لقاء كـ،ـ،ـارثي
ليله…بضحك لا مش هسيبه بيقف لاخواته لحد ما يقلعوا
رشيد….بضحك ايه ما صدقتي يعني
ليله…بضحك لا والله عشان يكون براحته كمان
عشري…..بابتسامه بتتحشر بينا لينا انا ومراتي حرين
رشيد….بضحك طب ياعم هخرج منها ااااه يا واطي بقولك في شباشب كتير خد اللي يعجبك
عشري….بضحك ماشي
وقفت ليله معاه بره و هما بيضحكوا
ليله….استني متوطيش انا هقلعك
عشري…..بصلها اقفي
ليله….هساعدك
عشري…..انا هعرف
ليله….ما انا ساعدتك تلبسها
عشري….اقفيييييي
ابتسمت ليله بهدوء و سكتت وقف عشري سند ضهره عشان يفك رباط الشوز
ليله…..طب اسند عليا او اقعد يا عشري مينفعش توطي و تضغط كده علي الجرح.
لمحوا فضل و هو بيجيب طفايه
فضل…..عايز مساعده
عشري….لا لا خليك هقلع وجاي
شاورتلوا ليله بعينها
فضل….استني و سعي كده يا ليله
عشري…..فضل ابعد انا هعرف
فضل…..اقعد ياعم بلاش توطي كده اخلص
ليله….انا رايحه للبنات
سابتهم ليله عشان فضل يبقي براحته و راحت للبنات قربت منهم و هي مبتسمه حطت ايدها علي كتف نادين
ليله…..عايزين مساعده
ايمي….منتحرمش يا عروسه
رفعت نادين ايدها و حضنت وسط ليله ونامت علي كتفها
سندت ليله راسها عليها
ايمي…و سعي انتي كمان متعمليش حاجه الاكل سخن عليكي
نعيمه…..لا لا عادي
ليله….تعالي انتي هنا انا هساعدهم
سلمي….خليكم احنا اصلاً مش محتاجين مساعده
ليله…..خير يا واطيه
سلمي…بضحك يابت اقصد الاكل اصلاً جاهز
ليله…..انتي جيبتي سمك بجد زي ما قولتلك
ايمي…ابتسمت ايمي و برقتلها اه طبعاً مش قولتيلي في الموبايل سمك و انقذتبني من التفكير
برقت ليله و ضحكت بهدوء و نسيت خالص ان البنات ميعرفوش انهم اتقابلوا
ضحكت سلمي بهدوء هي و ايمي
ايمي…..سلطااااان
ضحكت هي و ليله و سلمي
ليله….بضحك لمت الموضوع لا مش سلطان نسيت يا رخمه و بعدين ايش عرفني يعني انك هتسمعي كلامي
ايمي…..بضحك لا سمعت با اختي مش نفسك فيه اسكتي بقي
ليله…..بضحك حاضر سكت خلاص
خرجت نعيمه من جوه و راحت وقفت جنبهم علي البار باست ليله من خدها
نعيمه…..هتروحي معايا زي ما قولتي و لا لا
ليله…..هروح وهاخدك في حضني انتي والبت دي عشان حضنها وحشني
بعدت نعيمه عنها و هي بتضحك بقولك ايه نودي قامت لمت لبسها الصبح بدري و راحت البيت عندها قالت عشان هترجع علي هنا خايفه منك
نادين…..بضحك بس يا رخمه
بعدتها ليله عنها و هي بتضحك
ليله….ايه ده حضني موحشكيش
نادين….لا وحشني والله بس كنت خايفه منك
ليله….بالذمه ده منظر تخافي منه يابت ده انا حتي كيوت
نادين….بضحك والله كيوت و طيبه كمان
ليله……هتروحي معانا و هتنامي في حضني
نادين…..هروح طبعاً
فجأه حست ليله ببوسه علي خدها
عشري….يابختك يا ست نودي هتنامي في حضنها
ضحكوا كلهم علي عشري
ليله…..بضحك حد يخض حد كده
ايمي….بضحك والله ماحد صعبان عليا قدك
عشري…..بضحك اختي اللي حاسه بيا بقولك ايه انا عايز اشرب
ايمي….عيوني أيه هاتي ازازه و كوبايه بسرعه
نعيمه…..مالك يا عم عشري سايبنها ليك اكتر من عشر ايام مستخسر فينا حضن
عشري….بابتسامه افرحوا بيها شويه قبل ما ترجع حضني تاني واناي يا ست نودي متبقيش تنامي في حضنها اوي بعد اذنك
نادين….بضحك قلبت عليا ليه مش كنا صحاب
عشري….اه صح خلاص انتي مسموح ليكي بس البت الرخمه دي لا
نعيمه…..بضحك ليه ياعم انا عملت ايه طيب
عشري…..هو كده مش فرحانه فيا
رفعت راسها وبصتلوا
ليله….ارجع
عشري…..بابتسامه باس جبهتها بحب ارجعي
ليله….بضحك عدلت نفسها و بصتلوا الله ده احنا رجعنا في كلامنا
عشري….بضحك ما لما الموضع دخل في الجد حسيت انها صعبه ارجع من غيرك
ايمي…..امسك المايه هترجعلك يا اخويا مستعجل ليه
سلمي….ايمي ننادي عليهم يلا
ايمي…حطيتوا كل حاجه
سلمي…..اه خلاص هاخد مايه بس
ايمي…طيب يلا قوموا رشيييييد يلا يا حبيبي
ليله….بضحك رشييييد
عشري…..بضحك ارحمي الراجل بثي كبر علي الدلع دلع
مسكوا رشيد من رقبته
رشيد….مين ده اللي كبر ياروح امك
عشري….بضحك ولااااا انا عامل عمليه
رشيد…..لا بلا عمليه بلا بتاع حط لسانك في بوئك لو خايف علي العمليه
ايمي…..سيبوا يا بيبي هو متغاظ مننا و بعدين راعي ظروفه مراته مش هتنام في حضنه زيك
رشيد…..بضحك اتغااااظ انا مراتي هتنام في حضني
عشري…..بضحك بص لليله طب اضربهم ولا اعمل ايه
ليله…..بابتسامه متردش عليهم دول رخمين
رشيد….يلا تعالو بقي خلونا ناكل
راحوا كلهم علي الاكل و قعدوا مع بعض
ليله…..الله و حشتني اكلة السمك دي
ايه…..شبه الاكله بتاعت دهب
عشري…..بس يا بت اكلتي احلي
ايمي…خير و دي ناقصها ايه يا سي عشري
عشري….ولا حاجه بس بتاعتي احلي
ليله…..اضربوا بعض يلا خلوني اكل بقي انتوا الاتنين حلوين
ايمي….قال يعني هتاكل اوي الوقت تقوم زي الفرقعلوز
عشري…..علي فكره مش بتاكل بجد كنت فاكرها اكيله و كده
ليله….مين دي اللي مش اكيله
ايمي….اه انتي بوء علي الفاضي
