لقاء كارثي

لقاء كارثي
أميره أسامه
صاحبة البطل الواحد

~° البارت الثامن و الثلاثون°~
……………….

في صباح يوم الخميس قبل خطوبه سلمي و أيه بيوم.

صحيوا البنات وكانوا متفقين انهم هيتقابلوا علي الساعه اتنين الضهر عشان يروحوا مع ايمي يجيبوا كل حاجه نقصاها و كل واحده فيهم تختار الفستان اللي هتلبسوا في خطوبتها و اللبس اللي هيلبسوا في خطوبات بعض .

عشري كان في الكافيه مع فضل و بيتكلم في اللي حصل اول امبارح و انه معرفش يتكلم مع ليله واتصل عليه عسال في الوقت ده

عشري….الووو

عسال…..صباح الفل انت نزلت ولا ايه ؟

عشري…اه انا في الكافيه تحت مع فضل

عسال….بتعملوا ايه كده ؟

عشري….ولا حاجه كنا بنتكلم في اللي حصل اول امبارح

عسال…..ايه اللي حصل اول امبارح

عشري….علي موضوع مريم يا ميدو يعني اني مقدرتش اقول لليله

عسال….اه افتكرت طيب صحيح انت ناوي علي ايه

عشري….مبقتش عارف يا ميدو كل ما اجي اقواها يحصل اي حاجه تبوظ الموضوع علي يدك اهو المرادي كنت ناوي و انتوا بنفسكم اللي منعتوني

عسال……مكانش ينفع يا عشري التوقيت مكانش مناسب خالص ليله كانت متعصبه جداً و شايطه و بيتهيألي لو كنت قولت كان حصل مشكله كبيره

عشري….نفس الكلام كلكم بتقولوا لو كنت قولت وقتها كان حصل مشكله كبيره و محدش فيكم قادر يقتنع اني عارف حتي لو الوقت مناسب هيحصل مشكله كبيره

عسال….بص هو انا حالياً قدرت افهم موقف ليله من موضوع الكدب عموماً بس بصراحه مش قادر احدد موقفها منك انت بالذات يعني مش متخيل مثلاً ان ليله تبعد عنك خالص حتي لو زعلت

عشري…..ليه ما انت شوفتها بنفسك كانت مضاؤقه ازاي و صعبان عليها الولد و السبب اللي خلاه يعمل كده و مع ذلك صممت انه يمشي لانها مش هتقدر تتعامل معاه مع العلم ان البنات قالوا انه معاهم في البيت من وقت ما سكنوا يعني سنين

عسال….بس مش هينفع تقارن نفسك بولد بيشتغل في البيت يا عشري

عشري….الموضوع مش مقارنه يا عسال الموضوع هو موقفها عموماً يعني جايز مثلاً ليله تتخطي موضوع اني كنت خاطب زي ما كلنا قولنا هو موضوع عادي بس المسكله ان لياه مش هتقدر تتخطي اني خبيت عليها مش هتقدر تتخطي اني لما كنت معاها في دهب كان لسه في حد في حياتي مش هقدر امنع دماغها في التفكير في حجات كتير زي مثلاً انها تفكر اني كنت بكلم مريم و بكلمها في نفس الوقت اني بحب فيها وهي معايا اني بشوف مريمو بكلمها و بعمل كل حاجه معاها زي ما بعمل مع ليله مش هتديني فرصه اقولها ان مكانش في بينا كلام مش هتديني فرصه اني اقولها ان مكانش في حب و تواصل ولا كان في مشاعر مش هتديني فرصه اقولها اني كنت واخد قراري من الاول و مقرر اني اسيب مريم مش هتديني فرصه يا ميدو اقولها اني مكنتش بتصل بيها غير لو حصل ظرف عشان ابقي عملت اللي عليا مش هتفهم ابداً اني كنت بقضي معاها هي بس سعات علي الموبايل و لا لما بتوحشني باخد بعضي واروح عليها.

و هتفكر ان كل ده كنت بعملوا مع مريم و لو فرضنا انها ادتني فرصه صدقني يا ميدو مش هتصدق و هتكدبني في كل حاجه لاني كدب عليها

عسال…..قولتلك يا عشري قولتلك واحنا في دهب اول ما حسيت ان عينك مش بتتشال من عليها و اول ما حسيت باهتمامك بيها اول ما حسيت بقلبك اللي بيبقي طاير بمجرد ما تصحي و تنزل بس انت مسمعتش كلامي

عشري….اللي حصل يا ميدو ياريت الزمت يرجع بينا مكانش كل ده حصل

عسال….مش هيرجع يا صاحبي بس قزلي انت ناوي علي ايه

عشري….صدقني مش عارف بكره خطوبه حسان وسلمي و ايه وحسان بفكر اروحلها انهارده بليل لما ترجع هي والبنات و في نفس الوقت محتار خايف اوي الموضوع يتطور و تبقي مشكله و وقتها هننكد علي الكل في نفس الوقت بقول طيب اقولها يوم السبت قبل خطوبتنا احنا بس أرجع واقول لو حصل مشكله كبيره ده مش وقت كفايه عشان اقدر اقنعها وافهمها و خطوبتنا هتبقي تاني يوم صدقني مبقتش عارف اي حاجه و حاسس اني تايهه اوي

عسال…..صدقني يا عشري انا عامل زيك بالظبط و مش عارف اقولك ايه يمكن انا اكتر حد مصمم انك تقول حتي لو ايه هيحصل وفي نفس الوقت مش عارف الموضوع ممكن يروح لحد فين مع ليله المشكله ان الوقت فعلاً ضيق و كل مناسباتنا جايه وراء بعض و بصراحه بقيت قلقان انك لما تقول ده يسبب مشاكل و نكد و زعل للكل صدقني مش عارف

عشري…..انا هسيبها علي الله بص لو روحت انهارده ولقيتها رايقه و حسيت اني ممكن اقول هعمل كده مقدرتش يبقي مش هعرف و مش عارف امته هعرف

عسال…..ان شاء الله ربنا هيعمل اللي فيه الخير

عشري….يارب يا ميدو المهم قولي انت فين كده

عسال…..انا لسه نازل من علقه سخنه الوقت

عشري….علقه ايه

عسال…..بابتسامه الكلاب كانوا مقطعين بعض

عشري….بضحكه هاديه هما لسه مولفوش علي بعض

عسال….لسه يا سيدي الاستاذه
لي لي سايقه العوج و ارثر خلقه ضيق مش طالعلي

عشري….بضحك غريبه مع انه صاحبك من زمان المفروض كان اتعلم منك

عسال….بضحك يلا ربنا يهديهم انا رايح علي المعرض لو احتاجتني كلمني

عشري….ماشي يا صاحبي انا شويه كده ورايح لرشيد و بعدين هروح الكافيه

عسال….تمام سلم علي فضل

عشري….يوصل يا حبيبي

عسال….سلام

عشري….سلام.

