لقاء كار.ثي

سلامه……مظنش يا ايه و بعدين حتي لو مات عادي مش بعيد الولد ده يعمل قصه و حوار لو فعلا الكلب مش بتاعه هيبقي خايف ان الكلب مات وهو في امانته و انتي و هنا معانا

احمد……وهو يعني حافظ علي الامانه ما الكلب جاي في ايده ضايع

هنا….ايه هو في ايه الكلب ماله

ايه…..مفيش يا هنا مفيش يا حبيبتي متقلقيش

سلامه….هنون متخافيش يا قلبي مفيش اي حاجه

احمد…..بهدوء طيب مش احسن لما نتصل بالشاب يا ابني بدل ما الوقت يعدي و يقول احنا اللي عملنا فيه حاجه بيتهيألي لو اتصلنا علي طول و هو يادوب ماشي احسن يعني ملحقناش نيجي جنبه

سلامه….عمي انت بتثق فيا ولا لا

احمد….اكيد يا ابني

سلامه……طيب انا واثق و متأكد ان في حوار وراء قصه الكلب ده يعني سواء اتصلنا عليه بعد ما مشي بدقيقه او اتأخرنا هو ناوي علي قصه

احمد….يا ابني طيب مش يمكن انت عشان متوتر من قصه مريم دي فاكر ان هي اللي وراها

سلامه…..صدقني لا ركز كده في القصه كلها الواد اتواصل مع ايه و حاول بقنعها و علي كلامها زن كتير و كمان هو اللي عرض عليها المبلغ عشان يخليها تتحمس هو حتي مسألش مثلا علي السعر او اقنعها بس لا ده عرض و لما جه اداها الفلوس علي طول و مفيش حد بيعمل كده كمان قصه صاحبه دي فيها حاجه غلط بس انا عشان كنت مركز مع الكلب مركزتش معاه اوي يعني ايه الكلب بتاع صاحبه و سايبه هو اللي بيخلص ورقه و الواد نفسه مش مريح حتي لما ايه قالتلوا انه تعبان و ممكن بتعب من المجهود قالها لا هو بس مضايق من الحاله اللي فيها الكلب عشان يوصل للمرحله دي محتاج شهور ده كأنه كان في الشارع اصلا و حد راميه

ايه….اااا بابا انا حاسه ان كلام سلامه صح هو فعلا زن كتير اوي و في العادي محدش بيعرض عليا مبلغ هو بيسأل الاول علي السعر و بعدين هو بيقول ان ناس صحابه اللي رشحوا ليا يعني اكيد سأل علي الاسعار ايه اللي هيخليه يدفع كل ده من جيبه عشان كلب صاحبه

احمد…..طيب لما انتي مش مرتاحه من الاول ليه وافقتي يا ايه

ايه…..انا مكنتش شاكه اصلا و كنت عادي مش في دماغي بس لو علي كلام سلامه اه كلامه مقنع الصوره اللي بعتهالي للكلب كانت علي شكل البهدله اللي هو فيها مكانش باين انه تعبان كده.

احمد……يلا حصل خير و اهدي خير ان شاء الله

نزل محمود من العربيه