ليله…..طب والله باكل و هاكل كتير عسان هموت من الجوع اصلا
ايمي…..طيب هنشوف
رشيد….يلا بقي ناكل و نبطل رغي
مسك عسال طبق نادين حطلها حاجه بسيطه و حطلها جبري بعد ما قشره
عسال….بابتسامه كلي دول الاول
نادين….بضحكه جميله حاسس بيا صح
عسال….بضحك ما انا شايفك محتاسه و عماله تبصي للاكل و مش عارفه تاكلي ايه
نادين….ماهو كتير مش بحب انا الاكل كتير كده
عسال…. طيب يلا يا عمري كلي و هبقي احطلك حاجه تانيه
نادين….طيب يلا انت كمان كل
عسال….حاضر
ايه….ايمي ابقي حطي لكوبر اكل
رشيد…انا حطتلوا يا ايه و انا واقف مستني عشري وليله
ايه….طيب انا قولت افكرك عشان اخر مره كل في المحل
رشيد….لا اكلتوا متقلقيش
سلمي….حسان هو انت صباعك ازرق و لا ده لون
حسان…..لا ازرق
سلمي….بجد ده من ايه ده
حسان…..انا مقولتلكيش علي الباب اللي اترزع في ايدي من الهواء
سلمي….اووف بتهرج انا فكرته لون مش مركزه
رشيد…..الزرقان ده قفلة باب
حسان…..اه و الله يا رشيد وقف سند علي الباب من جوه و رافع رجلي بقلع الشراب لقيت الهواء رزع الباب خسيت ان روحي راحت
عشري….انت كويس ان صباعك مطارش
عسال…..ضفره هيطير اصلا
حسان….هيطير طبعاً والله واجعني اوي من امبارح
سلمي….ده كان امبارح ؟
حسان….اه بليل لما رجعت
نعيمه….كنت حطيتوا في مايه سقعه
حسان….عملت كده والله يا نعيمه بس صباعي نفسه واجعني
نعيمه….ما طبعاً دي الخبطه دي وحشه اوي
حسان…يلا الحمد لله
سلامه….بقول ايه صحيح هنتفرج علي الماتش مع بعض
فضل…..اه ياعم ما احنا اتفقنا
رشيد….هو امته ؟
سلامه….يوم الخميس
رشيد…الجاي ده
سلامه….اه بعد ثلاث ايام
ايمي…..ماتش يبقي عندنا احنا
فضل….عندكم فين احنا هنتفرج عليه في الكافيه عندنا
ايمي….عند حماده وزوزو اصلا ماتش يعني هناك معاهم
سلامه….امبارح كنت بكلم تامر و قولتلوا زي ما اتفقنا يا فضل و قالي فعلا انهم متفقين يروحوا هناك
رشيد….عشان كده محمود لما كلمتي الصبح كان بيقولي كده والله مكنتش مركز
ايمي….خلينا نروح كلنا و نتفرج هناك
فضل….كلنا ايه الكافه بيبقي علي بعضه في اليوم ده
ايمي….والله هتخسر الفرجه علي الماتش مع حماده وزوزو في البيت جو تاني و بعدين يعني اليوم هيبوظ من غيركم ما تقول حاجه يا عشري
عشري…..هو فعلاً الكافيهات عندنا لازم سيطره عليها ده ماتش اهلي و زمالك يعني
ايمي….ياعم اخواتك و اخواته موجودين متبقوش رخمين بقي
عشري…..بضحك طب وانتوا مالكم انتوا بالماتش احنا شباب مع بعض
ايمي…لا يا حبيبي بنتفرج عادي هي الكوره ليكم بس
نعيمه….اه مليش دعوه انا عابزه اتفرج
نادين….وانا كمان
عسال…..بابتسامه وانتي كمان ايه
نادين…..هتفرج
عسال…..بضحك بتشجعي كوره
نادين ….بضحك لا بس هتفرج
عشري….طيب بقول ايه ما تيجو انتوا في الكافيه و هظبطلكم انا مكان حلو كده و نقعد فيه
ايمي…..يا ابني افهم المشكله مش فينا احنا انا اقصد القاعده والله هتعجبكم اوي
سلمي…..صراحه انا كمان مليش في الكوره بس جو زوزو و حماده يجنن و كلنا بنروح وهتبقي القاعده جميله
رشيد….طب ما تعرفوا الشباب و موقفتش عليكم انتوا الاتنين يعني
عشري…..ايه يا فضل
فضل…..انا عادي شوف انت النظام
ليله…..خلينا نتفرج مع بعض يا عشري
عشري…..بابتسامه وهمس قلب عشري انتي
ايمي….قولت ايه يا جوز الكناريا
عشري….بضحك البت دي معصباني
ليله…..بضحك رخمه اوي
عشري….مالك و مالنا يارخمه
ايمي….بضحك قول موافق وانا اسكت
عشري……طيب هنروح نطب علي الناس كده من غير ما يعرفوا
ايمي…..يعرفوا ايه بس ابويا وامي لو طالوا يحطوا الشاشه بره علي الرصيف عشان الللي رايح واللي جاي يتفرج معاهم هيعملوا كده
رشيد….بضحك اسمع منها دول ملهمش حل و مش متوقعين
عشري….بضحك طيب خلاص اللي تتفقوا عليه انا تمام
ايمي….انا هبقي اتصل كمان بحماده و محمود عشان يعرفوكم و يلفوا لفه حلوه علي الكل
سلمي…..علي فكره اونكل عادل و نادر جايين بابا قالي و تقريبا زوزو قالت لنوجا
نعيمه….ماهي زوزو تموت في الهيصه دي و اصلا ملهاش في الكوره
ايمي….بضحك هقولها
ليله….هو انتوا مين فيكم اهلاوي ومين زملكاوي صحيح
عشري…..بضحك كلنا اهلاويه معادنا رشيد
ايمي…..بضحك اه يا عيني ربنا معاهم بقي حمودي كمان زملكاوي
عشري….حمودي مين
سلمي….بضحك بابا
عشري…..بضحك ده بجد و تامر
سلمي…لا تامر اهلاوي زمان كان زماكاوي بس غير من كتر ما بيخسروا
رشيد….بضحك خير يا سلمي
سلمي…..بضحك مقصدش يعني انا بشرحلوا
فضل…..يعني معانا اتنين زملكاويه رشيد و عم احمد طب هو ايه بيتعصب و بيتنرفز وكده
سلمي….هو عصبي اه اوي
فضل….بضحك طب ايه مش هنعرف احنا ناخد راحتنا الفرجه معانا تحرق الدم رشيد يا عيني بيكفر
سلمي….لا لا عادي متعود من تامر
فضل…..طيب طمنتيني
غيروا الكلتم و فضلوا يتكلموا ويضحكوا ليله و عشري مانوا عمالين يتكلموا مع بعض بهمس و يضحكوا.