قفل عشري معاه واتصل علي ليله يشوفها صحيت ولا لأ و هتنزل أمته.

ليله….الووو

عشري….صباح الفل

ليله….صباح السكر

عشري….طيب ياعم ما انت صاحي اهو و صوتك فايق طيب اتكلم قول اي حاجه

ليله….بأبتسامه علي فكره انا لسه غاسله وشي وصاحيه من كام دقيقه بس يعني لو كنت تقلت علي رزقك كنت كلمتك

عشري…صوتك فايق يعني

ليله…ليه وانا زيك عيزالي كام ساعه عشان صوتي يتظبط زي البشر الطبيعين

عشري….بتتريقي عليا طيب براحتك

ليله….مقدرش انت حبيبي

عشري….نازلين امته

ليله…..هنتقابل علي الساعه ثلاثه كده

عشري….و هتروحوا فين ولا هتعملوا ايه و هترجعي امته هتلبسي ايه كده يعني

ليله….خيررررر هقولك تقرير يومي

عشري….ايه مش عاجبك ؟

ليله….لا مش عاجبني و مش هقول

عشري….بضحك طب وليه و بترجعي تقلبي قطه انا فاكر نفس الموقف ده حصل لما سألتك لابسه ايه و مقولتيش و لسانك كان طول كده و قولتي مش هتعرف تجيبني و جيبتك من قفاكي

ليله…..بضحك استني خلاص هقول و امري لله

عشري…..بضحكه تجنن ابوه كده خليكي مؤدبه معايا عشان ابقي مؤدب معاكي

ليله….ماشي يا سيدي احنا هنطلع علي كام محل كده و في مول في مدينتي عندهم في محلات كويسه و تقدر تقول عارفين هنروح فين عشان ايمي كاتبه كل اللي محتاجاه

بعدها ممكن نتغدي لو الموضوع طول شويه و اكيد اللي فينا هيعجبها حاجه هتشتريها يعني سلمي هتجيب حاجه اخطوبتها واكيد هنجيب لايه حاجه مناسبه لانها متعرفش و لو نعيمه بردوا عجبها حاجه واكيد انا محتاجه كذا حاجه للخطوبه بكره و لخطوبتي انا اصل انا مقولتلكش انا كمان عروسه

عشري….بابتيامه ايه ده بجد مكنتش اعرف و مين اللي امه داعيه عليه ده

ليله…..بضحك طب بلاش انا عشان مبوظلكش الفرح

عشري….بضحك واهو عليكي ابقي عريس من غير عروسه

ليله….ما العريس قليل الادب و لسانه طويل

عشري….لا يا ستي مش هتكلم خلاص كملي

ليله….امممم بس بعد ما نخلص يومنا اكيد هرجع علي البيت عشان بكره اليوم طويل

عشري….طيب وهتلبسي ايه

ليله….والله ما عارفه لسه يا عشري بس اكيد حاجه خفيفه تتحمل المشي اللي هيحصل انهارده عشان انا حامله هم نزولة انهارده دي فوق ما تتخيل ده كفايه نعيمه و اللف اللي هتخلينا نلفوا معاها

عشري….ايه متعبه في شراها

ليله….يالهوووي دي رهيبه شوف ايمي هي العروسه وهي اللي هتجيب جهاز مش طقم ولا اتنين بس اقطع دراعي ان ما ايمي خلصت قبل نعيمه

عشري….بضحك لا ربنا معاكي البسي فلات في رجلك بقي و لبس مريح و خدي بالك الجو بره برد

ليله….اممم ما انا حاسه السماء مغيمه اصلاً بس متقلقش هتفرهد انا عارفه من اللي هيحصل فيا

عشري….ان شاء الله ربنا يهديهم و تخلصوا علي طول افطري قبل ما تنزلي

ليله….حاضر

عشري…..بحبك

ليله….وانا بموت فيك هكلمك وانا نازله

عشري….ماشي يا ست البنات

ليله….بابتسامه باي

عشري….باي يا عمري

…………..

عند ايمي صحيت من النوم واول ما صحيت و هي لسه علي السرير مسكت الموبايل و اتصلت علي رشيد.

ايمي…..بصوت نايم الووو

رشيد….بابتسامه سايبك انا نايمه براحتك و انا طالع عين امي

ايمي….بابتسامه مش انت اللي عامل فيها عريس

رشيد….طب ودي جزاتي يعني صباح الفل يا مدوخاني

ايمي….صباح الفل يا قلبي بس خير يعني حساك معترض

رشيد….بابتسامه انا اقدر بردوا ان القمر يأمر و انا عليا التنفيذ علي فكره اليوم وحش من غيرك اتعودت كل يوم نتقابل و نلف سوا انهارده مفيش لف هقضيه في البيت

ايمي….طيب يا بختك ده انا ورايا يومي طويل شوفت اللف اللي لفيناه مع بعض الايام اللي فاتت ميجيش حاجه في اللي هيحصل فيا انهارده

رشيد….معلش اتحملي بقي هانت خلاص بس قوليلي هتجيبي كله انهارده

ايمي….مستحيل طبعاً رشيد انا هجيب لبس كامل شتوي وصيفي بيت و خروج شنط جزم ميك اب يعني ادعي بس اقدر اجيب ربع الحاجه انهارده احنا هننزل يوم السبت كمان لان بكره مش هينفع و بردوا الاحد مش هينفع بس ممكن بقي الاتنين انزل ليله مش هتبقي معايا بس مش مهم لازم انزل عشان الحق و احتمال ننزل الثلاثاء كمان انا عابزه اكون مخلصه كله حاجه حتي فرش اللبس قبل يوم الخميس لاني محتاجه راحه يومين

