لقاء كار.ثي

بصلها توما و هو بيفكر و سكت ثواني..

توما.. بصي أنا ما بحبش كلمة انتقام دي بصراحه مش لايقه عليا اللي زينا يا ليله حتي لو بيعرف يجيب حقه بس جواه حته حلوه مش بنعرف نبقي جاحدين بس انا بحب كلمة حماية اللي يقرب من دايرتي يبقى أعلن الحرب على نفسه من غير ما يحس مش هتهور بس بردوا مش هسيب الموضوع للصدفة
هسبق بخطوة بس خطوة عقل مش دم هقفل عليه كل طريق أخليه يبقي عاجز انه يوصلي انا ودايرتي
ولو اضطريت أواجه أواجه وأنا عاق مش مندفع اللي اتعلمته إنك لما تخاف على حد بجد مش بتضرب الأول ولا بتهاجك بس لو اضطريت
بتضرب صح.

واقولك علي حاجه مهمه اوي من خبرتي يا ليله

نفخت ليله الدخان و ابتسمت ليه

ليله….قول يا توما اشجيني

توما…..الأهم من ده كله إني ما مخليش حد يحس إن ضربته ليا وجعتني.

اللي عايز ينتقم ياليله بيتغذى على خوفك وأنا خوفي بحطه في جيبي و اقفل عليه …

أحمي اللي بحبهم في هدوء وأخلي اللي قدامي يتعب لوحده من غير ما يعرف إمتى خسر
مش كل معركة لازم تبقى صوتها عالي في معارك بتكسبيها وانتي ساكته وساعتها العدو يفضل يلف في الدايرة الغلط لحد ما يقع لوحده

ليله….باستمتاع من كلام توما ابتسمت معاك حق و يمكن هو ده اللي حاصل معايا للاسف انا نقطه ضعفي واضحه حتي للي مش قريب مني و نقطه ضعفي ديما بتكون علي الناس اللي حواليا و بحبهم و معنديش استعداد اني اخسرهم باختصار يا توما الناس دي اللي طلعت بيهم من الدنيا كلها و عشان كده ديما واضح عليا ان هما دول نقطه ضعفي بس قولي يا توما بخبرتك دي لو انت عندك نفس نقطه الضعف تنصحني بأيه..

توما…. أول حاجة تعمليها إنك ما متفتحيش كل أوراقك لحد عدوك واثق اكيد إنك قوية بس مش لازم يعرف ازاي و امتي هتستخدمي قوتك دي تاني حاجة ما تحطيش أعز ناسك في الواجهة.
اللي بيحب يأذي بيدور على اللي ظاهر خلي حمايتهم في الضل
وثالث حاجه متستهونيش بحد
ولا تخافي من حد خلي ميزانك دايماً ثابت ولو حسيتي بخطر
ما تستنيش لما يبقى يقين
الحدس أحياناً أصدق من الدليل يعني اللي قلبك يحس بيه و يقولك هو ده يا ليله صدقيه اقفلي الأبواب بدري مش لما النار توصل للبيت
وآخر حاجة ودي الأهم
اللي بتحبيهم مش لازم يعرفوا كل حاجة.
كفاية يعرفوا إنهم في أمان أما إنتي
خلي عقلك صاحي وقلبك هادي
وساعتها أي حد يفكر يقرب
هيلاقي نفسه لوحده وانتي واقفة في مكانك ما خسرتيش حد