ايمي…..بضحك جوز الكناريا معانا و لا مع الأسف
عشري….بضحك ياعم ابعد مراتك عني بقي
رشيد…..سبيهم في خالهم مترخميش عليه هو مش ناقص
عشري….قولها والنبي
ايمي….بضحك لولي نسيت اسالك انتي خدتي شنطه هدومك اللي بعتهالك معاكي و لا سيبتيها ذكري لعشري
ليله…..بضحك والله انتي عيزاه يضربك
عشري….انا مش عارف هي مالها ومالي
ايمي….الله بطمن علي صاحبتي و بعدين كنت عايزه اعرف ذوقي عجبها ولا لا وعملت بيهم ايه
عشري…..بضحك هبقي اقولك انا بيني و بينك عشان معانا بنات صغيره
ايه…..مين الصغير يا عم عشري تقصد انا لا بقولك ايه بقي انا ساكته عليك غلب و من الاخر كده شكلك و حش و لما جات خدت الهدوم انا كنت هناك و فضحتك
ضحكوا كلهم علي ايه
عشري……بضحك حتي ايه مطلعاني مسرح كله منك
ليله….بضحك انا مالي انا
قامت ليله وقفت و هي بتضحك
عشري….انتي كلتي
ليله….اه مش قادره خلاص
ايمي….صدقتني دي بوء كده
نعيمه….وبتقول عليا انا مبفتحش النفس
ليله…..انا باكل بسرعه بس باكل انتي بتكرهي الواحد في الاكل اساسا
راحت ليله غسلت ايدها و وقفت من بعيد عند المطبخ
ليله…..علي ما تاكلوا كده انا هعمل قهوه مين فيكم عايز شاي و مين عايز قهوه.
قام سلامه وقف بطريقه مضحكه
سلامه….باااااس من بدري بسأل يا تري الصربه هتيجي منيني وامته اهي جات اهي طلاقت تلاته هتحطلنا سم
ضحكوا كلهم و رشيد بخ المايه من بوءه وليله نامت براسها علي البار و هي ميته من الضحك
سلامه…..بضحك والله اسمعوا مني اصلها دخلت من غير شرطه و ضحكت و رقصاناها و عملنا حفله وهي مبسوطه كلت معانا و بتتعامل مع الكل عادي و ضحكتها مش بتقف
خلصت هي دي اللحظه الحاسمه
ليله….بضحك طيب ابعدوا كده عشان اعرف انشن الكوبتيه دي علي راسه
عشري…..بضحك لاااااااا اوعي انتي مبتعرفش تنشن يا ايمي كسرت البيت كله علي دماغي و معرفتش تجيب حاجه فيا
ايمي….بضحك احيه كسرت ايه
صوت ضحكهم كان مسمع البيت كله
عشري….بضحك عليها لحد الوقت حوالي 300 الف
فضل…..بضحك انا عرفت من سلبم فضحك انت وهي
رشيد…..بتتكلم جد
عشري….والله العظيم ده كان اول يوم و الحمد لله عدت علي خير طيرت الشاشه الكبيره اللي بره
حسان….نهار اسووووود بس انا شايفها سليمه لما جيت
عشري…..بضحك لا ماهي دي الجديده اسمع بس الشاشه و التربيوات الصغيره اللي بره و السفره طيرت ازازها كله و النيش بالكريستالات اللي فيه و خربت الدنيا
ليله….بضحك انشر غسيلنا الوسخ يا بلطجي اكتر طب علي فكره بقب انا مكناش هقول هو كمان كسر
نعيمه….كسرت ايه انت كمان
عشري…..بسببببك كله بسببك البوم اللي كلمناكم فيه و عرفت ان انا كنت عارف علي ايدك و سبب تأخيركم في الاتصال بعد ما قفلنا معاكم قالتلي انت كداب و اتعودت علي الكدب صراحه بقب قولت كفايه كده دغدت التلفزيون
حسان….كملت عليه
عشري….بضحك لا والله هي لما كسرت اول يوم نامت وصحيت كنت انا مرجع البيت زي ما كان محمود وسليم جابولي ناس و ظبطوا كل حاجه و راح سلبم جابلي نفس الشاشه صحيت لقت الدنيا تمام بليل بقي بعد ما قفلنا معاكم انا اللي قومت بالليله كسرت كل حاجه و خليت الشباب جابو غيرها
سلامه…..بضحك انتوا كنتوا بتعلوا علي بعض ولا ايه هتكسر هكسر
ضحكوا كلهم علي سلامه
عسال….انت لو لاقي فلوسك في كيس شيبسي مش هتعمل كده
عشري….بضحك كنت خايف علي الغرفه بتاعت السينما بس فلتت من تحت ايدها
سلامه….اكيد عشان بعيده شويه عن الشقه
ايه….بضحك دن طلع في معركه واحنا منعرفش
عشري…..اه وانتهت المعركه دي علي حسبه 300 الف مليش فيه تجيبوهم منها
ليله….بضحك مليش دعوه هدفع حق حاجتي بس
عشري…كللله مش انتي اللي عصبتيني هيتخصموا منك
نعيمه…..تكسر يا حبيبي براحتها
عشري…..ادفعي طيب بدالها
نعيمه…..بضحك ادفع و ايه المشكله المهم انها تبقي كويسه
ليله….قلبي يا نااااس
سلامه…..بضحك انتوا دخلتونا في حاجه بعيده و سيبتوا حماسها في الشاي و القهوه
ليله….بضحك هجيلك يا سلامه
رشيد…..بضحك متتعبيش نفسك يا قلب اخوكي انا هعمل القهوه والشاي
ليله…..حتي انت يا رشيد بتسمع كلامه طب والله لا هعمل لنفسي
عشري….وانا وانا انا خلصت خلاص
سلامه…..إنا لله وإنا إليه راجعون توفي الي رحمه الله محمد عشري
ايمي….بااااس حرام عليك
عسال….اه ياواطي بعد الشر
ليله….طب اقوم اقتلك ولا اعمل فيك ايه
فضل….بضحك ابو شكلك يا شيخ
عشري….طب تصدق بالله لا هتشرب قهوه من ايدها
سلامه…..هنطلع في خشبه واحده لا مش هينفع
ليله….بضحك طب والله لا هعملك
ضحكوا كلهم و خلصوا اكل قاموا البنات شالوا و الشباب وقفوا ساعدوهم وقفت ليله تعمل و معاها سلامه رايح جاي وراها وهي فطسانه من الضحك
ليله….انت هتفضل ماشي ورايا زب خيالي
سلامه…..بضحك والله ما اسيبك
ايه….بضحك طب روح وانا هبص عليها
