لقاء كـ،ـ،ـارثي

نعيمه مبعددتش يا ليله بسبب قوي يخليني اقلب الدنيا عليها و ارجعها هي بعدت عشان عايزه كده و قالتها في رسالتها مش قادره اكمل و انت تستاهل حد احسن مني و ااااه يا ليله كان معاها حق انا استاهل حد احسن من نعيمه لانها للاسف مسابتش اي فرصه للرجوع بعدت عشان هي عايزه تبعد و انا عشان احافظ علي اللي باقي من كرامتي كان لازم احترم نفسي و اقفل الموضوع خالص مش دي رغبتها ياليله مش دي رغبة صاحبتك اديني اهو بعمل اللي يريحها لحد الاخر

وسكت متكلمتش و محدش ينتظر مني اكتر من كده لانها خلصت خلاص

ليله….لا مخصلتش يا فضل يمكن انت معاك حق في كل كلامك بس انت بنفسك بتقول اهو ان هي كانت متغيره و فيها حاجه كان لازم تفضل جنبها

فضل….بغضب وانا حاااااولت حاولت اعرف وافهم و احايل و اطبطب لما حصل اللي حصل بينها وبين البنات وانتي وعشري كنتوا معايا فوق واحنا بنسمعها للحظه قولت طيب ماهي عندها حق جايز سلمي وايه اتكلموا معاها بطريقه ضايقتها و هي كانت خايفه عليهم مش اكتر لما نزلنا تحت سمعنا غير كده قولت معلش
هديها عذرها و روحتولها واتكلمت معاها و سيبتها يومين و رجعت روحتلها بليل خدتها و نزلت اتكلمت معاها كنت بحاول يا ليله محدش فيكم يقولي مكنتش بتحاول

نجود…..يا حبيبي ده واجب عليك انك تحاول

فضل….وانا عملت واجبي علي اكمل وجه و لحد الاخر كنت تمام و فاكر اني مش متغفل بس نعيمه غفلتني

ليله….مغفلتكش يا فضل هي نفسها قالت انك ملكش ذنب بس انت حاولت قبل مش بعد

فضل…..وهو انا يا ليله عشان ارضيكم وارضي نعيمه المفروض افضل احاول لحد امته و عشان اكون صريح معاكي انا اه كنت بحاول بس انا جيت في الاخر و كنت بدأت احس اني بتخنق بدأت احس ان في حاجه غلط بدأت احس اني مش مرتاح ولا مبسوط حتي وانا بجهز البيت في حاجه ناقصه في برود و حاله مش طبيعيه بيني وبينها هي وصلتلب اللي جواها نعبمه مكانتش عايزه تكمل يا ليله اوعي تفتكري ان خصامها مع البنات وخناقتهم و المشاكل والطريقه والاسلوب عشان النفسيه اللي حاصل ده كله يخليني افهم حاجه واحده بس ان انا كنت سبب نفسيه نعيمه دي هي كانت عايزه تبعد ومش عارفه او خايفه حد يجبرها عليا فا قررت تفاجئني و تفاجئكم و تبعد مره واحده كانت عايزه تاخد الخطوه دي بس مش قادره ولما جاتلها الفرصه عملت كده