لقاء كـ،ـ،ـارثي
رهف….بضحكه جميلة اي وقت مناسب ليكي ادام طلعتي انتي اللي بتعمليه لنفسك فا اي وقت هطب عليكي
ليله…..اي وقت يا عمري يعجبك انا موجوده.
الوقت مر و غيروا الموضوع خالص و رجعت تاني ليله تهزر و تضحك بس رحاب كانت ساكته و عماله تلعب في الموبايل كانها واكله قلم علي وشها..
شربوا بسرعه و الاذان اذن صلوا الرجاله كلهم الفجر مع بعض و بعد وقت بسيط مشي عشري و ليله
…………
عشري…..حبيبي
ليله….ايه يا عمري
عشري….مالك حاسس ان في حاجه حصلت لما دخلت عليكي انتي ونجود سكتوا
ليله…..لا عادي مفيش
عشري…..كانت بتقولك ليه حقك عليا و متزعليش
ليله…طيب نطلع وهقولك
عشري…..تمام
……………
فضل…..بهمس في ايه يا نجود مخبيه ايه
نجود….في ايه ؟
فضل…..كنتي رايحه وراء ليله ليه وبتنادي عليها و شكلها كان مضايق
و بعدين سمعتك وانا داخل انا وعشري بتقوليها متزعليش
نجود….رحاب اخت رضوي ضايقتها بالكلام عن نعيمه
فضل….رحاب !! و بعدين انتي فتحتي حوار نعيمه تاني هو مش انا قولت الموضوع ده يتقفل
نجود….هو ده اللي فارق معاك انه يتقفل مش ان البت اضايقت من الكلام اللي سمعتوا
فضل….كلام ايه اللي سمعتوا .
حكتلوا نجود بسرعه و شويه وخرجوا كلهم بره بعد ما سلموا علي امبنه وعشري والشباب .
فضل بهدوء..
فضل…..رحاب ممكن لحظه
قربت رحاب منه و كلهم كانوا ماشيين براحه قدامهم.
فضل…..ممكن اعرف ايه اللي قولتيه لليله ده عن نعيمه
رحاب…..فضل انا اعتذرت و انا كنت بتكلم عادي يعني هما فتحوا الكلام و انا اتكلمت زي ما الكل اتكلم
فضل…..بس محدش فيهم شكك في اخلاق نعيمه يا رحاب احنا اه سيبنا بعض بس انا كمان مش هسمح ان حد يجيب سيرتها بحاجه وحشه
رحاب….بهدوء و أسلوب ناعم حقك عليا انا اسفه و الله مكنتش قصدي حاجه وحشه عنها بس هما لما تكلموا كنت حاسه انهم بيدافعوا اكتر عن نعيمه و حسيت انهم جايين عليك و انا دافعت عنك مش اكتر يعني انا حاسه بيك و حاسه ان رفضك للكلام في الموضوع ده حقك و مش من حق حد يجبرك علي الكلام فيه يعني انا فاهمه كويس ان الموضوع بالنسبالك كرامه مينفعش اللي حصل معاك و حتي لو هي مضايقه من اي حاجه الطبيعي انها تجري عليك لو بتحبك بجد و تحكيلك اللي جواها مش تبعد وتسيبك بالطريقه دي فا انا كل اللي قولتوا كان دفاع عنك صدقني بس لو ده زعلك انا اسفه بجد