سلامه….علي اساس ضامنك ما انتي هتافقي معاها
ايه ….بضحك انا لو مكانك اشرب بيبسي مقفول و امان
سلامه…..صح
ليله…..اخرجي يا بت انتي وهو بدل ما ارتكب فيكم جريمه
سلامه….طيب معلومه ليكي قبل ما اخرج لو ناويه تخلصي مني لازم تعرفي انك مش هتلاقي حد يضحكك تاني عسال هيخزن عليا و مش هيبقي ليه نفس يضحك و ايه كمان هتكتئب
ليله….بضحك بتأنب ضميري يعني
سلامه….لا انا بعرفك لو خسرتيني هتخسري الضحك عايزه تعيشي كئيبه اخلصي مني يا ليله و خدي بالك جوزك مش كوميدي
ليله….بضحك قصدك ايه يعني
سلامه….لا مش قصدي انا بلفت نظرك بس ان جوزك مش كوميدي
ليله……طب خلاص صعبت عليا يا رخم
سلامه….صعبت عليكي يعني كنتي هتحطي سم سامعين
ليله….بضحك ولاااااا اخرج اخرج من هنا
عشري…..اقوم
ليله…..اه تعالي خده من قدامي وعلي فكره بيقول عليك مش كوميدي
سلامه…اوعي تقوم انا جاي يا باشا و بعدين دي بتوقعنا في بعض ده انت حبيبي وسع كده يا عم حسان
حسان….ما تقعد في حته تانيه المكان واسع
سلامه…..ياجدع وسع انا عجباني القاعده هنا
حسان…..يلا ياض من هنا
سلامه…..ياجدع بقولك وست عايز اقعد جنب صاحبي و اخويا و حبيبي الجدع الرجوله
فضل…..بضحك كل ده عشان قال اقوم
سلامه…..بضحك ايده تقيله اوي يا فضل
حسان….تعالي يا عم اقعد
سلامه…..حبيبي و صاحبي
عشري…بتقول مش مرتاح لليله طب تصدق بالله انا اللي مش مرتاحلك
سلامه….بضحك والله ابداً و بعدين انا عبد فقير هعمل ايه انا قصادك ده كف واحد منك فيها شهر رقده ياجدع احترم كفك اللي شبه خُف الجمل ده
حسان…..بضحك هو ده مدح ولا ذم
عشري…..والله ما عارف ولا تقصد ايه
سلامه…..بضحك هيسخنك عليا يعني بذمتك حد يمشي وراء حسان
مسكوا حسان من رقبته
حسان….ماله حسان
سلامه…..طلاق تلاته قفشت وكيل نيابه ايه جدع مش كده متعرفش الهزار هو انا وقعت في ظباط مباحث ولا ايه لا انا نضيف فتش ياباشا انت وهو اخري السجاير
رشيد…..بضحك الواد ده كلتمنجي لو اتقفش في كمين هيعرف يخنق الظابط و يسيبه
عسال…..بضحك باشا باشا باشا
سلامه……بضحك ولا يا عسال فاكر الزابط بتاع كمين طريق الواحد اللي اتخنق مني
عسال…..بضحك ما انا بقولك باشا عشان كده
عشري….ده امته ده قريب؟
سلامه…..لا ده من ثلاث اربع سنين محكتلكوش ولا ايه؟
عشري…..بضحك لا كفرت الراجل
سلامه……كفرته ده الراجل سب للشغلانه واللي بيشتغلوها اسال عسال
عسال….شوفت محمد هنيدي في فيلم وش اجرام والله العظيم هو سلامه رايح جاي وراه عشان رخصته كانت منتهيه بقالها يومين
و هو ناسي اصلاً مشوار الترخيص ده اخترع بقي للظابط حكايه و حقيقي هو قبلها كان في المستشفي و تعبان و بالصدفه ورق المستشفي والتحاليل كان معاه في العربيه وطبعاً الظابط عينه علي التواريخ بتاعت الورق يقولوا ده من عشر ايام سلامه يروح حاكي اللي حصل من اول متعب و بيوصف للظابط حس بأيه و تعب ازاي و كان فين قبل ما يتعب و فتحلوا قلبه ولا كأنه من بقيت اهله و الظابط يقولوا يا ابني اسكت يا ابني انت رغاي كده ليه
سلامه…..بضحك اصل انا كنت هلبس و بصراحه قصدت اخد طريق الرغي ده عشان اخلص
عسال…..لا والظابط كل ما يكلم حد من اللي معاه في الكمين ماهو بيشوف شغلوا سلامه بقي معايا يا باشا هاا باشا معايا
حسان….بضحك رخممم
عسال….والله يا حسان الظابط بصلوا مره واحده قالوا انت عايز مني ايه يا اخي انا مالي انا حسيت بصداع و بعدها وجع في بطنك مالي انا رجعت كام مره راح سابب للشغلامه و اللي بيشتغلوها و قالوا امشي من وشي ارحمني يا شيخ ارحمني يا ظالم
عشري…..بضحك محدش عارف يسلك معاك
سلامه……اعمل ايه طيب بسلك نفسي
قربت ليله منهم و هي بصاله
ليله….انا لو من الظابط والله ما كنت سيبتك و لبستك قضيه
سلامه…..خد بالك ليله اتغيرت
عشري…..بضحك ضربه في راسه اللي يعرفك لازم يتغير
ليله…..دي بتاعتك يا رغاي و دي بتاعتك يا عشري و دي انا ودي انت ياحسان و دول فضل رشيد و دي عسال
سلامه…..صبي قهوجي زي الفل عقبال ما افرح بيكي و اشوفك فاتحه قهوه قد الدنيا
ليله….بضحكة غيظ يا ابني يا ابني اتلم و خلي يومك يعدي
سلامه….بضحك يا ستي خليني اعمل اللي عايزه قبل ما اشرب القهوه مش يمكن تكون اخر كوميديا ليا
ليله…..بضحك اعوذ بالله من لسانك
سلامه….بقولك ايه تدوقي من بتاعتي
عشري……بضحك هو مش واثق فيكي من الاخر
ليله….هحميك بيها خد بالك
سلامه…..بضحك والله لولا خايف من لسان ايمي كنت وقعتها و قولت دلق القهوه خير
ايمي…من بعيد طب جرب السجاده فاتحه و يومك هيبقي اسود
رشيد….قابل ياعم
سلامه…..عايشين معاهم ازاي دول ؟ دول عصابه
فضل….وانت الضحيه اشرب ياض
سلامه….مالك قلبت حسب الله معاهم ليه
قربوا البنات كلهم من الشباب و قعدوا مع بعض.
