لقاء كـ،ـ،ـارثي
نجود….ماهو اللي رافض يتكلم يا ليله بقولك اخر ما زهقت انا قلبت عليه وكانت خناقه اسالي امينه
ليله….ماهو مش بالخناق برضوا يا نجود بس انا عيزاه يتكلم يطلع اللي جواه و في نفس الوقت اه انا عذراه بس لو هنتكلم علي اللي حصل مع محمود رحمه مسابتهوش و لا اهتمت بكلامه انه هيسيبها ولا حتي قالت لاهلها اتمسكت بيه و صبرت عليه و يمكن دي اكتر حاجه انا معارضه فيها فضل لانه قفل الموضوع بسرعه من غير ما يسال او حتي يفهم السبب
رحاب….مع احترامي ليكي يا ليله بس بيتهيالي بتختلف من راجل لست يعني رحمه في النهايه ست ممكن تسامح بس الراجل بيبقي صعب الا لو حب ممكن يتنازل
ليله…..وهو فضل محبش نعيمه؟
نجود…لا طبعاً حبها و لو محبهاش مكانش وصل للنفسيه دي ميغركوش ان فضل بيتعامل ويضحك ويهزر كده انا عارفه ابني كويس هو بيحاول يداري
امينه…. صح فضل متأثر باللي حصل انا مربياه و حفظاه كيف ولادي
رحاب…..مقصدش بس يعني اللي ظاهر غير كده و بيتهيألي يعني ان قصتهم دي غريبه شويه و الحقيقه يعني مجرد رأي انا متعاطفه مع فضل حتي لو حبها او اتعلق بيها بس هو راجل و اتساب بطريقه غلط و مش صح يعني ادام مفيش مشاكل ولا اسباب ليه تسيبوا وليه اصلا تسيبوا بالطريقه دي في النهايه فضل راجل شرقي و طباعه نفسها مش بتتناسب مع الطريقه اللي سابتوا بيها كامت لازم تتكلم الاول معاه
ساره…..يمكن نفسيتها كانت تعبانه للدرجه اللي تخليها مش حابه تتكلم
ملك….ويمكن لو كانت اتكلمت و قدر يقنعها متسافرش ولا تبعد كانت هتقعد بس وهي مش مرتاحه
ليله….بالظبط يا ملك مينفعش الاقناع طول ما المشكله نفسها متحلتش جواها
رحاب….ماهو انتي بتقولي معندهاش مشكله
ليله….معندهاش مشكله مع حد بس وارد يكون عندها مشكله نفسيه او في حاجه تعباها شخصيه او تراكمات خلتها بتفكر او بتاخد قرار غلط
رضوي…..صح مش كل المشاكل النفسيه لازم تبقي مشكله حصلت مع شخص
رحاب….لا طبعا هي المشاكل بتيجي لوحدها ما لازم تبقي من شخص
رضوي….اقصد زي ما ليله قالت تراكمات يعني مشاكل حصلت قبل كده
ساره…..والله التراكمات دي بتعمل اكتر من كده فعلا و اهو محمود خير دليل و ده كمان راجل مبالكم بالست حساسه اكتر بتتاثر اكتر
رحاب….يمكن بس بيتهيألي نعيمه محبتش فضل لانها لو حبتوا علي الاقل هتتكلم معاه مش تسيبوا و تبعتلوا دهبوا و تنفصل عنه في رساله ده غير ان من رأيي ان اللي بيحب بجد لما بيحس انه مضغوط او نفسياً تعبان بيجري علي شريك حياته مش يسيبه
