لقاء كار.ثي

عسال…..كان واضح شكلها جداً اتوترت اوي و كمان لما مشي و خرجنا احنا كانت حزينه اوي و متلغبطه و خايفه المفروض ليله كمان بتعيش احلي ايام حياتها كلها ايام و تبقي عروسه و مريم بوظت كل حاجه قدرت بمعني اصح تشتتهم و تضيع فرحتهم فا انا والله مش مركز خالص يا نودي و مضايق و بفكر و خايف تعمل حاجه بجد و قلقان عليكي و انتي لوحدك كده

نادين….متخافش يا حبيبي هو انا مش هنكر ان انا كمان متوتره و طول الوقت و انا في الشارع عماله ابص علي العربيات بس خلاص رجعت و قافله الباب عليا و كله تمام متقلقش بص هي للاسف مريم اكتر حاجه نجحت فيها انها توترنا كلنا تضيع فرحتنا بليله و عشري و تشتت تفكيرنا بعيد خالص عن الفرح و تجهيزاته و بمكن انا كنت بتكلم مع ايمي من شويه قولتلها مريم حاجه من الاتنين يا بتهدد لمجرد انها تخوفنا او تخوف ليله عشان تضيع فرحتها يا اما ممكن تنفذ تهديدها ده لو محدش قدر يوقفها و تطلع مريضه بجد

عسال….هي في كل الاحوال مريضه يا نادين حتي لو تهديدها كان مجرد كلام فاضي اللي يتعمد انه يزرع الخوف في قلب اي بني ادم حتي لو مش هيعمل بتهديده ده يبقي مريض بيعيش علي اذيه الناس نفسياً يعني لو مريم كل هدفها انها تقرب تاني و تظهر عشان مثلا تحاول تخلق بينهم مشكله تاني او تحاول تخلي ليله تركز في تهديدها و تتوتر و تبوظ فرحتها فا هي كده مريضه

نادين….معاك حق و تقريباً هي وصلت للي هي عيزاه انا عمري في حياتي ما شوفت ليله في الحاله دي عمري ما شوفتها بتخاف من حد احنا طول الوقت انا و البنات كنا قلقانين من رد فعل ليله عليها

عسال…..ليله مش خايفه يا نادين منها ليله خايفه علي عشري خايفه انها تأذي حد بجد و خدي بالك ليله و ضعها نفس وضع عشري هي كمان لو حد فينا حصلوا اي مشكله هتحمل نفسها الذنب

نادين…..ايوه بس هما ملهمش ذنب في اي حاجه المفروض هنا عارفين هدف مريم ايه من الاول

عسال….ان شاء الله خير و مش هيحصل اي حاجه لاي حد

نادين….يارب بس خد بالك مش هعديلك التوهان اللي انت فيه ده عشان من الاخر مش مصدقاك

عسال….بضحك ليه بس هكون تايه ليه بفكر في حد تاني مثلا

نادين…..بابتسامه متقدرش

عسال….بابتسامه اديكي قولتي اهو مقدرش

رن جرس الباب عندها بصت بخوف بسرعه علي الباب

نادين….ميدو الباب بيخبط