ايه…..سلامه هات المخده اللي وراك
سلامه….اشمعني
ايه….هسند عليها
سلامه…..وانا مالي انا قدامي دقايق وهموت ابقي خديها
ايه…..بضحك بطل رخامه بقي ده بطل ما تقوم تصلي ركعتين ميت علي مخده
بخ حسان في وش سلامه المايه و جات علي عشري
عشري…..منكم لله
سلامه……ياااااعم ابو اللي يقعد وسطكم
حسان…..بضحك و الله عندها حق عارف انك ميت و قافش في مخده
سلامه…..منك لله يا بومه اتعامل معايا معاملة المكوجي اللي ما صدقت لقي قميص قدامه
رنة نعيمه الضحكه بصلها سلامه و هو قرفان وابتسم
سلامه…..الللعب
فضل……بضحكة غيظ حدفوا بمخده ابو تربيتك و انتتي يا ستي ابو ايييييدك ضحكتك
ايمي….بضحك قول لصاحب اللي مش بيسكت ده
فضل…..ده عيل مهزق
عسال….قام ومسك كف نادين تعالي احنا نقعد بعيد عنهم عشان هما بخير الوقت
ليله…..حسان انا هقعد جنب عشري اوعي تبخ المايه عليا عشان بومكم يعدي
حسان……. بضحك لا لا خلاص
سلامه….غرقتني يا اللي منك لله و بعدين انت كنت مخزن الازازه كلها في بوئك ولا ايه ؟ ايه المايه دي كلها
فضل…..جمل ياض يا سلامه
سلمي….احمد ربنا انها مش قهوه
سلامه…..نهار اسود لو كانت قهوه صحيح
حسان…..طب حط لسانك في بوئك بقي لحد ما نشرب
سلامه….علي فكره البومه دي اللي ضحكتك
حسان…..اه صح يبقي تسكتوا انتوا الاتنين
ايمي…..بقولكم ايه احنا كنا محضرنلكم قاعده احلي من هنا القاعده هنا مش مريحه
رشيد…ما تخلونا صحيح نروح نقعد هناك علي الارض و جنبنا الدفايه انا حاسس اني متلج
ليله….عشري مش هيقدر يقعد علي الارض
عشري….لا تمام هقعد
ليله…..عشان البنطلون يا عشري
ايمي….خلاص خلينا هنا
عشري….لا لا قوموا يلا انا تمام والله بس خلوني اسند
ايمي….طيب قوم جرب قدرت تمام مقدرتش خلينا هنا
رشيد….براحه كده و ظبط قعدتك الاول
راحوا كلهم علي قاعده مدوره كده في الارض وفي تربيزه مدوره صغيره حوالين القاعده و جنب الدفايه و جنبهم حيطه علي هيئه لوح زجاج كبيره بتبص علي الجنينه بره سحب رشيد الستاره بان المنظر بره
رشيد….ايه ده انا نسيت الحاجه اللي انت جايبها بره
ايمي….حاجه ايه
رشيد….عشري و ليله جايبين حجات كتير سيبتخا بره علي البار
ايمي….انا نفسي بجد تخلوا عندكم دم كل واحد فيكم جاي و جايب حجات قد كده علي فكره بجد والله هبتدي اضايق عشان احنا نفيش بينا الكلام ده
عشري….اقعدي يا اوزعه بس اقعدي
ايمي….بضحك انا مش هرد عليك
ليله…عارف تقعد
عشري….اه تمام
نقلت سلمي و حسان و ايه و سلتمه القهوه و الشاي و الحاجه اللي قدامهم هناك و دخل رشيد من بره حط الحاجه في المطبخ و رجع قعد معاهم
رشيد….الجو بره تلج
ايه…..ما تدخل كوبر طيب البيت بتاعه
رشيد….انا فاتحه والله يا ايه بس مش عارف ايه حكايته علي طول قاعد بره مش بيدخل غير لو دخلتوا انا بنفسي و قفلت عليه غير كده هو حابب القاعده بره مش عارف ازاي متحمل البرد ده
عسال…..ابقي في النور كده بص علي البيت بصه يمكن في حاجه مضيقاه جوه
ايه….اه نضف البيت بتاعه كويس و ديماً اتأكد انه نضيف و مفيهوش حاجه مضيقاه
رشيد…هو نضيف والله بس تمام اشوفوا بكره انا لما بدخلوا مش بيبطل هوهوه طول ما هو مفتوح بيقعد هادي كده
ايه…..يبقي بص علي البيت كويس بقي
رشيد….ماشي تمام
الكل كان بيتكلم مع بعضه
عشري….بهمس مرتاحه
ليله…..اه يا قلبي انت مرتاح
عشري…زي الفل مش هتنامي في حضني انهارده
ليله….بابتسامه والله قولتلك انت اللي مرضتش
عشري…..هتوحشيني يا بلطجيه
ليله….و انت كمان يا عمري
طلع سيجاره حطها في بوئه ولعها و خد نفس و بعدين سحبها بهدوء حطها في بوئها
برقت ليله و ابتسمت
عشري…..بحبك اعمل ايه
ابتسمت ليله و نامت علي كتفه ضمها عشري بحب و باس راسها و نسيوا هما الاتنين انهم مش لوحدهم
ايمي….بضحك تطلعوا تريحوا فوق شويه
قامت ليله وهي بتضحك و السبجاره في ايدها
ليله….يا بنتي بقي عايزه ايه سبينا في حالنا
عشري….رخممممه مرات اب والله
ايمي….بضحك الحق عليا يعني عايزه راحتكم
عشري….ياستي راحتنا في سكوتك ربنا ما يحكمك علي حد
رشيد….مالك ومالهم يا رخمه
ايمي…..بضحك وحشوني اوي والله و كنت هموت و ارخم عليهم
ولع عشري سيجاره و بصلها
عشري…..بضحك طب خمسه هدوء بقي و اعتبرينا مش معاكم
ايمي…..بضحك كفتيه انتوا معتبرنا مش معاكم هبقي انا و انتوا
رشيد….ايه انتي قاعده ليه علي ايد الكرسي
ايه….انا خفيفه مش هكسرها والله
رشيد…..بضحك ما في داهيه ايد الكرسي انا مش بقولك علي كده انزلي اقعدي معانا
ايه…..هو انا ليا مكان
سلامه…..ايه ده تعالي انا فاكرك بتعملي حاجه
ايه….لا ما انت قعدت و ريحت و مسألتش فيا قولت اسيبك
سلامه….بضحك تعالي خلاص
ايه…..هقعد فين بقي ان شاء الله
سلامه….هتجيبك تعالي
ايه…..وانا هركن عربيه هو اللي هتجيبك.
