لقاء كـ،ـ،ـارثي
وبعدين فكروا في الموضوع شويه يعني لو الموضوع نفسيه وهي مش حابه تتكلم في اي حاجه واختارت انها تبعد مره واحده عن الكل ملهاش تفسير غير انها محبتش فضل او حبت شخص تاني و مش عارفه تقول ..
بصتلها ليله وكانت جابت اخرها خلاص كانت مقرره تعدي عشان دي اول مره ليها وسطهم بعد الجواز بس مقدرتش تتحمل اكتر من كده
ليله….. شششششششششش
بصولها كلهم و حسوا ان ليله قلبت
ليله…..مع احترامي للكل اولا مش من حقك او من حق اي حد يتدخل بين فضل و نعيمه و لا من حقك تحكمي علي ظروف حد انتي متعرفيهاش
رحاب…..انا بتكلم عادي متفهمنيش غلط اااا
ليله…..اكملللللل كلامي بعد اذنك بصي انا اول مره اشوفك و كنت اتمني انطباعي الاول عنك يكون احسن من كده و كنت اتمني ان انتي كمان تاخدي عني انطباع احسن من كده بس اسفه بيتيهألي ان في انطباع اهم من شكلي لازم تاخديه وهو طبعي
انا في حياتي عندي ريد فلاااجز يعني خطوط حمراء مش مسموح لاي مخلوق في الدنيا يتخطاها معايا حتي لو كان مين
و الريد فلاجز دي يعني اهلي صحابي جوزي و مش مسموح لاي حد يقرب منهم حتي لو بالكلام و حتي لو ده رايك سهل تحتفظي بيه لنفسك لان اسفه احنا مش صحاب عشان اسمع منك كلامك اللي بتقوليه عن اختي وصاحبة عمري و اسكت نعيمه اللي بتتكلمي عنها دي بتعشق فضل زي ما هو بيعشقها
و مش هي ابدا الشخص اللي تشوف حياتها مع راجل تاني غير الراجل اللي لابسه دبلتوا
رحاب….ليله انا مقولتش كده انتي فهمتي كلامي غلط انا…
ليله….بحزم اسمعييييني و اسكتي من فضلك مبداياً اللي حاصل بين نعيمه و فضل ده كده كده هينتهي و هيخلص و هيرجعوا احسن من الاول قدامنا كلنا حاجه من اتنين يا نقول كلمه كويسه يا نسكت حتي لو مش هيكملوا بعض برضوا نسكت لان في النهايه ده هيبقي قرارهم و اسفه انتي مش الشخص اللي مطلوب منه يقول كلمه كويسه او حتي يسكت لان انتي بعيد عن العلاقه دي اللي يتكلم اهلها اهلوا انااااا صحابها غير كده نقطه و من اول السطر الباقي متفرج وبس.
اختك ممكن تتكلم هي او خديجه او شهنده او نرمين مع نجود في قاعده صفا و فضفضه نسوان بس برضوا اخرهم يقولوا كلمه حلوه اكتر من كده موقفهم هيبقي تفسيره مش حلو في حقهم لانها هتبقي سلفتتتتهم بس هما بنات يجننوا و كان باين حبهم لنعيمه يعني كلامهم عنها هيبقي بالخير انا واثقه لان هي كمان كانت بتجيب سيرتهم بالخير
