لقاء كارثي

ليله……بس خرجوا و كويسين واللي تبعك راحوا في داهيه..

مريم…ولا يفرقوا معايا اللي يفرق معايا اللعبه الحلوه

ليله…..ولو علي اللعبه الحلوه انتي لسه مشوفتيش لعب سيبيها عليا انا
بس كله بوقته

مريم…..ممكن يلا تحبي أعدلك بقي هتعملي فيا ايه لو جاتلك فرصه.

ليله …..بابتسامه شر أحب جدا و اتمني تقدري توصلي لتوقعاتي اصلا مش متوقعه ..

مريم….حلو يلا عدي معايا اول حاجه هتعلي ليڤل الوحش في دور الصحيه اللي هتلعبيه علي عشري و هتروحي تعيطي و تنزلي دمعتين و تقوليلوا هي اللي بدأت يا عشري ولا لازم اخد حقي ..

ابتسمت ليله بشر و كتمت الصوت و حطت الموبايل في جيبها وسابتها تتكلم وهي باصه من بعيد علي العربيه اللي شاكه فيها عربيه چيب قريبه من اسم الكافيه اللي الشاب قاله في اول المكالمه.

وليد…..في ايه قولي ؟

نعيمه……قفلتي ولا هي اللي قفلت

ليله…..بأبتسامه لا بتتكلم بس كتمت صوتها

نعيمه….طيب ليه طيب

ليله…..ضحكت ضحكة وجع و ضغط و انفجار و رعب وتعب و شدة اعصاب كذا ساعه اتجمعت في صوره ضحكه شريره رفعت حاجبها مصممه تشوفني في دور الضحيه و انا لازم اغير نظرتها و اخليها تلمح دور الست القادره

نعيمه….يعني ايه ؟؟

يعني علي رأي عشري الله غالب سابتهم ليله و جريت بسرعه من قدامهم تعدي الطريق و سط الشارع و العربيات اللي طايره

وليد….يخربيت الجنان ليله ؟

نعيمه….ليله راحه فين ؟

جريوا بسرعه وراها و هما مش فاهمين اي حاجه

عدت ليله اول شارع و بقت تشاور بايدها بسرعه بسرعه و نزلت من علي الرصيف و هي طايره و العربيات جايه من بعيد بتكلكس عدت تاني شارع و طلعت علي الرصيف و جريت وسط الناس زي الطلقه تخبط فيهم و هما يبصولها بصدمه كانت بتجري و رايحه ناحيه العربيه من الضهر عشان متشوفهاش و هي رايحه عليها..

في الوقت ده عشري و فضل كانوا تقريا قربوا من المكان بس الدنيا كانت زحمه و العربيات من اول الشارع كتير و بتمشي براحه..

فضلت ليله تجري لحد ما وصلت قدام العربيه و بدون سابق انذار فتحت الباب اللي راكب فيه الشاب اللي معاها الشاب بص بصدمه علي الباب اللي اتفتح بس ملحقش حتي يتعدل او ينطق بصت مريم كمان ناحيه الباب بتاعه و حصلها صدمه شلت حركتها ثواني و هي بتنزل الموبايل من علي ودنها بس في الثواني دي قبل ما عقلها يديها اوردر انها تنزل تجري او تتصرف كانت ليله في الثواني البسيطه دي نسيت كل حاجه ممكن توقفها عن اللي بتعملوا الا الفتره اللي شافت فيها مريم من بدايه مارحت ليها و قالتلها علي خطوبتها من عشري وغلطها في امها و اهلها و تعبها و الحاله النفسيه السيئه اللي عاشت فيها و قطعها الطريق عليها هي و عشري و تهديدها و تكسير محل أيه و حادثه بنت اخو عشري و كل ده كان كوم و خطفها لعمر و الساعات السوده اللي عاشتها في رعب هي و اخواتها بسببها كانت كوم تاني بمجرد ما فتحت الباب و بصلها الشاب و مريم بصدمه بكل قوتها و غضبها فضلت تضرب في وشه و مناخيره من غير اي رحمه و الخاتم اللي كانت لبساه بوظ وشه كان متكتف جوه الحزام و مش قادر يبصلها من كتر الضرب و الوجع الوجع ولا عارف يدافع عن نفسه مش مدياله فرصه و اخر ضربه ليه كانت الاقوي حط ايده علي وشه و سحبت ليله مفتاح العربيه و رزعت الباب عليه و بسرعه فتحت الباب عند مريم و في اللحظه دي مريم كانت بدأت تستوعب الموقف و مقدرتش تنكر انها اترعبت و ماتت في جلدها لما شافت الراجل بيتضرب الضرب ده بصت جنبها بسرعه عايزه تفتح و تجري مسكتها ليله من شعرها بكل قوتها و سحبتها زي الخروف كانت نعيمه و وليد عدوا الشارع و وقفوا بصدمه من منظر ليله اللي اتحولت مكانوش لسه مترجمين في ايه ؟