لقاء كار.ثي

اسمعي من اخوكي التسجيل اللي في ايدك ده كنز انتي مش مقدراه تسجيلك ليها مكانش صدفه او حاجه انتي مش عارفه ليه عملتيها
دي حكمه و ربنا اللي خلاكي تعملي ده لو التسجيل مكانش ليه لزوم مكنتيش هتسجلي خدي الخطوه وروحي لحد عارفه انه هيقف جنبك و يساعدك و زي ما قولتلك لو مش قانوني علي الاقل يبقي سلاح امان

و اوعي تصدقي ان مفيش حاجه فارقه معاها هي بس السـ.ـكينه سرقاها و لسانها مقوي قلبها خدي الخطوه يا ليله و اوعي تستهوني باي دليل في ايدك حتي لو نتيجته مش سريعه

ليله….بابتسامه تصدق بالله انا بمو.ت فيك يا احلي توما في الدنيا انا يمكن عقلي كان مشوش و اول مره احس اني مش قادره افكر لوحدي و انت عارف كويس اني مش الشخص اللي بيروح يحذر او ينبه اللي منه انا بتصرف علي طول بس المرادي كنت حاسه اني متوتره و مش عارفه افكر عشان كده قولت اعرفهم و اهليهم يخلوا بالهم من نفسهم بس انت كلامك صح حتي لو التسجيل مش قانوني بس هيبقي امان

توما….بابتسامه جميله و انا بمو.ت فيكي و علي فكره اللي بيفكر يحمي اللي حواليه حتي لو متوتر او مشوش مش بيبقي ضعيف ولا قليل الحيله كل الحكايه انتي بس كنتي محتاجه حد يرجعك لعقلك و مكانك الصح واهو حصل المهم مش عايزك تخافي او تقلقي حتي لو نفذت حاجه بسيطه عشان تثبتلك ان كلامها مكانش تهديد اوعي تتهزي كملي طريقك بكل ثقه و اوعي تبيني قدامها انك اتهزيتي او فرق معاكي حسسيها ان اللي عملتوا مش اكتر من انه لعب عيال

ليله….بابتسامه طبطبت علي كفه معاك حق انا بحبك اوي يا توما انت من انضف و اجدع الناس اللي قابلتها في حياتي اوقات كده لما بنحس اننا تايهين بنتمني اننا نلاقي حد زيك في حياتنا ينصحنا و يرجعنا تاني لعقلنا و كلامك فرق معايا لدرجه انت عمرك ما هتتخيلها

جايز لو انا بنصح حد هنصحه بنفس طريقتك بس اوقات مش بنقدر ننصح نفسنا او نفكر صح طول ما المشكله تخصنا اوقات عقلنا بيقف و انا معترفه ان عقلي واقف تقريباً من بعد اول مشكله حصلت معايا و اوقات كمان مهما كنت قوي او بتعرف تتصرف او اللي حواليك ديماً بيعتمدوا عليك بيجي عليك لحظه تحس انك محتاج تسمع نصيحه و انت عملت معايا ده الوقت انا اكتشفت الوقت ان فعلا عقلي كان واقف عند فتره معينه بس خلاص اشتغل و رجع

توما……ايوه كده اضحكي و افرحي انتي صح و مش ضعيفه و لا مهزوزه انتي بس كنتي مشوشه و لو علي الجدعنه يا ست الناس كلها انتي سبقتيني فيها انتي و ايمي و اطمني اخوكي في ضهرك اي حاجه تعطلي فيها في القانون انا جنبك و اللي مش قانوني لاجل عيونك و جدعنتك هيبقي قانوني