او نقول خلاص مش هتعمل حاجه

فضل….مقولتش كده بس اكيد لو هتمشي وراء حد يا عشري مش هتمشي وراك انت بالذات فا وحد الله كده و اهدأ مش بقولك كبر دماغك و شيل الموضوع من بالك عشان مش هينفع اقولك كده لا هنركز معاها بس مش معقول يعني نسيب كل اللي ورانا و نمشي ندور عليها عشري انت ناسي انك عريس ولا ايه

عشري…..بنت الكلب دي خلتني مش عارف اركز في اي حاجه و لا اهتم غير اني الاقيها قبل ما تعمل مصيبه

فضل…..طيب ماهو ده اللي هي عيزاه يا عشري و نجحت فيه فعلاً هي مخلياك سايب كل اللي وراك و عمال الوقت تلف عليها مبسوطه بالنكد اللي حاضل بينك و بين ليله و بعدين تعالي هنا ما تخف يا عم علي ليله شويه مش ملاحظ انك مزودها معاها شويه

عشري….اسكت انت كمان متخلنيش ابدأ بيك انا مش طايقك

فضل….طب وانا مالي عملت ايه

عشري….ايه مش كنت عارف و روحت لرشيد و اتفقتوا كلكم عليا هما كمان ليهم روقه معايا بس مش وقتها

فضل…..احنا محدش فينا كان عارف اي حاجه و سمعت بنفسك ايمي اما قالت الشباب كلهم لسه ميعرفوش حتي رشيد مكانش فاهم الحوار كله لما كلمني و سالتوا قال ايمي محكتش اللي حصل اوي بس في حوار بين ليله و مريم و احنا روحنا و محبيناش نقولك زي ما ليله طلبت عشان نفهم الاول و التسجيل سمعناه معاك اصلا

عشري…..كان لازم تقولي يا فضل كان لازم اعرف

فضل…..لا يا عشري مكانش لازم عشان احنا كلنا عارفين هتعمل ايه و ليله كان معاها حق تخاف تقولك ليله بتحبك و خايفه عليك و بعدين متزعلش مني واحده غير ليله يا عشري كانت قلبت الدنيا و رجعت تلوم فيك تاني و قالتلك انت السبب ان البت دي كل شويه تنط و تظهر بس هي عاقله و معملتش كده حتي بعد اللي حصل بينكم و تعبها سكتت و باقيه عليك و مقتنعه خلاص انك ملكش ذنب في حاجه و مدتش مريم فرصه انها توقع بينكم تاني

البت زي ما سمعت في التسجيل يا عشري بتقولها عشري بيكلمني و عارف اللي حاصل معايا و بتحاول تشككها فيك تاني و بتقولها مصدقاه بعد ما كدب عليكي

عشري…..ليله واثقه ان كدبي عليها في الاول كان خوف من خسارتها و جنانها مكانتش هتستوعب

فضل…..وهي كمان خافت عليك لنفس السبب يا عشري لو انت مكدبتش عليها و كلنا واثقين ان كدبتك عليها كانت خوف من خسارتها هي كمان عملت زيك كدبت عليك خوف من خسارتك بس خسارتك انت في اذيه مريم و دي تفرق يا اخويا ليله صعبت عليا خد بالك بعد ما سيبتها و مشيت كانت واقفه تايهه و مش مركزه اول مره اشوف ليله كده حتي لما تعبت و كانت زعلانه كان زعلها مختلف بلاش يا عشري تخلي مريم تحس انها نجحت لتاني مره تنكد عليكم و تكسر فرحتكم هي متعمده تعمل كده