لقاء كـ،ـ،ـارثي

عشري….فضل اللي بتقولوا ده مش صح انت عارف نعيمه بتحبك قد ايه

فضل….لا صح يا عشري اللي بيحب مبيبعدش ولو بعد يبقي بعد لسبب

عايزيني اصدق واحاول وادي فرصه موافق بس اعرف السبب افهم هي ليه عملت كده افهم ازاي هونت عليها تحط كرامتي في الارض قدام الكل وتدوس عليها عشري انا حاولت
اكمل مع نعيمه باقل خساير نفسيه
حاولت اكمل عشان مخسرش اللي بحبهم واولهم نعيمه حاولت اكمل عشان ابقي مرتاح ومبسوط حاولت اتأقلم مع اوضاع مكانتش مريحاني

بحاول اتأقلم مع افكار جوه دماغي حاسس انها هتخىب حياتنا وعامل فيها عبيط بس لحد امته هفضل احاول يا ليله لما اضيع حياتي لما اضيع اللي باقي من كرامتي لا مش هقدر

ليله…..ماشي انت صح و معاك حق بس خليني اقولك نصيحه صغيره اوي يا فضل يمكن انت حاولت بس انت محاولتش بعد ما نعيمه خدت القرار وبعدت هتقولي كرامتي و روجولتي هقولك معاك حق بس كمان يا فضل اتعود تدي كل حاجه في حياتك فرصه تانيه مش عشان تغير رأيك بس عشان لما تقرر تبعد و تمشي تبقب من جواك متطمن و مرتاح انك عملت اللي عليك و زياده عشان تطمن انك مظلمتش افرض نعبمه رجعت وهي معاها سبب قوي لكل اللي حاصل معاها وقتها هتندم يا فضل انك محاولتش و افرض يا سيدي مكانش في سبب بالنسبالك قوي بس هي كانت متلغبطه نفسيتها تعبانه من اي حاجه فكره انها داخله علي جواز ممكن تكون وترتها و دي بتحصل كتير عادي مش هتخسر حاجه با فضل لما تحاول تدي كل حاجه وكل حد فرصه تانيه ارجع المكان اللي معجبكش و جربه تاني مش عشان تحبه عشان مترجعش تسأل نفسك بمكن كنت غلطان

كل الاكله اللي معجبتكش مش عشان تستمتع بيها بس عشان تمسح اي شك ان اللي عملها جايز يكون عملها وحشه وهي تستحق انك تقول عليها حلوه

حتي الناس اللي في حياتك يا فضل اديهم كل الفرص اللي ممكن تخليهم افضل مش عشانهم هما عشان لما تحاول و تيجي تقفل الباب تقفلوا وانت مرتاح ومتطمن انك عملت اللي عليك للنهايه

صدقني يا فضل الفرص التانيه مش ضعف ولا قلة كرامه ليك بالعكس دي دليل قوه بتخليك تقفل اي باب للحيره بتخليك واقف ثابت في حياتك من غير سؤال او ندم عشان لما تقرر تمشي و تقفل الباب تبقي عارف ان الباب ده هيتقفل وهيتقفل للابد انما اللي انت بتعملوا ده هيخليك طول الوقت حاسس انك مش مرتاح مش هتقدر تكمل حتي لو اثبت في عنينا كلنا انك تمام مش هتموڤ اون يا فضل من علاقه باباها اتقفل من غير اسباب لما تحب تبعد عن شخص يا فضل عشان تكمل وانت مش تعبان لازم تفضل معاه و تعمل موڤ اون وانت معاه عشان لما تقرر تمشي و تاخد الباب وراك تبقي خرجته من حياتك وهو معاك لسه ادي فرصه و حاول مره تانيه عشان ضميرك يكون مرتاح
و تبقي عملت اللي عليك للنهايه