لقاء كار.ثي

ليله…انتوا اكتر والله عامل ايه يا سعد

سعد….بخير عشان شوفتك والله متتاخريش علينا تاني

ليله….لا مش هتأخر يا سيدي هقرفكم متقلقش يارب متزهقوش مني بس

سعد….منقدرش والله

توما…..يالهوي عليا يلا منك ليه هنقف نرغي كتير عايز استفرد بالقمر بتاعتي

ليله….بضحك سيبهم يارخم واحشني

توما….قوليلي قبل ما يمشوا تشربي ايه و لا ناكل انا مكلتش

ليله….بضحك لا مش عايزه اكل انا عايزه القهوه بتاعتي

توما…..سعد بلغوهم تحت يجيبوا قهوة ليله و قهوتي

سعد…..مظبوط يا استاذه صح؟

ليله….بابتسامه لا ياعم سعد ساده شكلي غيبت عليكم كتير

سعد….بضحك حقك عليا عندي دي

ليله….بابتسامه ولا يهمك ياسيدي

خرجوا الشباب وسابوها مع توما

تونا….بابتسامه تعاليلي بقي هنا انتي كده و احكيلي امته و ازاي عملتي كده اتجوزتي يا ليله و من غير ما اتعزم علي فرحك

ليله…. بابتسامه ما انا قولت خلاص بقي يا توما كفايه عزوبيه لحد كده بس متقلقش لسه كتب كتاب انت اول المعزومين

توما….عزوبيه ايه ده انتي قمر تقعدي و تستني و تحطي رجل علي رجل لحد ما تختاري و تتشرطي و يجيلك الفارس بحصانه الابيض

ليله …بضحك ماهو جه خلاص

توما….يالهوي علي الفرحه اللي انا فيها طب ايه احكيلي الاكس و لا واحد جديد

ليله…..بابتسامه لا يا اخويا هو الاكس

توما…..متقوليش شكل الميكب و اللوك جابوه الارض ما انتي كنتي زي القمر بصراحه

ليله….بضحك البركه فيك يا توما.

توما….البركه فيا ايه هو مقدرش يقاوم القمر صراحه كان هيبقي حمار

ليله….بضحك احييييه عليا لو سمعك هيعلقك

توما….بضحك و الله فرحتيني يا ليله اوي و فرحت اكتر لما سمعت صوتك انهارده و انتي بتتصلي عليا حمد الله علي السلامه يارب ما يعودها تاني يا روحي

ليله….الله يسلمك يا توما الحمد لله عدت علي خير ربنا كريم

ولعت سيجاره وقربت منها الطفايه

توما….الحمد لله و انتي تستاهلي كل خير و خدي بالك مفيش حاجه في الدنيا دي تستاهل زعلك حتي لو مين اوعي تسيبي نفسك للزعل كده
تاني يا ليله

ليله….بإبتسامه هاديه لما الزعل يجيلك من حد انت بتحبه اوي بيبقي يستاهل يا توما

توما…..صدقيني يا ليله مفيش حاجه في الدنيا دي كلها تستاهل ان الواحد مننا يزعل نفسك ليها عليكي حق بطلي جدعنه و بطلي تبقي الناس عليكي انا كنت زيك يا ليله و انتي عارفه كويس الجدعنه و حب الناس اكتر ما بحب نفسي و مواقفي الحلوه مع الكل و اني ارضي الصغير قبل الكبير حتي لو انا من جوايا مش راضي هي اللي جابتني لوراء