لقاء كار.ثي

سلامه….طيب تنام خد بس يا حسان هنا معاك عشان هي خايفه من الكلب

نادين…..هي شكلها عايز ينام كمان

هنا كانت واقفه وحاضنه ايه من جنبها وايه مسكاها

حسان…..تعالي يا قلب بابي

عسال…..خلبها مع نادين في العربيه عشان لو حصل حاجه تسيبها معاها

نادين…اه خليها معايا انا

تامر……ايه انتي كمان اخرجي بره

ايه…..لا مش هينفع يا تامر هو المفروض انا اللي بشتغل في المكان مش هما كده ممكن يفكر اني عملت حاجه في الكلب و مشيت

احمد…..اختك معاها حق خليها

سلامه…..يلا تخرجوا انتوا و اركبوا عربياتكم و انا وايه و عمي هنفضل

خرجوا كلهم علي بره راح ميدو ركب مع نادين و هنا

حسان…اركن عربيتك يا محمود و تعالي معانا في العربيه

محمود….طيب تمام

……………

ايه…..سلامه نتصل بيه احسن ايه رايك ؟

سلامه…..اتصلي علي رقمه و هاتي الموبايل انا هتكلم معاه

ايه…..اهو اتصل

مسك سلامه الموبايل و اتصل علي الرقم فضل يرن كتير و قبل ما يفصل فتح عليه الشاب الخط

سلامه….مساء الفل يا صاحبي

الشاب….ااا مساء النور مين

سلامه…..انا بكلمك بخصوص الكلب بتاعك اللي جيبتوا للانسه ايه

الشاب…..ااااه ايوه ايوه اتفضل

سلامه……معلش يا صاحبي عايزك كده تجيلي علي المحل في السريع عشان في مشكله بخصوص الكلب

الشاب….بنبره فيها توتر ااا مشكله ايه

سلامه….لا لما تيجي بامر الله كده هتعرف المهم انت قدامك كتير

الشاب…..يعني حوالي تلت ساعه او نص انا مش في مدينتي

سلامه….طيب حلو مستنيك بس حاول متتأخرش

الشاب….طيب قولي لو في حاجه هو انا مش فاهم يعني الكلب متبهدل خالص ولا ايه الدنيا

سلامه…..لا يا صاحبي الكلب مات

الشاب…..نعممممم يعني ايه مات و مات ازاي ده

سلامه….ما انا قولتلك لما تيجي هتعرف مات ازاي

الشاب…..طيب انا جاي حالاً

سلامه….مستنيك

قفل سلامه و هو حاسس من نبره صوته ان في حوار كبير هيحصل و كان متأكد ان الموضوع مش بسيط لانه سمع كمان حواليه اصوات شباب و دوشه

ايه….بخوف قالك ايه يا سلامه

فضل سلامه ساكت ثواني و هو سرحان

احمد…ايه يا ابني قالك ايه

سلامه….قال جاي حالا يا عمي هو قال في الاول نص ساعه عشان هو مش في مدينتي خليما نشوف بقي هيجي امته

ايه…..طيب قالك ايه لما قولتلوا ان الكلب مات

سلامه…..ايه سيبك من اللي قالوا اسمعيني كويس شايفه المكان اللي انتي واقفه فيه ده متتنقليش منه خالص انا بس هجيب الملب هنا بره و تفضلي في مكانك جوه