لقاء كـ،ـ،ـارثي
مريم…..لما روحتلها كنت واثقه انها هتلعب دور الضحيه قالتلي لا انا بلعب دور القادره صراحه كلمتها عجبتني و قررت اعمل زيها ماهي خبره و بقيت قادره بس واضح ان هي لعبت معاك دور الضحيه و جات عيطتلك شويه
عشري…..بضحك انتي يا هبله يا بت مين دي اللي جات عيطتلي دي ليييييييله مش مريم فوقي انا اللي حفيت وراها يا بت عشان اللي زي ليله مينفعش حد يخسرها بسهوله انا اللي لفيت وراها الدنيا عشان الاقيها انا اللي اتجوزتها من غير علمها و كتبت عليها و اتفقت مع اخواتها اني ارجعها لحضني تاني
حبستها فوق العشر ايام عشان بس ترضي تسمعني انا اللي بوست ايد ورجل وراس عشان هي تستاهل
بصت مريم بحقد علي ليله
عشري…..وانا اللي الوقت هروح ارجعها بيتها معززه مكرمه لانها خلاص سامحتني و رجوعها بيتها مره تانيه هيكون بطريقه تليق بيها
هترجع عروسه قدام عيون الخلق كلها بفستان فرحها كانت معايا فوق العشر ايام وهي مراتي علي سنه الله و رسوله و ملمستهاش عشان هي غاليه و يوم ما هلمسها هيبقي الكل شاهد علينا في النور مش في الضلمه يا مريم زي ناس حافظت عليها عشان هي غاليه و استثنائيه و متتعوضش و شرف لاي راجل انه بس يقول ليله مراتي
مريم…..بضحكه سخريه و دخل عليك الفيلم يا محمد اتفقت عليك هي واخواتها صح
عشري…..ميخصكيش بس لو عايزه تسمعي و فضولك هيموتك الفيلم كان تمثيل واخراج ليا انا و صحابها واخواتها و صحابي و مضيناها علي ورق في توكيل جواز لاخوها و خدتها بالعافيه بيتهاااااا اقول تاني و لا كفايه عليكي كده اصل اللي زي ليله الواحد مستعد يعمل عشانها اي حاجه دي بتيجي مره في العمر بس اللي ذيك موجودين كتير في الشارع و علي الارصفه و تحت الكباري و علي نواصي الشوارع بيتهيألي كفايه عليكي كده احسن تموتي فيها انتي ولا اللي في بطنك و ترجعي تقولي محمد عشري السبب
مريم….بابتسامه شر لليله براڤو عرفتي تأثري عليه عرفتي تعيشي دور الضحيه و تكوني قادره في نفس الوقت عرفتي تجيبيه مع انك يعني قولتي انك هتسيبيه و مش هتكملي مع واحد كداب ده طلع بجد الستات اللي من مناطق شعبيه مش سهلين.
عشري…..كلمه كمان و شرف امي يا مريم هوقعك ميته في مكانك
بصتلها ليله بابتسامه تجنن عدلت نفسها و بعدت عن عشري
ليله…..سيبها يا عشري سيبها ياعمري
هو انتي فاكره لما تفضلي كل مره تشوفيني فيعا تفكريني بأني من منطقه شعبيه هزعل او هضايق بالعكس ده شرف لاي ست انها هتكون من منطقه شعبيه ياريت اتولدتي في منطقه زي دي كنتب هتعرفي يعني ايه شرف يعني ايه البنت تحافظ علي نفسها هتتعملي الاصول و المبادئ و الاخلاق و الكرامه كنتي هتتعملي ان او لمسه لراجل ليكي تكون من جوزك ضحكت و غمزتلها كنتي هتعرفي الست اللي بتقلع لراجل و تناملوا علي السرير و تسيبلوا نفسها في الحرام بيتقال عنها ايه.
اوعي تفكري الشويتين بتوع فتحه الصدر دول هيدخلوا علي واحده زيي حطي ايدك علي قلبك يا مريم و اسمعي دقات الخوف اللي جواكي
انتي بس واخده حبايه جراءه مقويه لسانك بس قلبك ضعيف يا حرام
اللي زيك يا مريم المفروض تعمل زي النعامه وتدفن راسها في الرمل متبقاش بجحه اوي كده علي فكره كل واحد فينا خسر حجات تخليه يحس انه مبقاش عنده حاجه يخسرها و مش باقي علي حاجه
بس لما بتيجي علي الشرف بنتوجع و نحس اننا لا خسرنا كتير و بنندم
في بنات بتعمل زيك يا مريم بتسلم نفسها بس بتندم و تعيش عمرها كله مكسوره و جواها حاجه مخلياها حاسه بالرخص و في زيك كده كتير بيبقي بجح و دول عندنا في المناطق الشعبيه بنقول عليها لفظ كده مش حابه اقوله عشان عشري واقف بس اوعدك لما اشوفك لوحدك هقولهولك مع اني يعني عارفه انك مش هتفهميه اوي بس متقلقيش هشرحهولك.
اسمعيني كويس و ركزي في كلامي و راجعيه كويس بينك و بين نفسك
انا مش بسيب حقي و باخده حتي لو هموت بعدها لما جيتي عندي يا مريم و غلطتي في امي زعلتيني بس انا مش برد الزعل بزعل انا برد الزعل بأذي انا كنت هموتك في ايدي بس انا ست جدعه و تربية مره و المره دي علمتني حاجتين مهمين اوي اتعلميهم انتي كمان هيفيدوكي
قالتلي لا تأذي حد جالك بيتك و لا تأذي حد مديكي ضهره لما تاخدي حقك خديه في النور و تكوني حاطه عينك في عين اللي زعلك و انا مش ناسيه حقي يا مريومه
بصت لعشري بدلع وهو بصلها بابتسامه و نظره تجنن
ليله…..حبيبي انت مشيتها بسببي بس انا اللي بقولك الوقت يا عمري سيبها ترجع بيتها حرام و متقلقش و جودها قدامي مش هيضايقني بالعكس هيفرحني اوي صحيح يا مريم انا عزماكي علي فرحي انا وعشري اتمني تيجي لو تقدري و عشان انا ست بتفهم في الاصول ليكي عندي زياره بدعوه الفرح في بيتك باستها علي الهواء و غمزتلها
ليله…..يلا عمري عشان نلحق عزومتنا
عشري….بابتسامه يلا يا تاج راس البنات كلهم
مسكها من كفها بهدوء و راح فتحلها الباب مسكت ليله حرف الباب و بصتلها و شاورتلها بأيدها قالتلها باي
راح عشري ركب مسكت ليله قهوتها و بصتلها بابتسامه رجع عشري بالعربيه لوراء و اتحرك من جنب عربية مريم.
بصلها عشري بابتسامه و هو ساكت
ليله…..بضحك قولتلي بقي هنجيب ايه لايمي و رشيد و احنا رايحين
ضحك عشري من قلبه و مسك كفها باسه بحب
عشري….بحبك يا ليله
ليله…..بضحكه تجنن و انا بموت فيك
و للحديث بقيه ……
