لقاء كارثي

نعيمه….الووو

عشري…..نعيمه فين ليله؟؟ حصل ايه يا نعيمه

نعيمه…..عمر ابن قمر اتخطف يا عشري لياه بتشوف الكاميرات مع الظابط و الامن

عشري……انتوا فين في انهي مكان انا جاي حالا ابعتي اللوكيشن

نعيمه……حاضر حالا هبعتوا

عشري…..ليله كويسه

نعيمه….لا يا عشري مش كويسه خالص لا هي و لا قمر ولا اخواتها

عشري….خليكي جنبها يا نعيمه انا جاي

فضل…اديهالي

عشري….فضل معاكي

فضل…..ايوه يا نعيمه

نعيمه….كان باين علي صوتها انها معيطه ايوه يا فضل.

فضل…..معرفتش ارد عليكي حقك عليا.

نعيمه…..لا عادي ولا يهمك نسمه قالتلي اصلا اللي حصل لرهف

فضل…..غصب عني اتلهينا مع رهف و جريت وراء العربيه انا و عشري وعمر معرفش ان في مصيبه تانيه بتحصل معاكم

نعيمه…..المهم هي كويسه حصلها حاجه ؟

فضل….في العمليات حصلها خلع في الكتف الحمد لله جات سليمه المهم ابعتي يلا اللوكيشن احنا في الطريق.

نعيمه….اوك باي.

فضل…..سلام.

…………………

خلصوا الشباب التحقيق في النيابه و شهادة هنا فرقت كتير و بعد ما الكاميرات وصلت و لقوا الحقنه مكان التكسير و البهدله الشاب اللي اسموا جاسر مقدرش ينكر صورتوا و هو بينزل الكلب و بيديه الحقنه واضحه جدا و هو نفس كلام هنا..

و بدأ جاسر يعترف باللي حصل كله..

جاسر…انا من فتره طويله كنت بشتغل في معرض موبيليا كبير و كان معايا مبلغ كبير المفروض اسلموا بس طلع عليا مسجلين و خدوا مني حوالي نص مليون جنيه اختلفت مع صاحب المعرض اتهمني في الفلوس و انا والله ما خدتش اي حاجه عمل محضر و بلغ و انا قولت كل حاجه حصلت معايا في محضر رسمي و بعدين اتكلمت معاه انا واهلي قولتلوا حبسي مش هيفيدك بحاجه فلوسك هترجعلك بس خليني اطلع و اهلي سددوا من المبلغ في وقتها حوالي 125 الف ده اللي قدروا يجمعوا و كتبت علي نفسي وصولات امانه بباقي المبلغ و كنت كل فتره اسدد جزء لحد ما بقي فاضل حوالي 250 يعني سددت نص المبلغ بس طبعا انا مش عارف و الفلوس اللي بقدر اجيبها مش كتير غير احتياجاتي وجه عليا وقت غصب عني ضعفت من كتر الضغوط فا لاقيت نفسي بروح في مكان تاني يعني شربت بس مشربتش حجات قويه هو حشيش
واتعرفت علي شاب اسمه عبدالله كان ليه في كل حاجه و بيشرب و عرف اللي حصل معايا لاقيته في يوم كنا شاربين يعني بيقولي ايه رايك نطلع مصلحه سريعه كده هتدخلك بالميت خمسين الف و بصراحه انا كنت محتاج الفلوس و عايز اخلص من الديون اللي عليا عشان كل وصل امانه كان ليه وقت معين ولو مسددتش هيقدم الوضل و هتحبس و صاحب المعرض كان ناوي كل ما اتسجن بسبب وصل متسددتش قبل ما اخرج يقدم التاني و بصراحه وافقت و نزلت مع عبدالله و سرقنا محل و بعد كده بقيت بنزل معاه و شويه و عرفني علي ناس تانيه اتشديت اكتر في سكه المخدرات و بقيت ببيع و بسلم سدتت 100 الف اتبقي عليا 150 و بسبب المخدرات مبقتش عارف التزم اوي لحد ما قالي هيروح يسلم الوصلات فا قولتلوا اديني اخر فرصه المهم الشباب اللي عبدالله عرفني عليهم كان فيهم واحد اسمه حماده و حماده ده قالي في واحد معرفه و جدع مكلمني و عايزني اخدموا في حوار و في فلوس حلوه وعايزين شاب باين عليه انه ابن ناس عشان يقدر يعمل الشغله دي وانت اكتر حد ينفع تطلع قولتلوا تمام و خدني و روحت قابلت واحده باين عليها انها بنت ناس اوي اسمها مريم و اللي فهمتوا منها ان في واخده بتضايقها و بتهددها و عملت معاها حجات كتير و ظلمتها و بوظت شغلها و هي بس عايزه تاخد حقها و تردلها اللي عملتوا قالتلي دي صفحه شغلها و عايزه الطريقه اللي تدخلها بيها تكون شغل عشان هي حاله يحصل شوشره علي الشغل بتاعها زي ما هي عملت و رسمت السيناريو كله و قالتلي هتروح بالكلب و هتعمل واحد اتنين تلاته و هتديها 100 دولار عشان تقفل عليها باب انها ترفض و كده و ادتني كلب باين عليه انه كلب قوي و حلو جدا و انا بفهم في الكلاب و بصراحه صعب عليا اني اعمل كده في الكلب بس كان في كلب في المكان اللي بنتجمع فيه انا و الشباب بتاع واحد صاحبنا مش مهتم بيه و من كتر الضرب و الشر اهمل الكلب خالص و الكلب كان تعبان و حالته الصحيه وحشه فا قولت انا هاخد الكلب ده بدل ده و اهو كده كده الكلب اصلا بيموت وتعبان في واحد اسموا خالد اداني الحقنه وقالي هتحقن الكلب بيها بس وانا داخل عليهم عشان مفعول الحقنه بيشتغل بعد عشر دقايق بدل ما يموت منك في الطريق وانت رايح قولتلوا تمام و بس هي ادتني مبلغ حلو 50 الف وقالتلي هتروح تديها الكلب و تمشي و تتعامل بهدوء انك شويه وراجع و اكيد هي هتتصل بيك علي طول و تعرفك ان الكلب مات هترجع و تاخد معاك كام شاب و طبيعي انت واحد زعلان علي الكلب بتاعه فا هتتعصب و تكسر المحل و اكيد الناس هتتلم هتعرف الكل انها موتت الكلب يعني عشان سمعه المكان تبوظ و ده كل اللي اتفقنا عليه حتي هي قالتلي هتعمل كده و تمشي عشان الموضوع ميكبرش كفايه بس ترعبها تبوظ المكان و تخلي سمعته ضايعه بس طبعا اللي حصل بعد كده كان مفجأه هما بلغوا و البنت كان معاها ناس و الموضوع كبر و ده كل اللي حصل…