لقاء كارثي

الناس بقت واقفه في الشارع باصين بصدمه صرخت مريم اول ما سحبتها من شعرها و بمجرد ما سحبتها بره العربيه و قعت مريم علي ركبها جرتها ليله بعيد عن العربيه و قفلت الباب برجلها و بالمفتاح قفلت علي الشاب العربيه حبستوا زي الفار و حدفت المفتاح لوليد ..

محدش في الشارع اتدخل و هما شايفين ليله بتجرها و سحلاها علي الارض من شدة الصدمه كل ده حصل في ثواني شايفين بنت بتجري بسرعه كانها في سباق و بسرعه فتحت باب العربيه ضربت راجل و بعدين جابت بنت من شعرها و قفلت العربيه كلها لا خايفه ولا هاممها اي حد و معندهاش اي ذره خوف شايفين قدامهم جبروت حقيقي بس مش مستوعبين السبب كانوا في مشهد اكشن بحت

رفعت مريم من شعرها و نزلت بيها من علي الرصيف حاولت مريم تجري منها مسكت راسها رزعتها في العربيه من قدام علي الحديد

حس وليد ان الشاب ممكن يفتح من جوه و يهرب راح بسرعه جنب الباب عنده و وقف قدامه عشان ميحاولش الهروب

قربت نعيمه مسكت مريم كمان من شعرها مع ليله و عدلتها لليله و بكل قوتها فضلت تضرب في وشها لحد ما الدم بقي ينزل بسرعه زي الحنفيه من مناخيرها ليله كانت لابسه بدي بنص كم لونه ابيض والبنطلون رمادي فاتح في ابيض الدم جه عليهم و بهدلها

بصتلها مريم و ابتسمت ابتسامه استفزاز

و قدرت بجد تستفز ليله مسكتها من شعرها و قربت من الشباك اللي جنب الشاب من الناحيه التانيه و بعزم ما فيها ضربت راسها في الشباك نزل الازاز بهدل الدنيا

في الوقت ده بدأ الناس في الشارع عايزين يتدخلوا شايفين في واحده هتقت’ل واحده من الضرب.

نعيمه……محددددددش يقرررب

وليد اللي هيقرب من اختي هق’تلوااااا سيبوهااااا

بقوا سامعين همس واضح اللي يقول حرام و اللي يقول هتموتها و اللي يقول هو مفيش راجل يتصرف البت هتموت في ايدها و اللي يقول ايه الافتري ده و اللي يقول اطلبوا الشرطه واللي واقف يصور وطبعا محدش فيهم عارف سبب البركان اللي انفجر جوه ليله

مسكتها ليله لتاني مره في الشباك اللي وراء و ضربتها تاني مكانتش بتتكلم هي بس عماله تفرغ طاقتها المكبوته فيها

وقعت مريم من ايدها علي الارض كانت فاصله بس لسه جواها شر كبير بصتلها و ضحكت و هي بتحاول تسند بكوعها عشان تقوم و عماله تمسح الدم من وشها

ضربتها ليله برجليها بكل قوتها في بطنها و بصوت عالي مسموع لكل اللي كان واقف بيتفرج او اللي كان حابب يتدخل