لقاء كـ،ـ،ـارثي
ايمي….يا سدي هي هتعرف اكتر مني انا هقدر والله
رشيد….متحلفيش ايمي انتي حامل في ثلاثه يعني مش هتقدري لازم تاكلي وفي ادويه بتتاخد وسط اليوم و ڤيتامينات الله يخليكي بلاش تهريج و اسمعي الكلام
ايمي….يوم واحد يا رشيد
رشيد…..ولا نص يوم وخدي بالك طريقتك دي هتخليني مش هسيبك غير و انتي بتاكلي قدامي قبل ما اروح الشغل
ايمي…..طب علي فكره هتشيل ذنبي
رشيد….لا طبعا انتي معاكي رخصه من ربنا عايزه تعوضي بعدين انتي حره انما الوقت وانتي حامل مستحيل ايمي اللي بتبقي حامل في واحد بتتعب انتي ماشاء الله حامل في ثلاثه يعني مش هينفع و لازم تشربي كتير مايه و سوايل
ايمي….مجاتش من يوم
رشيد….لا جات و مش هتصومي و اسمعي الكلام
ايمي…..هزعل منك بجد
رشيد….لو في دي ازعلي انا راضي
ايمي….يا بااااي عليك ماهو مينفعش ابقي قد الشحطه كده و افطر
رشيد….وهو انتي فاطره بمزاجك يا هبله انتي و لا عشان ولادك و صحتهم و صحتك
ايمي….بابتسامه ااا جلوه ولادك دي
رشيد…. بضحك عجبتك يا هبله
ايمي…..بضحكه عبيطه اه اوي
رشيد….طيب ممكن و غلاوة ولادك تسمعي كلامي و تبطلي زن في حوار الصيام ده و تفطري عشانك و عشانهم
ايمي…انت بتثبتني و بتحلفني بغلاوتهم يعني
رشيد….والله مش بثبتك بس انا خايف عليكي ياروحي الدكتوره قالتلك كلتي مكلتيش هما هياخدوا اللي محتاجينه من جسمك يعني انتي اللي هتتعبي فا احنا نبقي حلوين و نسمع الكلام و نحافظ علي نفسنا عشان نقدر نحافظ عليهم ممكن يا نور عيني
ايمي…..بهدوء خدت نفس عميق ماشي ممكن و ربنا يسامحني بقي
رشيد….هيسامحك اكيد لان انتي مش عليكي وزر ولا فاطره بإرادتك يا قلبي هو مش هيسامحك فعلا لو صومتي و تعبتيهم لان دي روح جواكي ولازم تحافظي علي النعمه اللي ربنا ادهالك امامه
ايمي….بابتسامه طيب خلاص مش هصوم و بأذن الله هعوض بعد ما اولد
رشيد…..ان شاء الله يا قلبي ممكن تتسرحي بقي
ايمي….بصتلوا بقرف قال بعني صايمه اوي قول ممكن تاكلي ومتستفزنيش
رشيد… بضحك ماشي يا ستي ممكن تاكلي صحيح چوي اتسحرت
ايمي….اه اتسحرت خلاص
رشيد…طيب يلا كلي و رمضان الجاي باذن الله هنبقي قاعدين نتسحر مع بعض و ولادنا جنبنا مش عارفين نتسحر منهم اصلا
ايمي….بضحكه جميله يارب يا رشيد
…………..
