لقاء كار.ثي

شريف…..انتوا غالين عندنا و عند توما اوي والله

ليله…..عارفه والله حبيبي يا توما انت اخونا و صاحبنا و غالي علي قلبنا اوي ربنا يديم بينا الحب و الخير و ديما نبقي جنب بعض من غير مقابل بس يكون في علمك انا عايزه المقابل بتاعي بقي و انت اللي هتيجي

توما…..بضحك اجيلك علي رموش عنيها يا روحي بس قوليلي بقي التفاصيل كلها

ليله…..طيب عايز تعرف ايه بالظبط ؟

توما….كل حاجه طبعاً يعني مثلا هجيلك فين عايزه تكوني مخلصه امته هتعملي فوتوسيشن بالنهار و لا بليل كل دي حجات لازم اعرفها عشان اظبط الوقت و اعرفك نبدأ امته

ليله….طيب بص اول حاجه هو الفرح في الهرم

توما….اديني في الملكه كليوباترا

ليله….بضحك يا جدع استني خليني اكمل همو.ت منك

توما….بضحك اصل انتي متعرفيش انا بحب الافراح اللي بتتعمل في الاهرام اوي

ليله….اشمعني

توما…..ودي عايزه اشمعني مكان ليه هيبه و مش اي حد يعمل فيه و تعرفي كده علي طول ان العروسه ذوقها عالي و عايزه تبقي ملكه

ليله…..بضحك طب علي فكره بقي مش انا اللي اختارت و غالباً كده معرفش اي تفاصيل اللي حجز جوزي يا سيدي

توما……محترم شايفك ملكه وشكلي حبيته

ليله….بضحك ما كان حمار من شويه

توما…..بضحك لا متوقعيش بيني وبين الراجل ده شكله ذوقه عالي و بيفهم

ليله….ماشي يا سيدي المهم بقي انا اللي عرفتوا اني مش هعمل فوتو سيشن قبل الفرح

توما….ازاي مش هتاخدي كام صوره للذكري يا ليله لا ملكيش حق

ليله….لا اكيد هنتصور بس اقصد انه مش هيشوفني غير لما ادخل لا فوتوسيشن بقي ولا فيرست لوك هو هيشوفني مفجأه علي طول مع الكل

توما….امممم عنصر المفجأه حلو ده اوي مش سهله انتي بردوا

ليله….بضحك والله ولا دي كمان ليا دعوه بيها و خد بالك دي اكتر حاجه مضيقاه في الحوار لما اتفق مع التيم هما اللي قالولوا هيحصل واحد اتنين تلاته

توما…..ماشي كملي

ليله…..يعني انا المفروض هدخل ثمانيه لان الفرح من ثمانيه ل11 او 12

توما…..طيب و المكان اللي هجهزك فيه

ليله…..هيبقي في نفس المكان التيم اللي بيصمم الماكيت بتاع الفرح هيعمل مكان كده زي غرف فندقيه هجهز فيها

توما….انا قولت فرح ملكه

ليله….بضحك الله يسترك يا عم

شريف…..بضحك مصيبه ده

ليله….بضحك الحقني بقي يا شريف منه المهم يعني هبعتلك اللوكيشن و كل التفاصيل اللي هتحتاجها عشان متنساش