سلامه….وسع ياعم فضل شويه
فضل…..انا مش عارف قعدتي جات جنبك ليه
سلامه….ده من حظك الحلو
فضل…..ده من حظي الاسود اقعدي انتي كمان
سلامه…..ايه ده انت بتزعقلها يومك اسود
فضل…..بضحك لا ايه حبيبتي اطلع منها انت
قعدت ايه جنب سلامه
ليله….بهمس كان لزومه ايه بقي لا اللي قولتها
عشري…..عادي برخم عليكي
ليله….بأبتسامه يعني ايه
عشري….يعني من هنا و رايح يا ليله مش هقولك علي اي حاجه لا حتي لبسك بيتهيألي انتي بقيتي عارفه كويس نظامي و طريقتي ايه اللي بيضايقني و ايه اللي لا عارفه ان ده حب و غيره و خوف مش تحكم
موضوع السجاير اكيد عارفه بردوا دماغي فيه بس بما اننا زي ما قولتي صحاب و بنشوف بعض كتير فا انا همشيها بس ليا عندك طلب واحد
ليله….اطلب
عشري……ماتشربيهاش في الشارع
ليله….الشارع اللي هو العربيه
عشري….لا لو قافاه عليكي و بتتحركي بيها عادي بس اقصد واناي ماشيه
ليله….بايتسامه انا عمري ما ولعت سيجاره في الشارع الا يوم ما حبستك
عشري….بضحك مالك بتقوليها بفخر ليه
ليله….بضحك لا مش قصدي والله اقصد يعني اني كنت حابه استفزك عشان تنزل وتجيلي و اعرف البسك مصيبه بس يعني انا عمري ما شربتها في الشارع ممكن كافيه مطعم غير كده لا يعني
عشري….ماشي و طلب كمان
ليله…..اطلب
عشري…..ولا قدام ابويا لان انا نفسي مش بشربها قدامه
ليله…..انت عبيط يا عشري انا معرفش اعملها اصلا يعني انا في العموم جريئه بس ولا مره حسيت اني اقدر اعملها قدامه اصلا لما بنتجمع كلنا عند حماده و زوزو لو حمودي و دولا بابا نعيمه موجود بتكسف منهم ولو بشرب ببقي مستخبيه حماده بس اللي بشرب قدامه لان هو عادي و ايمي بتشرب قدامه يعني مبحسش اني مكسوفه او غريبه عنه
عشري….طيب يبقي احنا كده متفقين و اظن كده عداني العيب و لا ايه
ليله…..بحب بحبك
عشري…..وانا بموت فيك يا شرس
ابتسمت ليله بهدوء و بصت عليهم.
ليله….سلامه المفعول اشتغل
بصلها يلامه و نزل الفنجان
سلامه….في ايه يا ستي والله كنت نسيت انتي بتثبتي المعلومه
ليله….بضحك طيب انت تصدق اني اعملها
سلامه…..صراحه لا انتي طيبه يا ليله
عشري….بأبتسامه بيقولها خوف خدي بالك
حسان…..بهمس بقولك ايه
سلمي…..قول
حسان…..هنا مبسوطه اوي بالتنس
سلمي….صح انا نسيت اسالك
حسان…..عجبها بطريقه فظيعه اصلا انا اتصلت بيكي علي فكره و انا معاها و مردتيش كنسلتي قولت اكيد معاكي كشف
سلمي…ممكن بس بجد عجبها
حسان …اوي مبسوطه عشان اسمها اللي مكتوب عليه و بجد هو تحفه انا ولا مره جه في بالي موضوع الاسم ده
سلمي….انت من اول ما قولتلي اصلا علي موضوع البطوله ده فكرت اني اجيبلها هديه بس كنت محتاره مش عارفه اجيب ايه فا فكرت في التنس و حبيت يعين اني اكتب اسمها و خدت صوره من عندك و هي ماسكه المضرب عشان اعرف اجيب حاجه مناسبه لسنها انا مليش في المضارب خالص و بس سألت بقي و طلبت الشكل ده و الاسم و ظبطت الحمد لله بس بجد فرحتني انه عجبها
حسان….طايره بيه و قالتلي هتلعب بيه علي طول
سلمي….ياعمري و الله كان نفسي انا ادهولها بنفسي بس انت عارف اني مشغوله خالص و محبتش اتأخر عليها اكتر من كده عشان وعدتها
حسان….انا قولتلها والله ان عندك شغل هي بس كانت عايزه تكلمك عشان تشكرك
سلمي….بكره انا هتصل عليها
حسان….ان شاء الله يا عمري
…………………
عند عدي كان هيتجنن طول اليوم و حاسس ان مزاجه مقلوب و مضايق حاسس انه مش علي بعضه و في حاجه نقصاه مكانش عارف تقي فيها ايه ليه مش بترد ليه بتشوف رسايله و كأنها مشافتش باعتلها حوالي اربع رسايل و متصل كتير و هو في العادي مش بيتصل بحد كتير بالمنظر ده بس فضوله كان هيموته عايز يعرف هي زعلانه منه ولا فيها حاجه ولا عندها مشكله و لا موبايلها وقع ولا اتسرق و المشكله انه مكانش عارف يسأل عليها مين جتي صحابها مكانش عارف يتصل بقولهم ايه الساعه بقت تسعه ونص و مفيش خالص بيتصل من ثلاثه تقريبا او من قبل كده وهي مش بترد كان مخنوق خصوصا انه لما وصلها قالها لما اتصل ردي ولو مشغوله او مش عارفه تتكلمي كنسلي فا عشان كده كان قلقان
بعتلها اخر رساله
عدي…..تقي انا عايز اعرف في ايه بالظبط طمنيني عليكي طيب انتي كويسه فيكي حاجه انا قولتلك لو مشغوله او مش عارفه تردي كنسلي او ابعتي مسدچ و قولتيلي تمام و من بدري لا بتردي و لا بترجعي تتصلي و حتي المسدچ مش بتردي عليها قوليلي فيكي حاجه او عندك مشكله .
