لقاء كارثي

……………..

خلاص بدأت تفقد عقلها و عقلها يصورلها ابشع السيناريوهات عمر ابن قمر مش ظاهر الوقت بيعدي مفيش اي اثر ليه من الساعه واحده من وقت ما تقي كلمتها لحد الساعه ثلاثه ونص مفيش اثر خالص او اي حاجه

وكلهم هيتجننوا بجد بقت واقفه في وسط الشارع تلف حوالين نفسها و كأن الدنيا كلها بتلف بيها من بعد ما خدت حمزه و وليد و هي ساكته منطقتش عماله بس تدخل المحلات كلها مع وليد هو يسأل و يفرجهم الصوره هو وحمزه و هي عماله بس تبص عي وشوش الاطفال اللي ماشيين في الشارع مع اهاليهم

سامعه وليد و حمزه كل شويه يتصلوا علي احمد و سامح و اميمه يسألوهم لاقيتوه في اخبار و كل ما يقفلوا من غير اي كلمه تريح تترعب اكتر

لحد ما جات عليهم لحظه احباط كلهم فجأه لقت وليد و حمزه و تقي واقفين مش بيعملوا اي حاجه سألوا كل المحلات القريبه من المول بيسألوا الناس في الشارع و هما في المول معاهم امن و ظباط بيراجعوا الكاميرات و مفيش اي اخبار

حمزه….طب ايه يا خالو هنعمل ايه عمر كده ضاع

تقي….حطت ايدها الاتنين علي راسها و نزلت دموعها بابا اتصرف والنبي لازم نعمل حاجه

وليد…..الشرطه فوق معاهم و اكيد هيتصرفوا انا عقلي واقف نروح فين تاني انا اديت صحاب المحلات كلهم رقمي عشان لو سمعوا من اي حد علي طفل تايه اعمل ايه اعمل ايه يارب انتي ساكته ليه يا ليله قوليلي اعمل ايه

حمزه……خالو خلينا طيب نبعد عن بعض و كل واحد فينا يدور في مكان

وليد….هنروح فين تاني احنا دورنا في كل ده

حمزه….ندور تاني و نسأل ندخل الشوارع الجانبيه يمكن خرج من خالتوا

تقي….مستحيل عمر اه صغير بس عمره ما يقدر يعمل كده بيخاف و فاهم انه مينفعش يبعد عن عمتو

حمزه….يمكن عملها مش هنخسر حاجه

وليد….طيب يلا يلا خلينا نشوف في الشوارع الجانبيه

ليله…..وليد مريم خطيبه عشري الاولي هي اللي وراها

وقفوا وبصولها كلهم بصدمه

ليله….اوعي تسيب تقي و حمزه لوحدهم خليهم معاك و انا هدور من ناحيه تانيه.

وليد…. انتي بتقولي ايه متأكده يا ليله؟

ليله….بهدوء هزت راسها متأكده محدش ليه مصلحه غيرها

وليد…..وهي هتعمل كده ليه يا ليله مش خلصنا و حتي لو مخلصناش هتخطف عيل

ليله…..بضعف اه يا وليد تخطف و تعمل اكتر من كده مريم هددتني تهديد صريح و قالتلي هحرق قلبك انتي و عشري علي كل القريبين منكم و بدأت بأيه امبارح لعبت عليها لعبه و بعتتلها شاب بكلب تعبان و الكلب مات عند ايه و راح الشاب معاه صحابه كسروا المحل و حصل مشكله كبيره و راحوا القسم والمفروض انهم في النيابه الوقت