رشيد….بابتسامه اه ركزي علي الراحه دي عشان يوم السبت عايزك جيالي بكل طاقتك لان في كلام كتير اوي عايز اقوله

ايمي….بابتسامه علي الصبح كده قلة ادب

رشيد…بضحك انا قولت ايه بس بقولك ايه صحيح اتوصي بلبس البيت هاااا لبس البيت

ايمي….بضحك لا ده انت رايق بقي بقولك ايه امشي يلا خليني اقوم عشان الحق

رشيد….بأبتسامه جميله طيب بقولك ايه

ايمي…..قول

رشيد….قدامك قد ايه و تنزلي

ايمي….هقفل معاك و اقوم اخد شاور سريع و البس و هعمل قهوه وانزل

رشيد….ايوه يعني كل ده ياخد منك قد ايه

ايمي….اممممم يعني قول نص ساعه ان شاء الله

رشيد….تمام وانا نص ساعه و هكون عندك

ايمي….بابتسامه انت مجنون ايه اللي جايبك

رشيد….بضحك في عروسه تقول لعريسها ايه اللي جايبك

ايمي….لا مش قصدي يا رخم اقصد جاي ليه انت مش جاي معايا اصلا

رشيد….عارف يا ستي اني مش جاي معاكي بس ليكي أمانه معايا هاجي اديهالك و اشوف الوش القمر ده و العيون اللي بتموتني عشان اقدر اكمل يومي من غيرك و همشي علي طول

ايمي….بابتسامه واسعه لا بلاش الكلمتين الحلوين دول عشان انا بضعف

رشيد….يا سلام و ده المطلوب بس عموماً هحوش الكلام ده ليوم السبت

ايمي….بضحك مش بقولك مش مظبوط علي الصبح

رشيد….كله بسببك

ايمي….طب بطل هزار واتكلم جد شويه امانه ايه اللي بتقول عليها

رشيد….لما أجي هتعرفي يلا اجهزي بسرعه

ايمي….ماشي يا سيدي يلا هستناك

رشيد….وانا مش هتأخر سلام يا حبيبي

ايمي…..باي

قامت ايمي طلعت اللبس و دخلت بسرعه تاخد شاور مخدتش عشر دقايق خرجت كملت لبسها بره بسرعه و بعدين حطت ميك اب خفيف كانت لابسه بنطلون چينز اسود و توب اسود و عليه سويت شيرت اخضر علي كمر البنطلون و لبست كوتش اسود في خطوط لونها اخضر و حطت علي وسطها شنطه سوده و لبست كاب اسود و لمت شعرها ديل حصان كان شكلها جميل و باين صغير اوي.

جريت علي المطبخ عملت قهوه و بعدين اتصلت عليه.

ايمي…..انا خلصت انت فين؟

رشيد….بابتسامه انا بسلم علي زوزو حبيبتي و حماده حبيبي

ايمي….بابتسامه يعني وصلت

رشيد….اه انا تحت اهو

ايمي…..طيب تمام يلا انا نازله حالاً

قفلت ايمي و راحت خدت كل حاجتها بسرعه تحطهم في الشنطه و بعدين خدت القهوه ونزلت علي تحت اول ما شافته ابتسمت و هو كمان ابتسم كان شكلها حلو اوي بس صغننه و قصيره خالص بالنسبه ليه عشان مش لابسه كعب.

ايمي…..صباح الخير مدت ايدها بهدوء

رشيد….صباح النور باس كفها بحب

ايمي…..صباح الفل يا حماده

محمد….صباح الفل يا عروسه

ايمي…هي امنيه و محمود فين

محمد…..امنيه بتلبس جوه عشان قالت هتيجي معاكي باين و محمود في شغله

ايمي….ايوه هتيجي بحسبها خرجت كنت هقتلها

ماريز…..يعني صبحتي علي الكل إلا انا ماشي يا ست ايمي

ايمي…..بضحكه جميله زوزو والله ما شوفتك انتي بتعملي ايه كده صباح الفل يا احلي زوزو

ماريز…..كنت بعمل قهوه لحماده و رشيد

ايمي….شكراً يا ست زوزو ان ما افتكرتيني بقهوه انا كمان

ماريز…..والكوبايه اللي اكول منك دي بتعمل ايه

ايمي….بضحكه جميله لا ماهي دي بقي عشان تفضل معايا طول اليوم و اعرف امشي

رشيد….هو المج ده كله قهوه يا ايمي

ماريز…..قصدك الرضعه بتاعتها علي فكره ايمي بجد بتشرب قهوه كتير اوي

محمد….دي حقيقه و غلبنا معاها ده انا اللي بموت في القهوه مش بشرب قدها كده

ايمي…..مش بعرف اتحرك او اعمل حاجه من غيرها يا حماده اعمل ايه طيب

رشيد….وريني كده المج ده؟

ايمي….بابتسامه ليه بقي

رشيد….هاتي بس

ايمي…..لا مش هديك حاجه

قام رشيد وقف و قرب منها خده بالعافيه و هي بتضحك

فتح الغطاء لقي القهوه علي اخرها

رشيد….ايه كل ده

ايمي….مش هشربه اكيد مره واحده ده هيفضل معايا شويه حلوين

رشيد….هاتي عصير او اي حاجه تانيه خدي يا زوزو القهوه دي

ايمي….لا لا استني و الله هعمل غيرها لو رمتيها

ماريز….اكيد مش هرميها حرام بس كتير عليكي يا ايمي بجد

ايمي…..طيب وعد مش هشربها كلها والله بس هاتي بقي

رشيد…..والله ما هتاخديها انا حلفت خلاص اصلا انتي حتي مفكرتيش تفطري او تاكلي حاجه

ايمي….ما انا هفطر مع البنات

رشيد…لا بردوا شوفتي امبارح خدت المج نفسه منك و قولتلك مش هتشربي قهوه كده بالمنظر ده تاني

ماريز…..علي قد ما الكام يوم اللي فاتوا كانوا متعبين ليكم بس كنت متطمنه وهي معاك عشان عارفه انك هتأكلها

