لقاء كـ،ـ،ـارثي
ليله…..بحزن اكيد بس هيبقي عندي فضول اعرف يا فضل السبب عشان لما اخرجوا من قلبي ابقي مرتاحه اني مقصرتش ولا كنت سبب في قراراه ده عشان لو مسالتش هكرهوا و هعتبروا عدوي لانه كسرني و اللي بيحب يا فضل بيبقي عندوا فضول بعرف الحقيقه قبل ما يحول حبيبه لعدو او حتي يكرهوا
فضل…..بابتسامه حزينه و انا مبقاش عندي فضول و يمكن خايف اعرف سبب اهبل و عبيط يخليني اكرهها بجد فا سيبوني كده واقف في النص لا انا قادر اكرهها ولا قادر اسامحها
ليله…..طيب انا مقدره ان انت مش كويس و عارفه ان اب حاجه الوقت هتقولها هي مش طالعه من قلبك عشان كده هنسيبك شويه كمان يمكن نفهم و نعرف و يمكن انت تهدا من ناحيتها يمكن هي تحس انها غلطت في حقك و تكلمك و تقدر تقنعك و اللي بينكم ينتهي هنحترم قرارك يا فضل بس مؤقتا لحد ما تهدوا
فضل……انا عموما يا لياه سبب طلوعي هنا كان عشان اقولك متزعليش لان عارف كويس ان الكلام اللي اتقال من رحاب عن نعيمه قدامك مكانش حلو و اعتبري ان ده مش هيتكرر تاني و متزعليش
ليله….بهدوء مش زعلانه يا فضل المهم انت متبقاش زعلان مني
فضل….بابتسامه انتي اختي يا ليله وربنا يعلم غلاوتك عندي يلا هنسيبكم بقي و معلش سهرناكم اوي
ليله…..لا خالص والله صحيح نسيت اباركلك علي المشروع الجديد و مستنيه عربيتي
فضل….بابتسامه هاديه الله يبارك فيكي عيوني احلي عربيه يلا سلام يا عشري
عشري…..سلام يا صاحبي علي مهلك يا نجود
نجود…..تصبحوا علي خير سلام يا ليله
باستها ليله و همستلها بهدوء
ليله…..براحه عليه و حاولي تقفلي الموضوع الفتره دي
نجود….بحزن ربنا يهديهم بكره نبقي نتكلم
ليله….ماشي يلا باي
نزلوا و فضل عشري و لياه واقفينلهم و بعدين قفل عشري الباب و بص لليله بهدوء
عشري…..فضل مش كويس خالص
ليله…..عارفه و يمكن انا جيت عليه شويه بس انا عارفه انه معاه حق و غصب عنه بس مش هاين عليا يحصل بينهم كده يا عشري
عشري…..ولا انا والله بس افرضي ان احنا حاولنا و فشلنا
ليله…..حتي الفرض نفسه مش قادره اتخيلوا يمكن في الاول خالص كنت حاسه ان مش كلنا هتظبط معانا و لا كلنا هنرتبط بس الوقت مش متقبله الفكره يا عشري و نعيمه للاسف معجزاني لا قادره اتكلم بقلب ولا ادافع لاني مش فاهمه يمكن انا رديت علي رحاب بس حاسه ان مش ده الرد اللي كان لازم ارده لاني مش فاهمه حاجه انا لو كنت فاهمه بجد.كنت عرفت ارد كويس عليها
