لقاء كارثي

احمد….طيب اهدي اهدي

خدوها بهدوء و فضلوا واقفين بره مدخلوش قالت للظابط اللي حصل كله و هي عينها رايحه جايه علي سامح اللي هيتجنن

تقي….بهمس قربت من ليله ليله تعالي نروح التويلت اغسلي وشك عشان تفوقي شويه انتي تعبانه و باين عليكي

هزت ليله راسها بهدوء

ليله….نعيمه خليكي معاهم متسيبيش قمر و العيال

نعيمه….طيب متخافيش..

………..

بعد ما مريم قفلت التليفون مع ليله عملت اتصال للراجل اللي مع حمزه.

مريم…..اسمعني كويس

معاكي يا مدام.

مريم…..هترجع بعربيتك و هتنزل الولد بس بعيد عن المول نزلوا علي اول الشارع تمام ارميه في اي مكان مش عايزين مصايب انا وصلت للي عيزاه خلاص الولد ميلزمنيش كفايه عليهم كده

الراجل….يعني اسيبوا لوحدوا و امشي

مريم….اه امال هتجيبوا معاك هتسيبوا و هتتحرك انت علي طول نزلوا في اي مكان او شارع جانبي بس حاول متبعدهوش عشان ميتوهش انا ناويه اجننها برجوعه مش البس مصيبه فااااهم يلا حالا

الراجل….تمام يا مدام

قفل الراجل و بص لعمر اللي كان مرعوب و مش بينطق جنبه..

اتحرك بالعربيه و عدي من قدام المول و مشي بعده بحوالي عشر محلات مسافه حوالي نص شارع طويل..

نزل الراجل و راح نزلوا و هو عمال يبص شمال و يمين..

و لحسن الحظ بنتين في سن تقي شافوا الولد ..

البنت الاولي في ايه وقفتي كده ليه يا خلود.

خلود…..الولد ده انا شوفتوا انا ورنا الصبح في المول مع مامته و اخوه يا كاميليا

كاميليا….ايوه يعني ايه فين المشكله

خلود…..الراجل اللي معاه ده مش قريبوا انا متأكده الولد اسمه عمر سمعت مامته وهي بتكلموا الصبح كان عمال يزن و يقولها عايز بابا و قالتلوا هو هيتأخر بليل مش هينفع يجي و اللي خلاني ركزت معاهم اني افتكرت انه ابن بنت خالتي لانه شبهه اوي حتي صوتوا انا ضحكتلوا و بعدين مشينا بعد كده .

كاميليا…..يعني ايه خاطفه

خلود……اه استني لحظه كده

قربت البنت منه و ابتسمت بهدوء.

خلود…..عمر عامل ايه يا روحي انت رايح فين و مين عمو ده.

بص عمر للراجل و خاف يتكلم

خلود…..عمر يا حبيبي مالك فين ماما و بابا

كاميليا…..مين حضرتك

الراجل بصلهم بتوتر و بقي عمال يبص حواليه بمجرد ما البنت لمحت شباب جايين من بعيد مسكت ايد عمر و شدته عليها هي وصاحبتها

خلود….لوسمحت لو سمحت الحقونا الراجل ده خاطف الولد