ايمي….ماهو اتعدي منك بالظبط برجع مش قادره اتنفس من كتر الاكل

محمد…..يعني الحق عليه انه خايف عليكي

رشيد…..سيبك منها يا حماده و خليني اقول الكلمتين اللي جاي عشانهم

ايمي….انت جاي ليه صحيح

رشيد….بضحكه جميله تاني يعني اقوم احميكي بالقهوه بتاعتك دي

ايمي…..بابتسامه لا مش قصدي والله بس ليه سيبت البيت وجيت مش في شغل هناك مخلصش

رشيد….لو قعدتي هتفهمي

ايمي…..بضحكه تجنن طيب البوكس ده في ايه

رشيد…بصحك قام وقف انتي يابت فضوليه كده ليه

رجعت لوراء و هي بتضحك

ايمي……ابويا قاعد الحقني يا حماده بنتك

محمد…..بضحكه جميله انا مليش دعوه عريسك و هو حر

ايمي….بقي كده يا حماده بتبيعني بكره لما أرجعلك بشنطة هدومي متقوليش هروح اخدلك حقك عشان الحق لو مجاش في لحظتها بيموت يا حماده

محمد….بضحك اعوذ بالله من لسانك

رشيد…..بضحك خلصتي طب ابقي شوفي مين هيخرجك من البيت اصلاً انا اصلاً متفق معاهم لو عملتي حاجه زعلتني هسيبلك البيت واجي اقعد في السقه اللي فوق

ايمي…..طيب وريني مين هيدخلك دي شقتي

رشيد….لا يا حبيبتي شقتك اللي هناك اللي العمال شغالين فيها هو ده بيتك انما هنا مبقاس بيتك خلاص

محمد….بابتسامه ده بيته و يجي اي وقت و اصلاً مش هتقدري تزعليه

ماريز…..صح مبقاش بيتك خلاص ده بقي بيت رشيد

ايمي….بضحك ااااه ده انتوا رباطيه بقي

رشيد….بضحك اه و اتفقنا عليكي و اللي عندك اعمليه

ايمي….طيب البوكس في ايه

رشيد….بضحك بردوا طيب اقعدي يا اوزعه هقولك

ماريز….قصدك ايه باوزعه دي هتخليني اقلب عليك انا كمان

رشيد….بضحك لا انتي قمر يا زوزو

ماريز…..ماشي هعديخا المرادي عشان الرخمه دي متشمتش فينا

محمد….طيب ما نبطل رغي بقي وخلينا نعرف الراجل عايز يقول ايه

ايمي…..انا سكت خلاص

رشيد…..بأبتسامه طلع ورق و قلم من شنطه صغيره في ايديه و قعد تاني وابتسم هو عادل امام كان بيقول ايه لسعيد صالح في فيلم سلام يا صاحبي

محمد…..بابتسامه أمضي يا أشول

رشيد….بضحك بالظبط امسك بقي القلم ده و أمسك الورق ده كمان في ايدك اقرأ براحتك و لو راضي عن كل حرف فيه أمضي بس بأيدك اليمين

ايمي….هتمضي ابويا علي ايه يا رشيد.

رشيد…..بأبتسامه شريره همضيه علي شقتك اللي فوق و كل ممتلكاتك عشان متقدريش تبعدي عني و تفضلي معايا

ماريز…..بضحك علي الله بس حماس البدايات ده مترجعش تندم عليه دي هتجننك

رشيد….بابتسامه أمري لله بقي يا زوزو انتي عارفه اني بحبكم و صعبانين عليا هتحمل انا دماغها عشان اريحكم منها

ايمي….بابتسامه خلاص حطيتوا راسكم في راس بعض بعتيني يا زوزو مع رشيد طب اعملوا حسابكم انتوا الجوز بقي ان حماده ميقدرش يستغني عني و ابقي دوري انتي بقي علي بيت ولا روحي مع سي رشيد بتاعك عشان هنطردك انا وحماده انهارده

ماريز…..ضربتها علي راسها شوف قلة الادب

ايمي…اااااه كده طب اديني صدعت هاتي القهوه بتاعتي بقي

رشيد….بضحك انتي بتتلككي

امنيه….صباح الفل يا عريس

رشيد….اهلاً صباح الفل يا عروسه انتي كمان اخبارك ايه وعمرو عامل ايه

امنيه….بضحك مسحول زيك بالظبط اينعم كنا ناوين يعني نتجوز قبل ايمي و البنات و كنت مبسوطه وانا راحه جايه اغيظ فيهم بس يلا خليها علينا

ايمي….بضحك مبقتش بايره لا انا ولا البنات يا واطيه و ان شاء الله البنات كمان يتجوزوا قبلك عشان نمرمطك معانا و لما تيجي تتجوزي شوفي مين هيعبرك

رشيد….بضحك انا هعبرها

ايمي….اسكت خالص انت متعرفش حاجه دي لحد قربب كانت مبهدلانا يوم ما سافرنا نقولها تعالي معانا تقولنا لا انا عندي خطيب مش بايره زيكم

رشيد….بضحك شوفتي لو كنتي قدماي السبت بقي

امنيه….بضحك و انا ايش عرفني انهم هيسافروا سته يرجعوا بسته

رشيد…..بضحك تصدقي بالله بدأت اشك انهم سحرونا

امنيه…..مستبعدش يا رشيد دول يتفات ليهم بلاد وكفايه لما يحطوا راسهم في راس بعض

ايمي….خلاص قاعد تسحب عيلتي مني واحد وراء التاني طب الصبر حلو

رشيد…بأبتسامه هتتجوزوا امته صحيح

امنيه…..يعني ان شاء الله في 14 اتنين يعني عيد الحب بقي وكده

رشيد….ايوه يا عم مظبطنها

امنيه…..بأبتسامه امااااال و علي فكره بقي يارب الكل يتجوز عشان انا ابقي اخر عروسه و تحتفلوا بيا كويس كلها شهرين و أحصلكم

رشيد….علي خير ان شاء الله و اعملي حسابي انا اللي هزفك بالعربيه

امنيه…..بضحك بس ايمي متقعدش معاك

ايمي….بضحك طب ابقي وريني وحياة امك اللي واقفه جنبك دي مين هيركبك العربيه

ضحكوا كلهم و بعدين انتبهوا لصوت محمد.