بعت المسدچ تقي كانت بتذاكر سمعت صوت الرنه بتاعت الرسايل بصت علي الرساله من بره شافتها كلها من غير ما تفتح سابت الموبايل و كانت هي كمان حاسه بخنقه فظيعه لا مل ولا زهق و كل رساله ليه تضايقها اكتر من اللي قبلها مكانش حاسس بأي حاجه حيرته كلها في انها مضايقه او زعلانه منه او فيها حاجه او عندها مشكله مكانش شاكك ولو واحد فالميه انها قاصده ده كانت مستغربه ازاي خارج مع حبيبته و مشغول فيها طول اليوم حتي و هو معاها و ده خلاها علي قد ما حست انها مبسوطه علي قد ما حست ان قرارها كان صح لازم تكون بعيد عشان يقدر يركز في علاقته.
بصت علي الموبايل لا قيته بيرن فصل و رجع رن عملت الموبايل صامت و حطته علي وشه عشان متضعفش خالص
……………..
في بيت ايمي و رشيد.
كانوا عمالين يتكلموا و يضحكوا
حسان…..ازاي طيب تامر من بكره هيبدأ في الشقه
رشيد…ياعم انت مالك و مال تامر انا كنت ببقي واقف معاه زي قلتي انت ادام عرفتوا انت و سلمي عايزين ايه خلاص هو بيشتغل علي الاساس ده و خد بالك هو كمان مكانش بيشتغل بأيده هو بس بيتابع الشغل مش اكتر واغلب الوقت انا وهو كنا قاعدين مع بعض بنرغي
حسان…..ايوه يا عم بس هسيب الراجل و اقولوا انا مسافر
ايمي….ماهو ده شغله اصلاً يعني لو شغال في اي مكان تاني بياخد المفتاح و مش بيسلموا لصحابه غير بعد التشطيب
نعيمه….طيب بما انكم بتقولوا يعني انها تبقي سفريه كده جماعيه و محمود اخوكي هيجي و هتقولوا للي فاضي من اخواتكم ما تامر يجي معانا
بصت سلمي لليله اللي كانت قدامها
ليله…ااا تامر بيتهيألي مش هيحب يسيب شغلوا
سلمي….انا كمان رأيي كده هو بيحب يتابع الشغل بنفسه
نادين….طيب عرفوا يمكن يقدر يظبطها مع صحابه و الناس اللي بتشتغل معاه و لما يعرف ان محمود و نادر هيكونوا معانا ممكن يعرف يظبطها
سلمي….بيتهألي صعب عليه يا نودي انا عارفه اخويا
رشيد….بس هو لازم يجي اصلا صاحبه الفكره ايه من الاول لما روحنا نودي كوبر قالت نفسها تسافر تاني قولنالها لما نرجع و قالت ان احتمال بابا يعني ميوافقش المرادي و هو عارف انك رايحين كل واحده مع خطيبها فا انا قولتلها تامر يجي معانا و تبقي سفريه جماعيه كده و اخوات ايمي و اخوات نعيمه و فضل وعشري يشوفوا لو حد من اخواتهم يجي قالت اه كده بابا يوافق فا من رأيي يكون معاكم عشان عمي يبقي مرتاح ولا ايه
ايه…..بتوتر اااا احممم اه بس يعني مش لازم تامر بما انه هيبدأ شغل الكلام ده قبل سفركم يعني هو ممكن فعلا ميقدرش يكون معانا لو بدأ في الشقه بصت بطرف عينها علي سلامه
و طبعا ايمي و سلمي و ليله لاحظوا توترها و سلامه كمان بصت ايه لليله بمعني قولي حاجه
ليله….اااا ايه تقصد ان كلامها معاكم كان قبل سفركم و قبل ما تامر يقرر مع حسان انه هيبدأ و بيتهيألي حمودي هيوافق لو انا او ايمي كلمناه عادي
حسان…..احنا المرادي كمان هناخد مكان ليكم و مكان لينا عشان تبقوا براحتكم يعني اول مره كنا مضطرين
ليله….بالظبط
سلامه…..بهدوء عموماً شوفوا الاول رده هيكون ايه يمكن يعرف يظبطها زي ما نادين قالت
نادين….بالظبط
بصتلوا ايه بهدوء و سكتت و بصت ليله لايمي باستغراب
نعيمه….المهم الكل موافق علي الفكره ولا لا
فضل…..انا عادي بس هتقعدوا كام يوم
ايمي….يعني يومين ثلاثه بالكتير
فضل…..ايه يا عشري
عشري….بضحك عشري عايز يتجوز يا عم دي عالم مجانين
ايمي….يعني الكام يوم دول هيعطلوا الجواز و بعدين انتوا بيتكم قولتوا مش هتعملوا في حاجه حسان لسه هيبدأ و هو اللي محتاس مش انتوا كملت بضحك و بعدين مستعجل علي ايه هو مش الدكتور طالب منك راحه
عشري…..بضحك انتوا منكم لله انتوا الاتنين
ليله….بضحك طب انا مالي ياستي اسكتي شويه هيطلعوا علي عيني
عشري….طيب عايزين تروحوا فين ؟ دهب بعيد من رأيي خلينا مكان اقرب شويه
رشيد…..نشوف السخنه ايه رأيكم اقرب كتير
عشري…..اه ممكن السخنه طيب هتروحوا امته عشان نلحق نظبط
ايمي….ايه رأيكم يوم الخميس بعد الماتش
عسال…..الماتش الساعه ثمانيه و هيخلص علي عشره هنسافر بدري كده
ايمي…..نسافر بعد الفجر
عشري….ونفضل بقي رايحين جايين
ايمي…..اقعدوا لحد ما نمشي مش قصه ايه اللي هيمشيكم
عشري….لا كتير صعب كده يعني لو هنتحرك علي اربعه مثلا يعني فيها ست ساعات
فضل….لو هتسافروا الخميس فعلا يبقي الحل نلغي حوار الماتش ده انا و عشري و نجيلكم قبل المعاد
نعيمه…..او نسافر الجمعه
ليله….سفر الصبح مش هسافر انا
نعيمه….الجو حلو
ليله….لا مليش انا في النهار و اصلا البوم هيبقي ضاع خلاص
