لقاء كارثي

دخلوا علي طول بمجرد ما وصلوا الظابط كان مستنيهم اول ما شاف الشاب بصلهم بصدمه الولد جاي متخرشم و وشه بينزف كله

عشري حكي كل اللي حصل مع رهف و قالوا انه جري وراء الشاب و جابوا و طبعاً الشاب اعترف بكل حاجه في محضر و فتح المسدچات اللي بينه و بين خالد المتهم التاني اللي مع مريم و عرف الظابط ان عدي كان هو المقصود عشري سمع للظابط المكالمه اللي دارت بينهم من شويه و قالوا كمان ان مريم كانت مع الشاب اللي اتصل عليه و هي كمان كلمتوا و حولت مبلغ خمستلاف بعد ما قفلت معاه.

رفع الظابط التليفون….عايزك تعملي تتبع للرقم ده حالا و تعرف مكانه
قفل و بصلهم اطمنوا الدليل اللي معاكم قوي كده مش بس في محضر عدم تعرض ده كده في بلاغ رسمي و اعتراف من شريكها اللي ساعدها و في اكتر من دليل التسجيلات و الفلوس و الصور و الشاتات اللي بينهم يعني عايزكم تطمنوا

عشري…..ايوه يعني هيحصل ايه الوقت يا محمد باشا هتتجاب

الظابط….طبعاً هتتجاب كلام الشاب بيقول انه متعاملش معاها و لا شافها بس كلمها و الشاب التاني اللي معاها هو اللي هيوصلنا بيها اكيد عارف هي فين يعني لو عرفنا نوصلهم وهي لسه معاه يبقي الموضوع خلال ساعات هيكون منتهي لو مش معاها اكيد هيقولنا علي مكانها لان في تواصل بينهم متقلقش قولتلك

عمر…..طيب يا محمد باشا يعني فرضنا مسكتوها الموضوع مش هيبقي في انكار ؟ او التسجيلات دي مش هتبقي قانونيه؟

الظابط…..لا طبعاً يا عمر في جريمة مكتملة الأركان حصلت بالفعل بنت أخوك دلوقتي في المستشفى والشاب اللي خبطها اعترف اعتراف صريح مش بس كده ده اعترف إنها كانت بتحرضه.

فضل…..يعني اعترافه لوحده كفاية؟

الظابط….اعترافه مدعوم بأدلة في شات بينهم و صور وواتفاق واضح على خبط أخوك الصغير وفي تحويلات فلوس قبل الحادث وبعد الحادث و ده اسمه اتفاق جنائي وتحريض مباشر والقانون بيعتبر المحرض شريك أساسي في الجريمة

عمر…يعني حتى لو حاولت تنكر؟

الظابط….الإنكار مش هيفرق يا عمر الأدلة رقمية ومثبتة والفلوس ليها مسار والحادثة نفسها وقعت بالفعل القضية مش واقفة على كلامها القضية واقفة على وقائع.

فضل….طيب فرضنا اتقبض علي الشاب و هي مكانتش معاه بس هو عارف مكانها و قدرنا نوصلها مش ممكن تقول معرفهوش او تقول ان الشات مفبرك او اي حاجه