لقاء كـ،ـ،ـارثي
فضل….تمام يا رحاب حصل خير بس برضوا هي مش موجوده عشان ترد غيبتها او تدافع عن نفسها فا مينفعش نجيب سيرتها
رحاب…..معاك حق بس يعني بصراحه انا متحملتش الكلام عليك و لا اتحملت ان كلهم ياخدوا صف نعيمه يمكن ليله معذروه لانها صاحبتها بس كمان مش عشان صاحبتها تدافع عنها وتيجي عليك متزعلش مني يا فضل
فضل….تمام يا رحاب مش زعلان وحصل خير بس اتمني الموضوع ده ميتفتحش تاني خالص و لا سيرة نعيمه تتجاب لا بالخير ولا بالشر
رحاب….بابتسامه هاديه ممكن طبعاً بس ممكن انت كمان متزعلش صدقني انت تستاهل كل خير
فضل…..انا مش زعلان يا رحاب حصل خير
قربوا من البيت.
رضوي…..يلا يا رحاب
رحاب…..تصبح علي خير
فضل….وانتي من اهل الخير امي تعالي لحظه
قربت نجود و راحت رحاب مع رضوي
نجود…..نعم
فضل…..عايزك معايا
نجود….علي فين
فضل….لحظه
والده…يلا مش هتدخلوا
فضل….اطلع يا باااه انا بروح لعشري انا وامي شويه هنتكلم في موضوع سريع و بنرجع
والده….في حاجه
فضل….لا متقلقش خير ادخل انت يلا
هز راسه ودخل و مسك فضل الموبايل اتصل علي عشري.
عشري…..هلا فضل
فضل….هلا يا اخوي صاحب شويه انت وليله
عشري….اه صاحين خير
فضل….عايز اطلعلكم انا ونجود شويه
عشري….تنوروا يلا مستنيكم
فضل….. تمام بالسلامه
عشري….سلام.
ليله….في ايه؟
عشري…..فضل طالع هو ونجود شكلها قالتلوا
ليله….تفتكر يكون زعل من كلامي معاها
عشري….يزعل مقولتيش حاجه غلط بس فضل ميزعلش لا و انتي متزعليش و كويس انك رديتي عليها
ليله….صدقني انا مكنتش حابه ارد عليها ولا رد فعلي يكون كده خصوصا عندكم و دي اول مره اتجمع معاهم بعد الجواز بس دي نعيمه يا عشري انت عارف كويس اني مستحيل اتحمل اي كلمه وحشه علي حد من البنات و هي كلامها عصبني بجد لو كنت سكت كاني بأكد كلامها
عشري……و تسكتي ليه اللي غلط يتحاسب و تردي في اي وقت علي اي حاجه متعجبكيش و نعيمه زي ما هي غاليه عندك غاليه عندي و اكيد مش هقبل عليها اي كلمه مش فيها
ابتسمت ليله بهدوء و سكتت
ثواني و رن جرس الباب قام عشري فتح .
عشري…..بابتسامه هاديه ادخلي يا نجود تعالي يا فضل
ليله….بابتسامه تعالوا اتفضلوا
فضل….سلام عليكم
ليله….عليكم السلام ادخلوا يلا
نجود….بسم الله ماشاء الله
