لقاء كارثي

معرفش ازاي عملت كده بس لمحت شباب جايين علينا مسكت ايد الولد وسحبتوا ناحيتنا و صرهت للشباب قولتلهم الحقونا الراجل ده خاطف الولد زقنا و جري ركب و طار و محدش لحقوا و بس جيبناه وجينا قولت اكيد لو ضاع من مامته في المول هتبقي بلغت ضاع برن هنخرج نسال في المحلات المشكله ان الولد من كتر ما خاف نسي رقم مامته.

وليد….. وايه اللي يخلينا نصدق ان ده اللي حصل

خلود….انا جايبه الولد بنفسي حضرتك يعني لو انا اللي خدتوا هجيبوا بنفسي ازاي و تقدر تسأل الولد

وليد…..معقول تركزي في اسم الولد و شكلوا لحد الوقت

وليد….قولت لحضرتك سمعت الحوار اللي دار بينه وبين مامته و هي بتنادي باسمه و كمان قولت ان فيه شبه من طفل اعرفوا

الظابط…..قولي يا بطل هي خلود دي اللي واقفه و صاحبتها كانوا معاك انت والراجل

عمر…..ايوه

بصوا البنتين لبعض بصدمه

الظابط….يعني هما كانوا معاك لما الراجل خدك

عمر….لا هما خدوني منه

اتنفسوا برحه

الظابط….ايوه يعني مكانوش معاكم من الاول او قاعدين في العربيه

عمر…..لا هما خدوني من ايده و زعقوا بصوت عالي عشان الولاد تلحقنا

خلود….والله العظيم ده اللي حصل و كمان انا ممكن اقول لحضرتك احنا لاقيناه فين بالظبط و اكيد هناك في كاميرات و لو عايزني اروح اوديك و عمر يكون معانا موافقه

كاميليا…..وانا لمحت رقم عربيته علي ما افتكر 176 ك ص ب و لو في كاميرات اكيد هتظهر الرقم صح.

اميمه….ربنا يبارك فيكم يا حبيبي و يحفظكم لاهاليكم يا حبايبي و يبعد عنكم كل شر

خلود…..بابتسامه شكرا لحضرتك

وليد….انا اسف يا بنات حقكم عليا بس غصب عني احنا من الساعه واحد علي نفس الحال واكيد غصب عننا

خلود….لا خالص يا عمو مش زعلانه والله حقكم طبعاً بس والله ده اللي حصل و علي فكره انا ممكن اوصفلكم الراجل كمان

الظابط….شكلوا ايه

خلود……هو طويل و مليان شويه اسمر في جنب تحت دقنه علامه يعني غالبا تعويره او جرح قديم متخيط و معندهوش شعر خالص يعني حالق راسه كلها

كاميليا…..الشارع اللي كان فيه هتلاقي هناك كام محل بعيد عن بعضهم بس كلهم عندهم كاميرات انا واثقه لو حضرتك تحب الوقت نوديك اتفضل

الظابط…..اكيد هبعتكم مع الامن و هما هيتصرفوا و تعرفوهم المكان بالظبط اللي كانت راكنه فيه العربيه