لقاء كارثي

مريم….بضحك ومالوا اهو علي الاقل اللعب يكون احلي صحيح مش عبزاكي تقلقي عليه مش هموتوا متخافيش اصل انا قلبي بردوا طيب و ضعيفه قدام الاطفال بس يعني الراجل اللي معاه في الصوره هيلعب معاه لعبه حلوه اوي هتعجبوا و هتعلم معاه باقي حياته لعبه كباااااار امممم عشان يكبر و هو بيكرهك انا وعدتك هخلي كل اللي قريبين منك يكرهوكي لما يحسوا انهم اتاذوا بسببك متقلقيش هيرجع لمامته بس لما عمو الجميل يلعب معاه شويه

الغضب اللي كان جوه ليله و النار اللي زادت جواها كانت كفيله انها تحرق مريم جملتها رنت في ودنها و اترعبت انهم يعملوا كده بجد في عمر و تخيلت خوفه و صرخته و عياطه

ومحستش بنفسها الا وهي بتتحرك و بتبعد بهدوء عن الكل من غير ما حد ياخد باله عشان مترعبهمش اكتر

لمحها وليد بهدوء و مشي وراها بسرعه يشوف في ايه او رايحه فين
نعيمه كمان بصت علي مكانها ملقتهاش و لمحتها من بعيد بتمد و الموبايل علي ودنها جريت وراها هي كمان ..

مريم…..يلا انا قولت بس اطمنك علي الولد و عشان كمان تطمني امه ان ابنها شويه و هيرجعلها و صحيح لو حابه ابعتلك ڤديو و هو عمو الجميل بيلعب معاه عيوني ده انتي غاليه عندي اوي

ليله…….بغضب و صوت عالي نسيت نفسها مررررررررررريم صوتها خلي الكل ينتبه و يبص عليها وصل لاخواتها كمان جري عليها وليد و نعيمه و لحقهوهم الباقي علي الصوت ابن اختي لو اتلمس عليا الحرام ما هخلي فيكي حته سليمه و هوريكي وقتها اللعب اللي علي حق و مفيش حاجه هتحميكي مني حتي لو روحتي سلمتي نفسك عشان ترحمي نفسك مني و الله يا مريم لا هعرف اوصلك في السجن و هعمل عليكي حفله بس حفله متتوقعيهاش

خرجي العيال الصغيره من وسطنا و لو حابه بجد تلعبي معايا العبي بشرف خليكي قد اللعب و خليكي جريئه انتي مش قادره تواجهيني يا مريم و هربانه بس بقولهالك اهو لو عايزه تلعبي معايا انا جاهزه و هجيلك بطولي و اللي انتي عايزه تعمليه فيا انا موافقه هخليكي تعملي كل حاجه بس رجعي عمر

مريم….بضحك كنت فكراكي اذكي من كده هو انا لو ضامنه انك هتبقي لوحدك كنت اتأخرت في طلبي ده و خدي بالك مش خوف من اللي هتجيبه معاكي تؤ تؤ بس اللي هيجي هيبوظ اللعب و انا لسه نفسي طويل محتاجه العب معاكي اكتر اصل بصراحه كنت مبسوطه اوي و انا شيفاكي بتجري ورايحه جايه مش قادرن تاخدي نفسك و عماله تدخلي من مكان لمكان نظره الخوف والرعب اللي علي وشك كيفتني