لقاء كارثي

نعيمه…..قالتلي اخرج والله دي كانت بتاخد شاور بهدومها اصلا

رجع عشري راسه لوراء و هو بيخرج نفس طويل كله غضب

تقي…..قربت بهدوء اتفضلوا القهوه دي بتاعتك يا فضل

فضل….تسلم ايدك يا تقي

عشري….شكرا يا تقي

تقي….اااا انا هدخل اشوف ليله كده و اطمن عليها

عشري….ماشي

خبطت علي الباب و بعدين فتحت و دخلت

تقي……ليله انتي كويسه

ليله….بهدوء كويسه يا تقي ممكن تديني اللبس بتاعي

تقي…..هو فين

ليله…شوفيه علي السرير

راحت تقي جابت اللبس و قربت من الباب.

تقي…..اهو خديه تحبي اساعدك طيب

ليله…..لا يا قلبي انا تمام

فتحت ليله خدت الغيار و قفلت تاني راحت تقي قعدت علي السرير اتصلت علي عدي

عدي……الووو ايه حبيبي

تقي…..مكنتش عارفه اكلمك بابا كان جنبي بس بعتلك مسدچ اني هفضل مع ليله

عدي…..شوفتها و متصلتش قولت توصلي و هطمن منك طمنيني انتوا بخير

تقي….الحمد لله

عدي…..بقولك ايه انا هروح انا وسليم لمصطفي شويه

تقي…..اه انا سمعت عشري وهو بيكلم سليم

عدي……ماشي انا لو عرفت اعدي عليكم هعمل كده يعني هتصل بعشري لما نخلص مع مصطفي و اشوف لو محتاج حاجه

تقي…..طيب تمام

عدي…..انتي هتباتي مع ليله و لا هتروحي

تقي……مش عارفه لسه هو بابا راح يجيب عربيتوا و هيبقي يرجع يطمن علي ليله هنشوف كده هيحصل ايه

عدي….طير هبقي اتصل عليكي و اعرف

تقي…..ماشي يلا انا هقفل الوقت

عدي….تمام يا حبيبي سلام

تقي….باي

خرجت ليله من الحمام و هي بتقفل سوسته الترنج قامت تقي وقفت وبصتلها قعدت ليله قدام المرايا كانت حاطه علي شعرها فوطه و فضلت سرحانه قربت منها تقي و سحبت الفوطه و مسكت فرشه سرحتلها شعرها بهدوء و هي سيباها

تقي……ليله انتي كويسه

ليله…..بصتلها في المرايا و ابتسمت بهدوء بخير متقلقيش

تقي…..طيب جنبك لسه واجعك نطلبلك دكتور

ليله…..لا لا انا بخير ارتاحت لما خدت شاور دافي متقلقيش

لفت تقي ايدها علي رقبتها و باستها من خدها بوسه طويله

تقي…..مبحبش اشوفك مضايقه او زعلانه فكي بقي عشان خاطري خلاص يا ليله الكابوس راح

ليله…بابتسامه مسكت ايدها اللي لفاها عليها انا بخير والله هو بس كان يوم طويل و صعب بس عدي علي خير

تقي…..علي فكره عمتو اميمه و عمتو قمر اتصلوا يطمنوا عليكي و ماما كمان كلمتني كذا مره