لقاء كار.ثي

احمد….اهو محمود وصل

قرب منهم و دخل بأبتسامه هاديه

محمود…..سلام عليكم

احمد….عليكم السلام يا ابني

سلامه….عليكم السلام يا حودا اخبارك يا صاحبي

سلم محمود عليهم و بعدين بصلهم

محمود…..خير في ايه ؟

احمد…..هقولك

حكاله بسرعه احمد اللي حصل من الشاب بس محمود مكانش مجمع اوي

محمود….طيب هو فين الكلب.

احمد…..جوه

ايه….هنا اهو

دخل محمود بص عليه وبعدين خرج كام خطوه

محمود…..والشاب ده هيعمل كده ليه يعني انتوا عارفينه او بيتعامل معاكي يا ايه؟

ايه…..لا دي اول مره بس سلامه شاكك انه تبع مريم

محمود….مريم مين؟

ايه…..مريم اللي كانت خطيبه عشري يا محمود اللي كانت سبب في اللي حصل مع ليله و عشري

محمود…..طيب معلش وهي مالها و مالك ؟

سلامه….انت شكلك كده معرفتش اخر حاجه حصلت

محمود…. لا في ايه هو في حاجه حصلت؟

سلامه……بتراقب ليله و عشري في اي مكان و مشيت وراء ليله من كام يوم و راحت ركبت عربيتها و هددتها باي حد قريب منها او من عشري و واضح كده ان معاها حد بيساعدها و مراقبه تحركات الكل و زي ما عمي حكالك كده دخله الشاب دي مكانتش مريحه و اكيد مو,ت الكلب والحوار ده مله مش صدفه

محمود….هو لو زي ما بتقول بنسبه خمسين في الميه مش صدفه لان الكلب ده مسموم

احمد…..يعني ايه مسموم يا محمود

محمود….واضحه ياعمي الرغاوي و السائل اللي خارج من بوئه باين انه مش مي,ت مو,ته طبيعيه

احمد…متأكد يا محمود

محمود…..متأكد انا بربي كلاب انا وصحابي و فاهم

احمد…..ربنا يستر خلينا نشوف اخرتها ايه.

محمود….خير ان شاء الله بسيطه متقلقش و بعدين ايه انتي مش عندك كاميرات في المكان هنا

ايه…..في كاميرا بره المحل و في كاميرا اهي

محمود…..شغالين؟

ايه…اه كله شغال

محمود….طيب الكاميرا دي بتبين المكان عندك جوه و انتي شغاله و لا بره علي المكتب هنا بس

ايه……لا بتبين عادي

محمود….طيب كويس عشان بس لو هو ملوش علاقه بمريم دي و حب يتأكد يشوف انك ملحقتيش تيجي جنبه اصلا و يبان قدامه انه مات قبل ما تشتغلي فيه

دخل عليهم عسال و نادين في الوقت ده.

عسال……سلام عليكم ازيك يا عمي

احمد….اهلا يا حبيبي تعالي

عسال…..الله يخليك ازيك يا حودا

محمود….حبيبي يا ميدو الحمد لله ازيك يا نودي

نادين…الحمد لله يا حودا ازيك يا حمودي