لقاء كارثي

ليله…مش هعرف والله لسه كمان هروح بليل قسم التجمع خليها وقت تاني

ايمي…..طيب علي راحتك بس قوليلي انتي كويسه صوتك غريب فيكي حاجه

ليله….لا لا يا عمري مفيش حرانه بس و بمد بسرعه عشان اخلص و امشي متقلقيش انا زي الفل

ايمي….بس صوتك مش مريحني و مش متعوده منك انك متهتميش و تعرفي حصل ايه عشان كده قلقت لما عرفت من سلمي انك مختفيه

ليله…..مش مختفيه والله يا ايمي و حقك عليا معاكي حق انا فعلا مهتمش اوي بس عشان عارفه والله ان الناس اللي تبع توما و توصيه حسين باشا مش محتتجني اصلا

ايمي….انا مش بقولك عشان تقولي حقك عليا يا هبله انا بس بطمن انك بخير

ليله…..زي الفل والله انا اصلا كنت بفكر لما اروح المطعم اقعد شويه و ابقي اجي ابص عليكي

ايمي…..طيب تعالي اه خلصي وهستناكي

ليله….حاضر هعرفك اكيد

ايمي….طيب يا روحي خلصي و ابقي اتصلي عليا

ليله….حاضر يلا باي

ايمي…..باي

قفلت ليله و هي علي اخرها و بصت بهدوء لنعيمه وقلة حيله..

قربت منها نعيمه ضمتها في حضنها

نعيمه…..هنلاقيه و الله يا ليله متخافيش كل حاجه هتعدي

ليله….يارب يارب خدت نفس طويل و بعدت عن نعيمه بقولك ايه ينفع اطلب منك طلب

نعيمه….اكيد

ليله….عشان خاطري بلاش تعرفي البنات حاجه خليهم يروحوا لمصطفي حرام بلاش نكسر فرحتوا

نعيمه….حاضر والله مش هقول متقلقيش انا ممكن الوقت اتصل كأني بس بطمن عليهم عشان محدش يشك في اختفائنا

ليله….اه اعملي كده و اتصلي كمان علي نادين لانها ممكن تعدي علينا قولي انك نزلتي و ان انا في مشوار عشان متجيش و اجمني بس عليهم و ياريت تتصلي علي فضل و تعرفيه ميقولش حاجه هو او عشري للشباب عشان ميدو وسلامه يروحوا لاخوهم

نعيمه….طيب هتصل حالا

هزت ليله راسها و مسكت الموبايل بعدت عنها كام خطوه و مكانتش كل ده شافت الرساله بتاعت الواتس اللي جايه من رقم غريب راحت وقفت بعيد و مسكت جنبها بوجع الوجع كان بيزيد و محتاجه مسكن و نزلت وهي لسه صاحيه من نومها لا اكل و لا شرب و عماله بس تجري

فتحت الموبايل مكانتش عارفه هي بتفتحوا ليه و لا عايزه تكلم مين خرجت من الاتصالات و بصت علي نعيمه من بعيد كانت واقفه تتكلم و الناحيه التانيه وليد واقف مع احمد

وحمزه و تقي واقفين مع سامح

رجعت بصت تاني للموبايل و فتحت الواتس و لفت نظرها ان في رقم غريب باعتلها حاجه فتحت كان باين ان في صوره بس بتحمل داست عليها و مسكت جنبها بوجع و فضلت تحرك رقبتها بهدوء و بمجرد ما الصوره فتحت برقت بصدمه و عدلت وقفتها و بسرعه اتصلت علي الرقم …