محمد…..بابتسامه هاديه كتير اوي يا رشيد صدقني يا ابني مكانش في داعي لكل ده

رشيد….بأبتسامه كتير ايه بس يا حماده ده اقل بكتير من اللي ايمي تستحقه

ايمي….هو ايه ده بجد انا مش فاهمه ورق ايه ده يا حماده

محمد….دي قايمتك يا ستي تقريباً كده رشيد مش سايب ابره في البيت غير و كتب حقك فيها

قربت ايمي بهدوء و خدت الورق من حماده و بقت تمرر عينها بسرعه علي كل المكتوب لقت ان رشيد كاتب فيها كل حاجه بنفس ارقام الفواتير الحجات اللي اشتروها مع بعض للبيت مفيش حاجه فعلاً سابها قايمه كانت اكثر من 800 الف و داخله علي المليون كل الفرش والاجهزه كل حاجه بصت ايمي بهدوء لرشيد

ايمي….بس احنا اتفقنا يا رشيد و انا فهمتك كويس و قولتلك متعملش كده

رشيد…..وده حقك يا قلبي و انتي عارفه كويس اني مش هبقي مرتاح غير لو عملت كده

ايمي….ايوه بس انا

رشيد….مفيش بس انا لما جيت قعدت مع معاكم و طلبت منك يا عمي تقولي كل طلباتك انت مرضتش تتكلم ولا تريحني

محمد….عشان قولتلك يا رشيد ان كل الحجات دي لا تهمني ولا تهم بنتي انا بحط ايدي في ايد راجل هيكون سند لبنتي من بعدي و هيكون اخ لمحمود وامنيه و ابن لمراتي تفتكر بقي لما تحط ثقتي فيك علي اغلي حد في حياتي و امنوا عليهم بعد ما اسيبهم مش هأمنك علي حقوق بنتي

رشيد….ربنا يديك طولة العمر و تجوز امنيه ومحمود و تشوف ولاد ولادهم كمان وانا مقدر ثقتك دي فوق ما تتخيل و ربنا يقدرني اكتر واكتر اني اكون قدها و صدقني مش هخذلك بس عشان خاطري اقبل و امضي لان ده حق ايمي و انا مش هقدر اخلص كل خطواتي الجايه و اجهز للفرح غير وانا مرتاح و راضي من جوايا اني قدرت احفظ حق ايمي و بعدين انا عايز نخلص كل حاجه ليها علاقه بحقوق ايمي قبل يوم السبت لان الايام الجايه غالباً كلنا مشغولين و انهارده بالنسبالي كان انسب يوم قبل ما نتشغل اكتر

محمد….انا مش عارف اقولك ابه والله

رشيد….بضحكه جميله امضي يا أشول و خلصني ما تقولي حاجه يا زوزو

ماريز….بابتسامه جميله انت مسبتش اي حاجه احد يقولها يارشيد انت قولت كل حاجه

ايمي…..بابتسامه تأثر رشيد

رشيد….مفيس رشيد و خليكي في حالك لو سمحت ده كلام رجاله يلا يا حماده بقي امضي خليني اروح اشوف عش الزوجيه وصل لحد فين

محمد….بابتسامه ماشي يا سيدي علي بركه الله

مضي محمد و مد ايده بالقايمه لرشيد.

رشيد….بابتسامه لا دي متخصنيش دي هتفضل معاك

محمد…..بحب طب تعالي هات بوسه

رشيد….بضحكه تجنن بوسه واحده بس

قرب منه وحضنوا بحب

محمد…..ربنا يسعدكم يارب

رشيد…..اللعم امين قربت منه ماريز و ضمتوا بحب

ماريز…..مبروك يا حبيبي

رشيد….الله يبارك فيكي يا احلي زوزو ااااا طيب انا كده خلصت اهم حاجه نيجي بقي للبوكس اللي هتتجنني و تعرفي فيه ايه.

ايمي….بابتسامه حب تجنن في ايه ده كمان

رشيد….ايه معندكيش توقع

ايمي….لا بلاش اتوقع لانك خلفت كل اتفاقنا مع بعض و عملت اللي في دماغك.

رشيد….بابتسامه طيب تعالي افتحيه عشان امشي

ايمي….بابتسامه ايه جايب البيت و حاطه في البوكس

رشيد….بضحك ايوه نستظرف بقي اخلصي يلا خليني امشي و انتي كمان تروحي تشوفي البنات

قربت ايمي من البوكس كان كبير شويه تقريباً تلت التربيزه اللي كان محطوط عليها فتحت البوكس بصت بصدمه و استغراب شافت قدامها مبلغ كبير مقدرتش تحدد هو قد ايه بالظبط و لا فهمت الفلوس دي بتاعت ايه اصلاً بس هو كان مبلغ كبير و فوق المبلغ كان في ڤيزا كارت مسكتها بهدوء و بصت عليها و بعدين بصتله باستفهام.

ايمي….ايه ده ؟ وايه الڤيزا دي

رشيد…بابتسامه الڤيزا دي هتلاقي فيها مبلغ قد اللي موجود في البوكس كمل بضحكه جميله بس انا مقدرتش اوفر المبلغ كله كاش لان انتي عارفه بقي انا عريس و محتاج يكون معايا كاش فا قولت خدي نصه و النص التاني اسحبيه براحتك عموماً الڤيزا دي بتاعتك و الباث وورد بتاعها اربع سبعات

ايمي…..رشيد سيبك من كل ده رد علي سؤالي ايه المبلغ ده

رشيد….بابتسامه بص لمحمد حماده اشوفك علي خير يا حبيبي زوزو حبيبتي اشوفك علي خير باي يا امنيه بص لايمي اللي كانت واقفه بصاله بصدمه مسكت دراعه

ايمي…..استني هنا رايح فين

رشيد….بضحكه جميله باس كفها مهرك يا عروسه

ابتسموا كلهم بهدوء و بصتلوا ايمي بصدمه و مسكت دراعه بسرعه

ايمي……لا استني عشان بجد انا كده هضايق و انت عارف اننا قفلنا كل القصه دي و اتكلمت معاك كتير و الفلوس دي و الكارد هتاخده حالاً

رشيد…..انا لا هاخد فلوس و لا هاخد كارد و ده مهرك و مش هتراجع عن كلمتي وانتي عارفه ده كويس سواء هتضايقي هتتعصبي هتقولي اني خلفت كلامي معاكي و كنت باخدك علي قد عقلك انا قولتلك من الاول مش عايز غيرك و حتي شنطه هدومك مش عايزها انتي الوقت نازله تجيبي حاجتك و دي مسؤوليتي و كان لازم اجيلك قبل ما تنزلي هتجيبي كل حاجه نقصاكي و محتاجها بمهرك دي مش فلوسي دي فلوسك فهمتي

