لقاء كارثي

اتخض محمود و قرب عليها بسرعه فكر في مصيبه حصلت تاني من مريم

محمود…..ايه ده في ايه انتي بتعيطي ليه حصل حاجه

ريهام…..بضحك طب قول سلام عليكم خضتني متقلقش محصلش حاجه كنت بتفرج علي فيلم حبيبي دائما و زعلت لما ماتت

محمود….يا شيخه حرام عليكي خضتبني فكرت مريم عملت مصيبه جديده و بعدين يعني هو في حد لسه بيتفرج علي الافلام القديمه دي

ريهام….بضحك اه انا عادي و بعدين مالها مريم تاني هي عملت حاجه في النيابه اتقبض عليها

محمود….لا متقبضش عليها بس واضح كده انها موتره الكل المهم انتي عامله ايه

ريهام……زي الفل صحيح سلامتك

محمود….حط ايده علي حاجبه الله يسلمك يا ستي جات سليمه الحمد لله

ريهام…..سليمه ايه بس كلكم واضح انكم اتخرشمتوا

محمود…اتخرشمتا ده ايه هو كده الخناق ضارب و مضروب و بعدين احنا مروقين عليهم مش كهم يعني لما يحصلنا خدش بسيط

ريهام….بضحك خدش بسيط ده سلامه مش عارف يمشي من الشلوت اللي واكله

محمود….بضحك انتي فرحانه في اخوكي يا مصيبه

ريهام….بضحك لا والله بس مشيتوا من امبارح مموتاني من الضحك يلا الحمد لله عدت علي خير المهم خصلتزا

محمود…..اه ووالعيال اعترفت و هنا بنت حسان طلعت شافت اللي خصل ان الولد بيدي الكلب حقنه و قالت اللي شافتوا

ريهام….بجد طب الحمد لله عقبال ما يقبضوا بقي علي الحربايه اللي مبوظه الدنيا دي

محمود….ان شاء الله قريب

ريهام…..طيب قولي بقي معدي كده صدفه و قولت اما ابص علي ريهام بالمره و لا جاي عايز اعوضلك القهوه اللي مشربتهاش المره اللي فاتت

محمود…..ولا ده ولا ده انا حايلك يا ستي مخصوص

ريهام….بابتسامه مخصوص خير

محمود……خير يلا حضرتك هتتفضلي من غير مطرود عشان تروحي تقفي مع اخوكي في الافتتاح بتاعه و انا هفضل هنا بدالك

ريهام….ايه ده انت مش جاب

محمود…..لا هاجي ان شاء الله بس مش الوقت يعني شويه كده اطمن علي الشغل و بعدين هروح اغير واجي و هبقي ارجع تاني

ريهام…..طب روح انت ارتاح انا والله تمام و مفهمه مصطفي بعني اني هروح و بعدين انا جايبه معايا اللبس هغير و اروح علي طول كده كده مش هلحق الوقت ارجع البيت

محمود…..خلاص يبقي تدخلي تظبطي نفسك براحتك و انا هنزل اشوف الشغل كده و اشرب حاجه تكوني خلصتي و روحي علي مصطفي علي طول و انا ساعه ونص ساعتين كده وهبقي عندكم