لقاء كارثي

ليله….ششششس متعيطش اوعي تخاف انت كويس قلب يا ليله اهدا يا روحي

مسكها عمر من ايدها و هو بيعيط جامد.

ليله…..بهمس قولي يا عمر حد عمل فيك حاجه حد لمسك ياعمري

عمر هز راسه بلأ

ليله….قول لليله حبيبتك متخافش مش احنا صحاب

عمر…..انا كنت خايف يا خالتوا كنت خايف اوي

ليله…..متخافش احنا جنبك يا عمري بس خليك قوي و قول حصل فيك ايه خلينا نجيب الراجل اللي خطفك و يتعاقب

عمر…..خدني و قعدني في العربيه و فضلت كل شويه اقولوا عايز اروح لماما وهو مش راضي و كان بيزعق و هوفت اتكلم

ليله…..لمسك يا روحي لمس هدومك او جسمك

عمر…..لا هو ضربني في ايدي و انا بعيط و قالي اخرس مسمعش صوتك عشان اوديك لامك و انا فضلت ساكت وخايف

غمضت عينها براحه و فضلت حضناه وهي عماله تروح و تيجي و تهدي فيه..

وليد…..لاقتوا الولد ازاي

الظابط….. لحظه معلش يا استاذ وليد قوليلي يا انسه..

خلود….اسمي خلود

الظابط…..تمام قوليلي يا انسه خلود لاقتيه فين و كان مع مين و عرفتي ازاي انه تايه

خلود….طيب خليني الاول اقولك من بدري حصل ايه انا كنت داخله المول من كذا ساعه انا وواحده صحبتي تانيه و فجأه ركزت مع صوت الولد و مامته واللي خلاني ركزت ان صوته يشبه صوت ابن بنت خالتي و لما شوفته اتصدمت اكتر لانه شببه حتي انا فكرته في الاول هو واتخضيت بجد بس لما ركزت مش هو كان بيتكلم مع مامته وبيقولها عايز بابا و ماشي مضايق فا هي قالتلوا بابا مش هيجي الوقت و هيرجع بليل خلينا نخلص مشاويرنا و نمشي بصيت للولد و ابتسمت وبعدين مشيت انا وصاحبتي طلعنا فوق علي الكافيه اللي في اخر دور فطرنا و بعدين اشترت هي حاجه من محل و نزلنا خرجنا بره اتمشينا و كنا بنشتري حجات و خدنا وقت طويل و قابلت صاحبتي دي و صاحبتي التانيه مشيت و كنا بنتغدي الوقت و ماشين خلاص فا انا لمحت واحد واقف قدام العربيه و معاه الولد و هو معلق معايا من الصيح و فكراه كويس الولد كان مرعوب و باين عليه انه معيط و خايف فا حكيت لصاحبتي و قولتلها الولد ده مخطوف يعني اكيد اللي معاه مش بباه مامته قالتلوا هيرجع بليل فا شكيت بصراحه

كاميليا…..انا بصراحه قولتلها بلاش يعني ممكن يكون حد يعرفوا قالتلي طيب هنجرب

خلود….بس قربت و عملت نفسي مش عارفه حاجه قولت للولد ازيك ياعمر عامل ايه فين بابا وماما كنت مستنيه اي رد فعل من الراجل بس هو اتوتر و دن خلاني شكيت فيه كان عمال يبص حواليه كتير كاميلا صاحبتي قالتلوا مين حضرتك و سالنا عمر مين ده يا عمر عمر خاف يرد وبصلوا و الراجل كمان منطقش