لقاء كارثي

…………

بعدت تقي من جنب سامح و حمزه كام خطوه و ردت علي عدي و كان صوتها معيط..

تقي…..ايوه يا عدي

عدي….ايوه يا تقي هو بجد اللي نسمه قالتوا لسليم ابن عمتك الصغير اتخطف

تقي….بدموع ايوه يا عدي من بدري بندور عليه و مش لاقينه خالص

عدي….مقولتليش ليه يا تقي ؟

تقي…..انا صحيت من النوم علي صوت بابا و هو بيكلم عمتو قمر و اتصلت بليله عرفتها و جريت وراه بسرعه و جينا علي المول هنا و مكنتش عارفه اكلمك خالص

عدي…..طيب اهدي بطلي عياط عشري و فضل جايين عليكم في الطريق انا مش عارف اجي و اسيب علي اخويا انتي عرفتي اكيد ان بنت اخويا خبطتها عربيه

تقي…..ايوه عرفت الوقت من نعيمه قالت لليله هي كويسه طيب

عدي….في العمليات لسه بس خير ان شاء الله انتي بس خليكي معايا و لو اتصلت عليكي ردي عشان خاطري و طمنيني و بس رهف تطلع و نطمن عليها اكيد هكلمك و لو لسه موجودين هجيلكم ماشي

تقي….بدموع ماشي يا عدي

عدي….بطلي عياط عشان خاطري و اهدي ان شاء الله خير

تقي….يارب يلا روح انت وانا لو حصل اي جديد هطمنك

عدي….ماشي يا حبيبتي خدي بالك من نفسك باي

تقي….حاضر باي

……………

رنت ليله علي الرقم و هي بتبعد بهدوء عشان متخوفش حد فيهم

خالد….مدام مريم في رقم بيتصل

مريم….بابتسامه شر خدت منه الموبايل هااااااي ليله.

ليله بصت بصدمه لما سمعت صوت مريم اتصدمت انها بترد عليها بالسهوله دي

مريم…..تعرفي انك وحشتيني اوي

ليله…..انتي عارفه يا مريم لو ابن اختي مرجعش انا هعمل فيكي ايه

مريم….ايه يا روحي قوليلي اصل انا بصراحه مش بحب المفاجات بحب اعرف اصلي فضوليه مع اني انا بحب افاجئ اوي قوليلي عجبتك مفجأه صحبتك اكتر و لا مفجأه ابن اختك و لاااااا بنت اخو عشري و اخوه حرااااام صغيرين اوي بس يلا انتوا السبب متخيله كام حد برئ يا ليله بيدفع تمن وجودك في حياته

علي فكره ابن اختك كيوت خالص و مؤدب و بصراحه متعبناش خالص

ليله……ابن اختي يرجع يا مريم و الا وشرف امي هحسرك علي امك و ابوكي

مريم….بضحك مش هتعمليها يا ليله متقدريش انتي صحيح قولتي لو قربت من حد يخصك هتدمري الدنيا بس لا انا عارفه انك اجبن من كده بكتير

ليله…..يمكن عشان مش زيك عندي قلب و ضمير بس متقلقيش و شرف امي يا مريم لو عمر ما رجع لا هبقي اوسخ منك