لقاء كـ،ـ،ـارثي
رشيد……يابنتي مش هتقدري و انتي اسكتي شويه
امنيه…..بضحك رشيد مقلق منها
رشيد….مفتريه مش هتسكت
امنيه…..بس هو معاه حق بصراحه انتي مينفعش تفطري يا ايمي
محمود…..المهم تعالي دوقي بس
ماريز…..ايمي سيبك من الواد ده و تعالي دوقي الملح مظبوط
ايمي….بغضب و طريقه مضحكه ما تدوقي انتي يا اختي و لا غيرتي الديانه
فطسوا كلهم من الضحك علي رد فعلها حتي زوزو ماتت من الضحك
ماريز….اه يا جزمه يا اللي ناقصك تربيه طب انا صايمه بقي و هتدوقي
حماده….بضحك مش معقوله ايمي
رشيد…..بضحك والله هموت منها
ايمي….هاتي يا اختي و يلا اخرجوا كده قولوا للجيران ايمي فاطره او حد عايز ادوقلوا حاجه ده انتوا يومكم معايا مش معدي
فضلوا يضحكوا عليها كلهم و هي كانت متعصبه بجد
………………..
عند نعيمه….
نعيمه….طب انا هحط ليه علي النار الوقت اشمعني انتوا
نجلاء….يابنتي انتي هتفطري الاول مش هتلحقي
نسمه…..انتي قدامك ساعه الل ربع بالظبط يا نوني يلا حطي
نعيمه….بابتسامه طيب شكلوا حلو
نسمه…..والله العظيم تحفه
نعيمه…..احط طيب قد ايه مايه
حنان…..هي كوبايه صغيره مش كتير عشان ميتعجنش منك و اول ما تحسي ان المايه بدأت تعمل صوت وطي عليها خالص علي الطفي
نعيمه….يعني ايه المايه تعمل صوت
نجلاء….نهاااار اسود عليا
نسمه….بضحك براحه عليها يا نوجا قصدها تغلي يعني
نعيمه…..شايفه امك و طريقتها متغاظه مني عشان عرفت اعمل
نجلاء….بضحك اتنيلي تلاقيكي خرمتي المحشي كله و انتي بتقوريه
نعيمه….والله ولا واحده اتخرمت كله حلو
نجلاء…..طب كويس يجي منك اهو ده لو استوي و معجنش و طلع حلو هعمل فرح
نعيمه……بابتسامه اه طبليلي بقي ده محشي بس بقولك ايه والله ريحته حلوه اوي زي ما بتعمليه
نجلاء…..و هيطلع حلو ان شاء الله يلا بس حطيه علي النار
نعيمه….ماشي
…………………
الوقت كان عمال بيجري ليله و عشري قاموا لبسوا و راحوا علي هناك الكل كانت متجمع اتعاملت عادي خالص مع رحاب كأنها اصلا مش موجوده رحاب كانت متوتره منها و حاولت انها تحافظ علي كلامها لانها عرفت رد فعلها كانت عماله تضحك هي والبنات وامينه و نجود و الجو كان عائلي و يجنن كله بهجه و اتعرفت ليله علي طقوس جديده للفطار في عادات البدو
مكانوش بيفطروا علي طول بيشربوا مايه او مشروب كده مايه دافيه بعسل او مايه عاديه و تمر و بعدين يصلوا و بعد كده يبداوا ياكلوا
