لقاء كار.ثي

ايه…..طيب و تجيبه ليه هنا خليه يجي يشوفوا في مكانه زي ما هو

احمد….اه يا ابني خليه جوه احسن عشان يعرف انها ملحقتش تعمل اي حاجه

سلامه….عمي الواد ده مش هيجي لوحده في صوت شباب كتير جنبه و انا واثقه انه مش ناوي علي خير و عايزه لما يجي يشوف الكلب يلاقيه هنا ميدخلش ناحيه ايه خالص

احمد….هيعمل ايه يعني هيتخانق احنا هنتكلم بهدوء مش خناقه هي خليه احسن زي ما هو

سلامه….انا مش عارف ليه انت مش عايز تقتنع انه اه جاي و ناوي علي خناقه او مصيبه احنا مش متوقعنها

اجمد….طيب اسمع كلامي بس وبلاش تنشف راسك دي سيب الكلب جوه زي ماهو و بعدين الشباب بره يعني لو في حاجه هما معانا متخافش

ايه….خلاص خليه يا سلامه حتي لو جه و دخل شاف الكلب مش هيتخانق هنا يعني اكيد هيخرج بره يتكلم و انا هفضل هنا متخافش

سلامه….طيب يبقي مش عايزك تتحركي من مكانك خالص تمام

ايه….حاضر

…………….

عند عشري مشي من الكافيه و قال انه رايح يخلص مشاويره اللي كان مأجلها وفضل مرضيش يسيبه لوحده راح معاه عشان علي و عمر كانوا منبهين علي فضل في السر كده انه ميسيبهوش عشان ميعملش اي تصرف مجنون و طلعوا معاهم حق عشري مكانش وراه اي حاجه

و كان عايز يطلع بس بالعربيه عايز يشوف مريم هتمشي وراه او اي حد كان عايز يلاقيها بأي طريقه

فضل……بهدوء بقول ايه بدل ما انت قاعد تلف بالعربيه كده و مش عندك اي مشوار و مستني الحربايه دي تظهرلك خلينا نقعد في اي مكان كده مع بعض

بصلوا عشري بغيظ و بعدين رجع بص قدامه وهو بينفخ الدخان

فضل….بابتسامه ايه فتكرني مش فاهمك عامل ان وراك مشاوير و انت قاعد تمشي بالعربيه و مش بتروح اي مكان

عشري…..بقولك ايه يا فضل متعملش ناصح عليا لو عندك حاجه عايز تعملها ارجعك و متصدعنيش انت اللي شبطت فيا زي العيال الصغيره و قولت اجي معاك

فضل…..بضحك ياعم انا نطقت لف براجتك ان شالله تلف من هنا لبكره كمان انا معاك و مش ورايا اي حاجه انا بس شايفك بدأت تسيب الحجات المهمه اللي المفروض تكون بتعملها الوقت و ناسي فرحك اللي قرب و عمال تلف في الشارع زي المجنون و فاكر ان مريم هتظهر في وشك كده بسهوله انت متخيل يعني يا عشري انها بعد ما هربت و اختفت كده هترجع تظهر هي ذكيه مش غبيه و عرفت ان ليله قالت اللي حصل و اكيد فاهمه انك اول واحد مش هتسمي عليها و عارفه اننا قفشنا المراقبه اللي عملاها علينا يعني مش هتقرب من حد