ايمي…..رشيد انا مش هعمل كده و استني متسيبش ايدي و تنشي وانا بكلمك انت عارف كويس اني بتوتر و بضايق من المواضيع اللي فيها ماديات دي

محمد…..رشيد كده كتير بجد و صدقني مينفعش ايمي معاها حق و حاجتها انا قايلها و مخلص معاها الموضوع من كام يوم حولتلها مبلغ وهي هتنزل تجيب كل اللي نفسها فيه زيها زي اختها

رشيد…ربنا يخليك ليهم يا حماده و تفضل ديماً تجيبلهم كل حاجه حلوه بس انا مليش علاقه بكل ده ده مهر ايمي و بعدين انت عارف كويس ان الحاجه الغاليه لو محدش تعب فيها متبقاش غاليه فا عشان خاطري سيبني اتعب بطريقتي و اعمل عشان ايمي كل اللي اقدر عليه الجواز جه بسرعه البيت اصلاً موجود و فرش البيت فلوسه كانت موجوده و انت مش عايز تطلب اي حاجه وانا مش هتجوز بالطريقه دي قولتلك بما انك مش هتقول فا سيبها عليا

محمد….بس ده كتير يا ابني كتير اوي

رشيد….مفيش حاجه تكتر علي ايمي انا عايز اشوفها مبسوطه

ماريز….طيب هقولك عشان نقسم البلد نصين خد انت الكاش ده بما انك لسه وراك حجات كتير محتاجه مصاريف و كاش في ايدك و هي تاخد الكارد

ايمي….انا لا هاخد كارد ولا كاش

رشيد….وانا كمان لا هاخد كارد ولا كاش اولاً انا مرضتش اديها كل الكاش اللي معايا عشان هحتاجه فا خليت الجزء الناقص في الكارد لاني مش فاضي كل شويه اروح اسحب ثانياً انا خلاص مش هرجع في كلامي كمل بابتسامه ريحوني بقي بدل ما ابوظلكم الجوازه دي

امنيه….بضحك بقولك ايه انا بموت فيك والله

رشيد…..بضحكه تجنن و الله وانا كمان

ايمي…رشيد استني بالله عليك انا مش هقدر و بجد مش محتاجه لاي حاجه و لو خدت من بابا خدت بس عشان اريحوا لكن مش عشان محتاجه

رشيد…حلو و بما انك مش محتاجه يبقي في اي وقت فاضيه تروحي تحطي المبلغ ده في البنك مع المبلغ اللي في الڤيزا و اتصرفي فيه زي ما تحبي

ايمي….يارشيد انت لسه عندك حجات كتير طيب هقولك علي حاجه لما نتجوز يا سيدي و نخلص كل اللي علينا ابقي اعمل اللي انت عايزه و صدقني والله ما هعترض

رشيد….ماهو مش معني انك عارفه اني مزنوق بسبب المعرض الجديد والكافيه الجديد ابقي مزنوق لدرجه اني مش معايا فلوس انا يا قلبي معايا الحمد لله و كله تمام و دي فلوسي اصلاً وانتي عارفه اني لو مش قادر مش هعمل كده ا علي الاقل هاخد جزء من فلوسي من الشباب بس والله العظيم انا مش محتاج اي حاجه و كله تمام

ايمي….رشيد لا استني بجد ده كتير جداً كمان عشان خاطري مترجعش في كلامك معايا بابا قول حاجه مهر ايه اللي عو جايبه ده

محمد….رشيد اسمع يا ابني

رشيد….بابتيامه اسمعني بس انت و انتي اهدي شويه انا مس هرجع في كلامي خلاص و يلا انا لازم امشي لان انهارده في حجات كتير هتتعمل و لازم اكون موجود و بعدين سايب تامر و الشباب هناك عيب اسيبهم كل ده

ايمي….رشيدددد

رشيد…مبروك يا عروسه قرب باس راسهاا بسرعه و بصلهم يلا يومكم جميل

بصتله ايمي و مقدرتش تتكلم بصتلهم

محمد…..الراجل ده بجد كل يوم بيكبر في نظري

ماريز….وانا كمان بجد ربنا يعلم غلاوته في قلبي

امنيه….بابتسامه افردي وشك بقي مالك زعلانه ليه

ايمي….لاني عارفه كويس ان رشيد مضغوط المشاريع اللي بيفتحوها مع بعض واخده كل فلوسه و انا اتكلمت معاه في كل ده بس هو مصمم كنت فاكره اني اقنعتوا بس لا مقتنعش و نفذ اللي في راسه

امنيه….هو بيحبك و عايز يفرحك

ايمي….عارفه بس كمان انا بحبه و لازم اكون مقدره ظروفوا رشيد كل تفكيره ان البيت كان موجود فا مجابش بيت خاص ليا فلوس الفرض وكل التجهيزات كانت موجوده و انا بس كنت بختار فا عايز يعمل حاجه يحس بيها انه تعب فيا و اصلاً انا مجرد تفكيره ده عندي بالدنيا و مش عايزه كل ده

محمد….ولا انا عايز كل ده بس كمان اللي بيعملوا ده هيخليكي غاليه عنده زي ما قال و دي اكتر حاجه مفرحاني

ايمي….عارفه بس كتير يا بابا اوي المبلغ اصلا اللي موجود في البوكس واضح انه كبير جداً و هو بيقول ان ده نصه

ماريز….بابتسامه خلاص متزعلهوش بقي وسيبيه يفرح بطريقته و عموماً لو حسيتي منه او عرفتي من صحابه انه مضغوط في الفلوس انا عارفه كويس انك هتصممي انك تقفي معاه

ايمي….يبقي انتي كمان لسه معرفتيش رشيد اصلا هو لو اتضغط و اتزنق مش هيحسسني بده لا هو ولا الشباب عشان مش هيخلوه يحتاجني و هيقفوا معاه كويس

محمد….الشهاده لله هو والشباب رجاله و جدعان بيحبوا بعض و واقفين في ضهر بعض ربنا يحفظهم

رن موبايل ايمي لقيتها ليله.

