لقاء كارثي

وليد….انتي بتتكلمي جد طيب حتي لو عملت كده هتعرف ازاي مكان قمر هتعرف ازاي انهم نازلين و هتخطف عيل يا ليله

ليله…..بغضب بسيط انت بتحقق معايا يا وليد

وليد….انا عايز افهمممم

ليله….مريم مراقبه الكل و مش لوحدها في حد بيساعدها و زي ما عرفت اول مره كل حاجه عن حياتي عن امك و ابوك و شبرا يعني مش صعب عليها مريم عارفه كل حاجه عن الكل بس يمكن انا متخيلتش انها تكون مستعجله اوي كده تخيلت ان بين كل مصيبه و مصيبه حابه تعملها هتاخد وقت بس هي طلع مبتضيعش وقت

حمزه….طيب نبلغ عنها يا خالتوا نقول ان هي اللي خطفتوا

وليد….فين الدليل هنتهمها بخطفه علي اساس ايه

ليله…..متقدم فيها اكتر من بلاغ يا حمزه اطمن

وليد….طيب ما يمكن مش هي

ليله…..انا عارفه عمر كويس يا وليد عمر اه سنه صغير بس حتي لو تاه مش هخاف عليه لاني عارفه انه بسرعه هيقدر يتصرف كنت محفظاه رقمي و رقم امه و ابوه و رقمك و رقم اميمه هو و علي اخوه و لو كان تاه كان عرف يتصل من عند اي حد
بس هو اتخطف و اتخطف بمزاجه و بهدوء عمر مش هيروح مع اي حد الا لو في سبب اقنع عقله او كدبه اتضحك عليه بيها اللي خدوا مش هيعرف يخرج بيه بالغصب

تقي…..طيب خلينا نطلع يا ليله نشوف الكاميرات و لو فعلا حد خدوا مش هو اللي مشي مع نفسه يمكن تتعرفي عليه و اهو لو اتعرفتي يبقي كده في دليل و تهمه علي اللي اسمها مريم دي

وليد….اه صح ممكن خلينا نرجع بسرعه و نشوف الكاميرات يلا يلا اجروا بسرعه مش عايزين نضيع وقت..

مشيوا تاني بسرعه علي المول من كتر الجري و التوتر ليله كان عندها وجع رهيب في جنبها مخليها مش قادره تتحرك او تاخد نفسها كويس هما كانوا سابقينها و هي بتحاول تلحقهم بس مش قادره

بصت تقي وراها لقتها ماسكه جنبها و باين عليها التعب

تقي…..ليله مالك انتي تعبانه

ليله…..جنبي هيموتني في الم فظيع

تقي….طيب من ايه دي الكلي صح ولا ايه

ليله….اه بس غالبا من كتر الجري

تقي…..طب استني انادي بابا

ليله…تقيييي مش وقته خالص خلينا نلاقي عمر انا كويسه يلاااااا

هزت تقي راسها و اتحاملت ليله علي نفسها و راحوا بسرعه وراء وليد ووحمزه و طلعوا علي المول فوق و دخلوا في المكتب الخاص بالامن بتاع المول و الغرفه بتاعت الكاميرات قبل ما يدخلوا لمحوا امن بره و ظالط معاهم و احمد كان واقف معاهم قربوا منهم بصت ليله لقت نعيمه جوه مع اميمه وقمر اول حاجه دورت عليها علي و نوح و اطمنت انهم واقفين.