لقاء كـ،ـ،ـارثي
مصطفي…..بقول ايه انتوا مش ناويين تاكلونا بقي انا هموت من الجوع
حنان….يا ابني ما بنحضر اهو و بعدين اخواتك بيغيروا و بيستحموا الوقت نتسحر و تعالي ساعدنا بدل ما انت واقف زي قلتك كده
مصطفي…..زي قلتي والله العيب مريحكم مني بقالي فتره من يوم ما فتحت المكان يعني انا ضيف معاكم
حنان…..ضيف مزعج
مصطفي……عاجبك كده يا نودي
انا ضيف مزعج
نادين….بضحكه جميله لا والله انت عسل
مصطفي…..شايفين الكلام
ريهام….ولااااا بطل زن و تعالي ساعدنا
نادين……مصطفي صحيح هو انت كده مش هتفتح الصبح في رمضان
مصطفي….لا انا اول يوم بس اجازه وبعد كده هفتح عادي بس الشغل هيبقي بعد الفطار
نادين….ايوه يعني الصبح لا
مصطفي…..لا مش هفتح الصبح
سلامه…..منوره يا نودي
بصت نادين وراها و ابتسمت
نادين……بنورك يا سلامه
سلامه……اساعدكم في اي حاجه
حنان….لا يا حبيبي احنا تقريبا خلصنا هو اخوك فين
سلامه…..مش عارف بياخد شاور باين
مصطفي…..بابتسامه انا بشبه عالشبشب ده
سلامه….اااا اه انا جيبت واحد شبه بتاعك
ريهام….بضحك لا متشبهش يا صاصا ده بتاعك يا حبيبي سلامه طلعوا من دولاب المسروقات
سلامه…..العروسه ترجع يا واطيه
ضحكت ريهام و نادين
مصطفي….نهار اسود و منيل تصدق بالله انا كنت ناسيه مفتكرتوش غير وهو في رجلك يا جدع حرام عليك انا حاسس اني في محطة مصر ما تسوفي ابنك يا ست حنون عشان بقي خطر و لازم يتعالج من موضوع السرقه ده
حنان….بضحك انا مليش دعوه مبتدخلش بينكم
مصطفي…..لا ادخلي انا الي بقولك
سلامه….في ايه ياااض مش عاجبك ولا ايه
مصطفي….ياجدع مش عاجبني انا لو جمعت المسروقات دي كلها هعمل فيك يجي 300 محضر سرقه
نادين….بضحك سلامه انت صحيح ليه بتسرقهم
سلامه….بضحك والله يا نادين قليل اوي لما بلاقي وقت لنفسي اروح اشتري فيه و بصراحه مبعرفش اروح لوحدي فا الي بيعجبني باخده
مصطفي…..ايوه بتنام ازاي بقي يعني بتحط راسك عالمخده بضمير مرتاح و انت سارق اخوك الصغير
قرب ميدو بابتسامه جميله و حط ايده علي مصطفي
عسال….واخوك الكبير والله يا صاصا مش انت بس سلامه مش عاتق
ريهام…..حصل حتي انا بيسرقني
سلامه….خلاص اتفقتوا عليا و انت بتفرحهم فينا
عسال……بضحك مقدرش اللي يعجبك خده يا اخويا بس خف ايدك شويه
