لقاء كار.ثي

عشري…..هو انا سيبتها هي اللي مش راضيه تاخدني معاها و قلبت التربيزه عليا بنت المارديني و حلفت لو صممت ما هتروح و لا هتنزل من البيت

فضل…..بضحك بتتكلم جد

عشري…..بضلوا بغضب ومالك مبسوط كده ليه

فضل….بضحك و الله ليله دي عسل بجد حلفت عليك ما يمكن بتدلع عليك يا عم

عشري…..ولا بتدلع و لا حاجه حافظها و حافظ دماغها الناشفه و حلفت برحمه امها ما هتروح ووانا عارف دي مجنونه و الله حتي لو الفرح ما هيتم ما هتروح هي اصلا مكانتش عايزه فرح و بتتلكك

فضل….بضحك طب و ليه قالتلك لا

عشري…..بتأدبني يا فضل عشان قلبت عليها امبارح ارتاحت ما انا بقولك قلبت التربيزه عليا خلتني بدل ما انا اللي ازعل منها هي اللي زعلانه

فضل…..بضحك والمصحف بت بميت راجل احسن تستاهل ما انت سايق فيها

عشري…..انت فرحان فيا ياواطي انا اصلا مجيتش جنبها اه زعلت بس لا اتعصبت ولا نيلت عارف انها عملت كده عشان خافت عليا

فضل…..عيشت و شوفت اللي يربيك و دماغه تبقي اوسخ من دماغك

عشري….بابتسامه هاديه من ناحيه دماغها اوسخ فاهي اوسخ انا عموما بسايسها بس لحد ما نعمل الفرح بس وديني لا هطلعوا علي عينها لما نتجوز

فضل…..بضحك طيب بقولك ايه ما تكلمها كده شوفها هترجع امته و نروحلهم شويه

مسك عشري الموبايل يتصل بيها

عشري….انا اتصلت من شويه كان لسه غير متاح مفيش شبكه كويسه هناك اكيد لسه مخلصتش حط الموبايل علي ودنه اهو لسه غير متاح

فضل…..طيب بقولك ايه احنا قريبين من المعرض خلينا نروح نعدي علي رشيد و نقعد معاه شويه لحد ما تكون هي خلصت و نروحلهم

عشري……اهو رشيد ده بالذات لو روحت هضربوا الواطي اللي عامل قاعده عنده و عامل فيها مصلح اجتماعي

فضل….بضحك يا عم انت عايز تطلع اللي ليله عملتوا فيك علينا ما قولتلك ميعرفش روح عليه يلا خلينا نخلص.

عشري…..بابتسامه طب احترم نفسك بدل ما اطلع اللي ليله عملاه فيا عليك انت

فضل…..بضحك ايوه اعترف انها قدرت عليك

عشري……بضحك و المصحف هتتضرب

فضل….بضحك لا خلاص هسكت

عشري…طب كلم رشيد شوفوا كده لا يكون مش هناك

فضل….هيروح فين هو هناك يا عم كنت مكلموا من شويه

عشري…..ماشي

طلع عشري علي المعرض كانوا قريبين منه مش بعيد اوي.

وصل بعد وقت بسيط ركن و نزل هو و فضل دخلوا بصوا علي الشغل و سلموا علب الموظفين و بعدين طلعوا لرشيد في المكتب بتاعه كان بيتكلم مع ايمي و بيطمن عليها..