لقاء كـ،ـ،ـارثي

امينه….لا يا اختي البنات حلوين كل اللي ربنا يرزقها بيه نعمه وفضل
وبعدين ولادي كلهم خلفتهم صبيان مفيش غير رهف و كارما

نجود….بضحك اول مره اشوف حماه بتحب البنات

امينه….و بحب الصبيان بس انا عندي سبع رجاله و ماشاء الله حريمهم خلفتهم صبيان نغير بقي

ليله….بابتسامه و انتي يا ساره انتي وملك و كراين مش ناويين تعملوها تاني

ساره…..بصراحه نفسي بس خايفه

ليله….ليه

ساره…مصدقت عدنان ومعين كبروا شويه

نجود….طيب هيريحوكي اعمليها تاني

ملك…..انا بفكر بس بقول استني شويه يكبروا اكتر

ساره….المشكله ان حمل ملك صعب اوي

نجود….اه دي بتقضي حملها كله ترجيع وتعب و بتخس اوي

ليله….بس بيتهيألي مش كل الحمل زي بعض

نجود….والله انا عمري ما تعبت في اي حمل يا ليله بس رحيم اخر واحد اللي تعبني اوي اللي حملها وحش امينه

امينه …بس بيتنسي اول ما تشوفي ولدك في حجرك التعب بيروح

ساره….بضحك انتوا بتشجعوني يعني ولا ايه

ليله….يلا اعمليها تاني و شجعوا بعض

ساره…..ان شاء الله هفكر والله هو عمر اللي عايز و بيزن علي موضوع التالت ده بس يارب تبقي بنوته

ليله….يارب اللهم امين

نجود….صحيح ايمي عامله ايه في حملها

ليله…ماشاء الله بخير

نجود….ربنا يقومها بالسلامه يارب

ليله….يارب اللهم امين

فضلوا يتكلموا و يهزروا علي موضوع الخلفه و قفلت ليله بسرعه علي الكلام في موضوع حمل ايمي كانت خايفه عليها..

البنات قربوا منهم و فضلوا يتكلموا عن الفرح و عن ليله و شكلها

رضوي…..بابتسامه بس بجد يا ليله انتي كنتي زي القمر و الفرح كان خطير و كل حاجه كانت تجنن لسه كنت بقول لرحاب ان ليله احلي عروسه شوفتها بجد

ليله….ياعمري انتي الي قمر

رحاب….بصراحه كنتي جميله اوي و فستانك تحفه والميكب لوحدوا حوار واضح ان الميكب ارتسيت شاطره

ليله….دي حقيقه بس هو راجل مش ست اسمه توما اكيد تسمعوا ده احسن ميكب ارتيست في مصر وبجد شاطر اوي

رحاب…..هو شاطر فعلا والحقيقه انه عمل الحاجه اللي تليق علي وشك يعني انا الوقت وانا شيفاكي نفس ملامحك في ناس منهم بيغيروا شكل العروسه خالص بيضيعوا ملامحها

ليله….لا توما مش كده بصراحه هو بيظهر بس ملامحك بينور لكن مش بيخفي ملامح ولا بيغير ويمكن دي اكتر حاجه بحبها فيه عشان كده مبعرفش اتعامل مع حد غيره