ايمي….الو

ليله….تحنا اتحركنا انتي لسه عندك

ايمي….هتحرك اهو هشوف بس سلمي و ايه هيجوا معايا ولا هيروحوا ونتقابل هناك علي طول

ليله….انا لسه قافله معاهم و اتحركوا خلاص هنتقابل في المول اللي عندك و نادين كمان نزلت يلا اتحركي علي هناك بقي

ايمي…..طيب تمام يلا هتحرك حالاً باي

ليله….باي

ايمي….ااااا حد فيكم بقي يطلع الفلوس دي فوق انا لازم اتحرك

ماريز….ماشي سيبيها و انا هطلعها انا وحماده

ايمي…يلا يا امنيه

امنيه….يلا بينا و افردي بوزك ده

ايمي…..بتنهيده ماشي يلا باي يا بابا باي يا ماما

محمد….في حفظ الله

ماريز….سلام يا حبايبي

……………

ركبت ايمي و امنيه و اتحركوا و بعد حوالي نص ساعه بالظبط قابلوا بعض ايمي كان واضح عليها انها متأثره بالموقف البنات سألوها وهي حكتلهم كانوا مبسوطين عشانها وحاولوا يقنعوها انها متضايقش و ان بموقفه ده بيثبت حبه ليها و بدأوا يومهم و قضوا ساعات كتير يروحوا من مكان لمكان و من محل لمحل و من المول ده للمول ده

وطبعاً ليله منزلتش بعربيه عشري و قررت انها متركبهاش و فضلت مع نعيمه في عربيتها جابت ايمي حجات ملهاش عدد و سلمي كمان اختارت فستان خطوبتها و كل الحجات اللازمه ليه و هي و البنات اقنعوا أيه بفستان معين مكانتس موافقه عليه و عايزه حاجه عاديه لانها متعرفش بس اقنعوها و ظبطوا كل حاجه البنات كمان جابوا حاجه لمناسبه سلمي و ايه

و بعد كده عجب ليله فستان لخطوبتها كانت مقلقه شويه من رد فعل عشري عليه بس قررت تحطه قدام الامر الواقع و اختارت لنعيمه فستان يليق عليها و علي المناسبه

في البدايه رفضت و قالتلها ان هو أوڤر شويه علي مناسبه مش بتاعتها بس مع اقناع ليله و البنات وافقت

و تقريباً خلصوا كل حاجه مكانش فاضل غير ان ايمي تجيب شويه حجات تاني نقصاها و نادين طبعاً مجابتش اي حاجه لانها مكانتش مركزه مع نفسها قد ما كانت مركزه مع البنات جابت بس حاجه تحضر بيها خطوبه ايه وسلمي و خطوبه ليله و نعيمه وبعد لف كتير و تعب

علي الساعه تسعه بالظبط قعدوا في مكان عشان ياكلوا واختاروا كلهم مكان بيعمل اكل صيني نودلز و حجات غريبه كده و طبعاً ليله مرضيتش تاكل معاهم

نعيمه…..هو الاكل هيتأخر انا هموت من الجوع

نادين….خلاص شويه وهيجي لولي انتي هتاكلي ايه المكان اللي انتي عيزاه زحمه اوي

ليله…..سيبك مني الوقت يروق و اجيب المهم خلينا فيكي انتي لحد الوقت مختارتيش حاجه

نادين….اااا هشوف انا بقي متقلقيش

ايمي….علي فكره الفستان اللي شوفناه بجد كان حلو اوي معرفش مدخلتيش تشوفيه عليكي ليه

نادين….انا بصراحه عايزه نخلص كل حاجتك انتي اهم و الحمد لله اني جبت حاجه لخطوبه سلمي و خطوبه ليله ممكن انزل السبت بقي او الاثنين

ليله…خلبنا السبت هنزل معاكي انتي و ابمي لان ايمي لسه فاضلها شوبه حجات والاتنين مش هقدر اكون معاكي بعني السبت لازم تكوني مخلصه كل حاجه

نعيمه…..ابوه الثلاثاء كتب كتابك يعني مش هيبقي في وقت بس لو ملاقتيش يوم السبت هنزل معاكي عادي الاثنين انا فاضيه

ليله كانت فاهمه ان حتي العزومه بتاعت الاثنين نعيمه واهلها هيكونوا معاها لان هي كمان هتشوف في اليوم ده شقتها

ليله….اااا لا هو السبت خلاص عشان اكون معاكم

ايه…..خلاص ننزل بردوا السبت تاني
انتي كده ناقصك حجات كتير يا ايمي

ايمي…..اه لسه انا مجبتش حاجه في المبك اب و لا جبت لبس صيفي كتير اديكم شايفين كل الصيفي الموجود بسيط احنا بقينا في شتاء خلاص

نادين…..طيب بقولك ايه يا ايمي ايه رأيك يوم السبت بدري تجيلي و اروح انا وانتي علي المخزن تشوفي فيه اللي يعجبك في هناك حجات كتير اوي و اغلبها اصلاً صيفي

ليله….فكره حلوه الشحنه الاخيره دي انتي مخدتيش منها حاجه

ايمي….لا خدت

نادين….لا يا قلبي مخدتيش انتي خدتي من اللي قبلها اللي خدتي منهم ساعت السفريه لكن دب جات بعد ما رجعنا

نعيمه….فبها حجات تجنن يا ايمي بجد

ايمي….طيب خلاص موافقه طيب اجيلك امته

نادين….وقت ما تحبي بس الافضل بكون بدري اوي عشان تشوفي براحتك و بعدها ننزل مع بعض نكمل الباقي

ايمي…..طيب خلاص خلينا نتفق مع بعض بقي و هجيلك انا بس الوقت محتاجه اجيب شويه جزم كوتشات شنط كده يعني

ليله….لما تاكلوا و نخلص نقوم نحط الشنط دي كمان في العربيات و بعدين نطلع نشوف كام محل هنا فيهم حجات حلوه اوي

ايمي…..ماشي تمام

سلمي…..بصي يا ايمي عشان متتعبيش نفسك انتي هتجيبي علي قد ما تقدري اللي ناقصك و كل اللي يعجبك هنجيبه بس بما ان الصيفي قليل جيبي اللي هيعجبك منه و بيتهيألي ممكن بعد الجواز تجيبي براحتك و لما نادين تجيب حجات جديده بردوا اكيد هتختاري منها يعني اقصد لو في حاجه نقصت عليكي اكيد تتجاب بعدين عادي احنا في النهايه في اول الشتاء و كل اللي هتحتاجيه شتوب

