لقاء كارثي

سليم….بهدوء حقك عليا غصب عني والله

نسمه….ايه ده مال صوتك في حاجه ولا ايه

سليم….اه رهف بنت اخويا عربيتها خبطتها قدام الكافيه عندنا

نسمه…ايييييه انت بتتكلم جد

سليم…..اه والله العظيم احنا في المستشفي كلنا

نسمه…طيب حصلها حاجه ؟

سليم….الحمد لله جات سليمه خلع في الكتف و هي الوقت في العمليات

نسمه….طيب اللي عمل كده مسكتوا

سليم….اه خلاص مسكناه

نسمه…..ااا طيب خلاص طيب روح و انا شويه و هطمن عليها

سليم…ماشي اطمن بس عليها و هبقي اكلمك

نسمه….ماشي تمام باي

سليم….باي

قفلت نسمه معاه و سرحت ثواني و بعدين اتصلت علي نعيمه

خرجت نعيمه بره و ردت عليها و هي بتمسح دموعها

نعيمه….ايوه يا نسمه

نسمه…..نعيمه بقولك ايه عارفه رهف بنت اخو عشري اللي شوفناها لما روحنا مع ليله عند اهل عشري

نعيمه…..اه مالها؟

نسمه…..ااا يعني عرفت الوقت من سليم ان في عربيه خبطتها عند الكافيه عندهم و هي في المستشفي انتي متعرفيش او ليله قالتلك

نعيمه…ايييييه لا معرفش اصلا انا مع ليله عمر ابن اختها قمر ضايع من الساعه واحده و تقريبا مخطوف

نسمه….يانهار اسود و منيل انتي بتتكلمي جد

نعيمه…..والله العظيم هي حتي عشري مكلمهاش و انا اتصلت بفضل كنسل و من وقتها متصلش ولا انا اتصلت

نسمه….يعني ايه مخطوف طيب

نعيمه…..شكلها مريم اللي عملت كده في رهف و في عمر

نسمه…مريم مين ؟

نعيمه….اللي كانت خطيبه عشري

نسمه….انتي بتقولي ايه ؟

نعيمه…نسمه طب اقفلي الوقت هبقي اتصل بيكي بعدين

نسمه…استني هو انتوا فين

نعيمه….احنا في المول اللي اتخطف منه عمر ابن قمر

نسمه…..هو عشري و فضل معرفوش ان عمر اتخطف طيب

نعيمه….لا محدش كلمنا قولتلك اقفلي بس الوقت باي

دخلت نعيمه عليهم و بصت لليله

نعيمه….ليله عندي خبر كمان مش حلو

بصتلها ليله وهي هلصانه و مش حمل انها تسمع اي حاجه

قمر….ابني في حاجه

نعيمه…لا لا مش علي عمر

وقفت ليله و بصتلها برعب

نعيمه…..رهف بنت اخت عشري خبطتها عربيه قدام الكافيه و راحوا بيها علي المستشفي شكلها مريم بردوا يا ليله

وليد…..يعني ايه هي زعيمه عصابه محدش قادر يوقفها

اميمه…..مش دي بنت اخوه الكبير اللي شوفناها

نعيمه….ايوه هي

اميمه….حصلها حاجه طيب ؟

نعيمه…..معرفش هما في المستشفي و بكلم فضل تاني مبيردش