لقاء كار.ثي

توما….طيب ماحلو ساكته ليه؟

ليله….انا لما سجلت يا توما سجلت و انا مش عارفه بسجل ليه اصلا بس تقدر تقول ان التسجيل ده نفعني في اني اسمعوا للقريبين مني عشان باخدوا حذرهم انما لو فاكر ان التسجيل ده هينفعني ضدها فا هو مش قانوني و مش هيتاخد بيه
يعني من الاخر ملهوش لازمه

توما…..لا اسف بقي انتي عبيطه يا ليله اسمعي بقي من اخوكي الكلام الصح متستهونيش بالتسجيل ده ابداً
حتى لو مش قانوني كدليل إدانة
هو قانوني كـبلاغ انتي مش رايحة تحاكميها إنتي رايحة تثبتي حالة
تحكي اللي حصل وتقولي إن في تهديدات وتقدمي اللي عندك كامواطنه عاديه متضرره من تهديد
القانون ما بيبدأش بإدانة يا ليله
بيبدأ بتوثيق وأول توثيق هو اللي بيحميكي بعد كده وجود بلاغ باسمها حتى لو ما جابش نتيجة فورية بيعمل حساب أي تصرف منها بعد كده هيتحسب عليها مش عليكي
وما تخافيش من حتة مش قانوني دي القانون فاهم إن مش كل تهديد
بيجي في وقت صح المهم إنك سبقتي و كتبتي اللي حصل في وقته اعملي اللي عليكي وسيبي الباقي يمشي في سكته اللي بيأذي في الضلمه أكتر حاجة تخوفه
إن النور يولع بدري اتصرفي يا ليله و خدي خطوه و بعدين انتي الله اكبر عليكي انتي و البنات عارفين ناس تقيله و ناس كتير بتحبكم و تقدر تساعدكم و علي الاقل لو مش هيعملوا حاجه هيثبتوا حاله وينصحوكي تعملي ايه بالقانون و لو معندكيش يا ستي انا اساعدك في الحته دي انا الستات اللي بتجيلي كلهم حبايبي و معارفهم رتب تقيله و يتمنوا يخدموني

ليله….طيب و افرض مش فارق معاها القانون دي مريضه يا توما و قالتها بلسانها حتي لو همو.ت مش مهم المهم اوجعك و انتقم منك

توما….بابتسامه يابت عيب عليكي ده انا بقول عليكي ذكيه طب اسمعي بقي الخلاصه من واحد سف التراب و اتعامل مع طوب الارض و سمع حكاوي و عاش قصص تشيب الراس ما فيش حد يا ليله
مش هامه القانون.
كلهم شجعان بالكلام وأول ما الورق يدخل والاسم يتسجل اللسان اللي قال حتى لو همو,ت بيهدى وأوقات بيخرس الناس دي بتعيش على التهديد مش على التنفيذ تحب تبان مجنونة عشان اللي قدامها يخاف
بس لما تشوف ختم، محضر، رقم قضية بتفتكر فجأة
إن عندها حياة تخاف عليها و لو مجنونه او عامله مجنونه بتعقل
القانون بيقلب أقوى واحد
لأضعف واحد لما يعرف إن كل خطوة محسوبة عليه وساعتها تلاقي اللي كان بيزعق بقى يستعطف واللي كان بيهدد بقى ينكر
اعملي اللي عليكي وسيبيها تقابل الحقيقة اللي هتص
مها لما تلاقي نفسها مرميه علي بورش و لا في زنانه في اوسخ فئه في البشر مش إنتي اللي هتوقفيها
النظام كله هيقف قدامها وساعتها هتعرف إن اللعب انتهى وإن الكلام كان سهل بس الحساب طلع تقيل و هتبلع لسانها ده لما تلاقي نفسها مرميه وسط مجرمين بجد و هتقلب قطه