لقاء كـ،ـ،ـارثي

ملك….ايوه محمود برضوا حصل فيه كده رغم انه بيحب رحمه اوي فا عادي الضغط النفسي بيعمل اكتر من كده و يمكن البنت عندها مشكله مش قادره تتكلم فيها مع حد و يمكن كمان فضل اللي زعلها ليه بنلوم عليها و احنا مش عارفين اللي بينهم

امينه….الله يرضي عنكم يا بنات و يكملكم بعقلكم

رحاب….انا مش عايزه حد يزعل مني ولا عايزه اعمل مشكله والله انا كنت بتكلم عادي و كنت بفكر معاكم بصوت عالي بس معرفش انها هتضايق كده

امينه……حصل خير يا بتي سوء تفاهم وراح لحاله

رضوي….و ياريت تصلحي الموقف يعني ليله اول مره تتجمع معانا مش عايزين نزعلها لما ترجع اعتذري عشان هي زعلت وبصراحه انا اتحرجت منها

………….

ليله بصت لنجود بهدوء

نجود….في ايه مالك قلبتي مره واحده ليه

ليله…..انتي راضيه عن اللي حصل مبدأيا كده انا بعتذر عن كلامي و رد فعلي بس غصب عني دي نعيمه يا نجود

نجود….عارفه و انا زيي زيك اضايقت ورديت عليها قولتلها مستحيل تعمل كده بس متاخديش علي كلامها نعيمه انتي عارفه غلاوتها عندي كويس و من الاخر كده انا مستغربتش اللي رحاب قالتوا لاني بحس ان هي عينها من فضل و مصدقت

ليله…..بتحسي دي واضحه اوي يا نجود الحمقه اللي فيها مش عاديه و انا سكت بس يعني انها تفكر تتكلم عن نعيمه اسفه مش هقدر

نجود….طيب حقك عليا انا و متزعليش

دخل عشري و فضل عليهم

عشري…..في ايه ؟

فضل…..في ايه يا ليله في ايه نجود

ليله…بابتسامه مفيش بنعمل قهوه

عشري….امال ليه حسيت ان في مشكله

ليله….مفيش يا حبيبي خرجت انا وهي نعمل قهوه عادي

نجود…بصت لليله تشربوا قهوه

عشري….لا مش عايز

ليله….اعملك يا فضل

فضل…..تسلم ايدك مش عايز

وقفوا شويه معاهم عشري كان حاسس ان فيها حاجه بس قال ممكن تكون هي و نجود كانوا بيتكلموا عن فضل و نعيمه و سكتوا لما فضل جه وقف معاهم شويه و بعدين خد فضل و مشي.

خدت ليله القهوه هي و نجود و رجعوا تاني و هي مبتسمه عادي

امينه…..تسلم يدك يا ست البنات

ليله….بابتسامه بالف هنا
و لعت سيجاره

بصولها البنات وابتسموا بهدوء.

رضوي بصت لرحاب و هزت راسها

رحاب….اااا ليله انا اسفه لو ضايقتك بجد بس انا مكنتش اقصد صدقيني

بصتلها ليله و نفخت الدخان.

ليله….حصل خير بصت لرهف وابتسمت ها يا رهوووف هتعملي البيرسينج امته