نعيمه….ياستي مش هيضيع نمشي الاثنين علي الفجر او الثلاث
ليله….لا
نادين….بابتسامه متحاوليش مش هترضي
ايمي….صراحه انا كمان محبش اسافر الوقت ده خالص انا اسافر بليل و يطلع عليا النهار في الطريق بس مسافرش الصبح دي اصلا
رشيد…هي السخنه اصلا مش بعيده
ايمي…..طيب انت ايه مشكلتك يا عم عسال ان الماتش يخلص و نتحرك او حتي نقعد ساعه اتنين ونمشي علي 12 مش قصه يعني حتي نروح و ننام و نبقي مرتاحين و نصحي عادي
عسال…..انا معنديش مشكله عادي علي فكره لو حابين تسافروا في الوقت ده براحتكم انا بقول عشانكم انه هيبقي بدري
فضل…..طيب ما نعمل كده صحيح نخلص و علي ما تجهزوا و نخرج هتبقي 12
عشري…لو هتسافروا علي طول انا تمام
ايمي….ايه رأيكم
رشيد…..انا معنديش مشكله في الوقت عموما شايف انه مناسب الحل ده
عسال….وانا كمان
فضل…..وانا وعشري كده تمام انت يا حسان
حسان….بصوا انا معنديش مشكله في السفر او المعاد بس الاول البنات يعرفوا عمي و انا كمان اشوف تامر هيحتاجني ولا لا و اشوف لو هينفع هو كمان يجي
ليله…..سيب حمودي عليا انا
سلمي….طيب بقول ايه انهارده الاثنين و الماتش الخميس ايه رأيك تبدأ لما نرجع
حسان…..لو علي كلامكم ترجعوا الاثنين او الثلاث يعني اسبوع هنأجل اسبوع
سلمي….تامر سريع في شغلوا يا حسان و اللي هيعملوا في البيت مش كتير يعني
رشيد….بضحك العريس مستعجل
حسان….مش قصه مستعجل والله بس ليه التأجيل
رشيد….مجاتش يا عم من اسبوع
حسان……طيب خلينا نشوف كده الاول مع تامر و مش هتفرق
ايمي…..يعني كده الكل متفقين ؟
ليله….اه وانا وانتي بقي نتكلم مع حمودي
ايمي….تمام
نادين…ميدو مصطفي و ريهام هيجوا معانا
عسال….صعب نسيب ماما لوحدها و اصلا مصطفي ميتهيأليش يجي عشان المحل بتاعه بيخلص خلاص و لازم يكون موجود
سلامه…..هي ممكن ريهام و بصراحه ياريت هي مش بتخرج خالص
عسال….و امك هنسيبها لوحدها مصطفي مش هيبقي موجود طول اليوم
ايمي….طيب ما تخلوها تيجي معانا و تغير جو هي كمان يعني من كلامكم هي مش بتخرج و بيتهيألي كمان لو جات حمودي مستحيل يعترض
حسان…..اه صح ما تخلوها تيجي معانا
عشري….ياريت والله الست دي مظلومه معاكم مش بتخرج خالص
سلامه…..ايه نقولها ؟؟
عسال…..تمام بس مصطفي هنسيبه لوحده
سلامه….ياعم سيب مصطفي عليا انا هقنعه يجي اصلا معانا
نعيمه…..بأبتسامه اه خلوه يجي والنبي معاكم
ايمي….ده مصيبه هو كمان
سلامه…..خلاص انا هقولهم انهارده و هعرفكم و تقولوا انتوا لعمي
ايمي….طيب هتقولوا لمين تاني
رشيد…نشوف عمرو وامنيه كده ايه رأيك
ايمي….بأبتسامه ياريت بس معرفش هيوافقوا علي الجنان ده ولا لا هما تقريبا لسه راجعين قبلنا بيومين
رشيد….بضحك علي اساس انهم عاقلين هيوافقوا اكيد
ايمي….اقصد عشان شغل عمرو فاهم
رشيد….نقولهم مش هنخير حاجه بس حوده اكيد معانا
ايمي….لا ده هاخده غصب عنه و انتي قولي لنسمه و نادر
نعيمه…..نسمه اللي ممكن معرفش نادر ظروف شغلوا ايه بس هعرفوا اكيد لو عرف كمان ان محمود و تامر معانا هيجي
ايه…..لولي ما تقولي لتقي
ليله…..بابتسامه هقولها
عشري….بهمس نقول لعدي كمان
ليله….بضحك خير اشتغلت خاطبه
عشري….بضحك وايه المشكله
ليله….البت لسه صغيره
عشري…..بضحك مالك انتي و مالها يا قطاعه الارزاق خلينا نشوف ليله و عشري الصغيرين
ليله….بضحك بقولك ايه نسمه جايه و سليم كان الكرف الاكثر حماس ماتقولوا هو كمان
عشري….بضحك الاريال طلعت ايه
ليله….بضحك ما هي باظت بقي
عشري….علي رأيك
ايمي…..خلاص يبقي اتفقنا لحد بس ما ناخد الرد من سلامه و ميدو علي موافقه حنون و موافقه حمودي كمان اننا الخميس بعد الماتش
عشري….لحظه صحيح طيب المعرض
فضل…..المعرض الاربع
عسال…..الاربع اه قبل الماتش بيوم
عشري…..طيب كويس يبقي متفقين
ايمي…..طيب ممكن اخد البنات و نروح ننم عليكم شويه وانتوا عادي لو حاببن تنموا علينا نموا
ليله…..طيب استني بس قبل النم انا حابه بس اتكلم معاكم في حاجه مهمه اللي طلبت اصلاً اننا نتقابل عشانها و بعد كده ننم براحتنا
سلامه….بضحك قوم افتح يا رشيد للظابط اللي واقف بره ليله لسه شايله و الله اسمعوا مني
ليله…..بابتسامه لا مفيش ظابط ولا حاجه يا سلامه و مش شايله من اي حد لان مفيش حاجه تتشال جوايا ليكم انا اصلاً عابزه اقول حاجه و بعدها الموضوع ده هيتقفل تماماً كأنه محصلش و اصلاً انا مش هتكلم فيه
حسان…..سلامه اهدي بقي و سيبها تتكلم و تقول اللي هي عيزاه قولي يا ليله.
وللحديث بقيه…….
