لقاء كارثي

ليله…..انا زي الفل قوليلي عمتك قمر كويسه هي اتصلت عليا و معرفتش ارد عمر بخير و لا فيه حاجه

تقي……لا كويسه والله احسن بكتير هي بس كانت قلقانه عليكي بعد ما عرفت اللي حصل من بابا بس هو طمنهم و كمان عمر بخير قالت انه نايم و مش عايز يصحي اكيد خايف لسه بس هو كويس يعني وعلي فكره هما راحوا علي عمتو اميمه هي و عمو احمد مرضيوش يسيبوهم بصراحه هي و عمو سامح اعصابهم باظت انهارده خالص

ليله……احسن انهم راحو عشان ميبقوش لوحدهم

تقي…..طيب بقولك ايه ما تتصلي عليهم تطمينهم بنفسك

ليله…..ماشي هاتي الموبايل

تقي….خدي كلميهم من عندي موبايلك بره

اتصلت تقي عليهم و كلمت ليله اميمه و طمنتها و بعدين قمر كلمتها اطمنت عليها و طمنتها ان عمر بخير
و عرفتهم ليله ان كل حاجه بخير و بعد كده قفلت ..

ليله…..ااااااه حاسه بصداع فظيع

تقي……عشان مكلتيش حاجه لحد الوقت يلا شعرك كده حلو ولا عيزاه ازاي

ليله….حلو حلو

حطتلها برفيوم و ظبطها

تقي…..طيب تعالي بقي بره عشري هيموت عليكي بجد

ليله…..ماشي يلا

راحت تقي فتحت الباب و خرجت و خرجت ليله وراها بصلها عشري بهدوء

نعيمه……بابتسامه ايه يا قلبي عامله ايه الوقت؟

ليله….بخير

فضل….تعالي يا ليله اقعدي هنا

قربت ليله و راحت قعدت جنب عشري و بمجرد ما قعدت لف ايدها عليها و ضمها سندت علي كتفه بهدوء

عشري……جنبك ماله؟

ليله….متقلقش انا بخير كان تاعبني شويه بس احسن

باسها عشري من جبهتها بوسه طويله

و فضلوا ساكتين كلهم شويه

فضل…..انا عايز اغسل وشي عيني وجعاني اوي

نعيمه…..روح طيب جوه انت عينك حمرا اصلا

فضل….دخل فيها تراب تقريبا

نعيمه….طيب روح و هجيبلك فوطه نضيفه.

تقي….قربت من ليله لولي ممكن تشربي العصير ده لحد ما تاكلي

ليله….مش قادره يا تقي انا عايزه قهوه و هاتي السجاير بتاعتي

عشري…..قهوه وسجاير ايه لما تبقي تاكلي الاكل جاي في الطريق الوقت

ليله……انا مشربتش قهوه خالص انهارده دماغي هتنفجر

عشري…..معلش كلي واعملي اللي انتي عيزاه اشربي بس شويه من العصير

تقي…..يلا مش بتحبي الفراوله اشربي بقي

خد عشري من تقي العصير و اداهولها .

………………

عند مصطفي كان واقف مبسوط اوي حلمه اتحقق وفتح المكان اللي كان بيحلم بيه كان شكلوا يجنن و شيك المكان كان مقسوم جزء خارجي و جزء داخلي رايق جدا عباره عن مكتبه كبيره اوي كلها كتب
الاضاءه و الديكور كانوا يجننوا بجد