ليله….سلمي معاها حق احنا هنجيب كل اللي هتحتاجيه و الصيفي بعدها ينزل جيبي براحتك

ايمي….انا هعمل كده فعلاً لان بصراحه مش كل الصيفي عاجبني

ايه….ركزي الوقت علي الشتوي سواء بيت او خروج ىكزي علي الشنط علي الجزم علي الميك اب كده يعني

ليله…..بضحك وركزي علي اللانچيري

ايمي….بضحك هركز متقلقيش اصلا جيبنا شويه لانچيري يجننوا

ليله…..بضحك بس وهو ده المهم

امنيه…..بضحك انا عيزاكم معايا علي فكره لما اجيب هدومي

ليله…..عشان اللانجيري اكيد يا واطيه

امنيه….امال عشان الشتوي

ايمي….بقولك ايه ابقي تعالي معايا لما نروح لنادين يمكن يعجبك حاجه

امنيه….طيب تمام

نعيمه….بت يا امنيه في شوبه حجات مقاسك هتعجبك اوي

امنيه….بابتسامه اشطا خلاص هاجي

ايمي…..بنات بجد انا مش عارفه اقولكم ايه تعبتكم معايا

ليله….تعب ايه يا هبله بس احنا لينا غير بعض يا ايمي

سلمي….بابتسامه تعبك راحه يا عروسه كله يهون عشان خاطر عروستنا القمر

نعيمه….ومتقلقيش يعني هنبقي نسحلك معانا يوم ما ننزل نجيب حاجتنا

ايمي…..ان شاء الله انا اطول اجيبلكم جهازكم علي الاقل اختارلكم شويه لانچيري عشان الشباب تدعيلي

ضحكوا كلهم و شويه والاكل جه و فضل المكان اللي ليله عايزه تاكل منه زحمه و قدامه وقت قاموا بعد الاكل خرجوا الشنط حطوها في العربيات و رجعوا تاني كملوا لفتهم

وبعد ما خلصوا ايمي لمحت مكنه سحب قررت تشوف الڤيزا فيها كام عشان تعرف المهر بتاعها قد ايه بما ان رشيد قال ان الكاش نص المبلغ الموضوع كان مأثر عليها و مضايقها جداً و كانت عايزه تعرف رشيد بجد زنق نفسه و لا عمل ايه بالظبط

راحت و بصت علي الحساب و اتصدمت و بعدين قررت لما ترجع تروح تقابل رشيد.

و علي الساعه 11 كانوا قدام بيت ايمي بيخرجوا كل حاجه

ايمي…..يا بنات ركزوا احسن تدوني حاجتكم كمان

سلمي….انا وايه حاجتنا في الشنطه وراء متقلقيش

نعيمه….بضحك احيه الفستان اللي هحضر بيه بكره كنت هديهولك كويس انك قولتي

ايمي….طب ركزي بقي يا مصيبه

ماريز…..بصوا بعد ما تخرجوا حاجه ايمي كلها اتأكدوا ان حاجتكم معاكم

نادين…..وسعي بس يا زوزو كده و احنا هنظبط كل حاجه متقلقيش

خرجوا كل حاجه و اتأكدوا ان حاجتهم معاهم سلموا علي ماريز و محمد و مشيوا .

ايمي…..امنيه معلش يا قلبي البنات طلعوا حجات كتير فوق خدي بس انتي الكام حاجه دي طلعيهم علي فوق

امنيه….طيب تمام

ماريز…..انتي راحه فين ؟

ايمي….هروح علي المطعم شويه و هتصل علي رشيد يجيلي عشان نتكلم شويه

ماريز…..طيب تمام

محمد…..ايمي انا عارف انك راحه تتكلمي معاه في موضوع المهر ماشي اتكلمي معاه براحتك بس لو حسيتي انه مصمم اوعي تزعليه في النهايه لما يتقفل عليكم باب واحد هتبقوا شركاء في كل حاجه.

ايمي….بس لازم اتكلم معاه

ماريز…..اتكلمي محدش قالك حاجه حتي ده رأيي انا و حماده لان بصراحه رشيد بيحاول يثبت طول الوقت انك غاليه عنده بس كمان لو هو مصمم سيبيه يا ايمي يفرح بطريقته هو عايز يفرحك

ايمي…..يعني يفرحني و يضغط نفسه هبقي مبسوطه انا مثلاً و هو زانق نفسه الزنقه دي هو عارف اني مش محتاجه اي حاجه

محمد….يا بنتي الراجل مش ضروري يبقي عارف انك محتاجه عشان يفرحك او يجيبلك الراجل اللي بجد اللي ميبصش انتي معاكي ولا لا محتاجه ولا لا هو بيعمل اللي عليه كا راجل تجاهك انتي بقي معاكي انا بديكي انتي مش محتاجه ليه خالص هو لازم يعمل كده و بعدين ما انا عارف انك مش محتاجه بس كمان عايز افرح بيكي بطريقتي كأب و زي ما ده حقي و انتي مزعلتنيش اوعي تزعليه لان ده حقه.

ايمي….بابتسامه ماشي يا حبيبي خليني بردوا اروح اتكلم معاه مع اني عارفه ان راسه ناشفه اكتر مني بس لازم اتكلم معاه يلا انا هروح و مش هتأخر ان شاء الله

محمد….ماشي يا حبيبتي.

خرجت ايمي ركبت عربيتها واتصلت علي رشيد.

رشيد…..الوووو ايه يا حبيبي وصلتي

ايمي…..انا البنات وصلونب و نزلنا الحاجه و انا خرجت تاني انت فين

رشيد….انتي راحه فين تاني

ايمي….جيالك عايزه اشوفك

رشيد….جيالي فين يا مجنونه قولتلك مش هتدخلي الشقه غير يوم السبت وعليكي خير

ايمي….بعديداً يعني عن موضوع يوم السبت ده بس انت ناسي يا ذكي اني هاجي افرش هدومي و حاجتي انا و البنات

رشبد…لت مش ناسي بس حصل تغيير بسيط يا قلبي من جوه زوزو و امنيه والبنات هما اللي هيجوا يفرشوا كل حاجه و انتي هتقعدي ترتاحي و مش هتعملي حاجه خالص

ايمي….اممممم كل ده عشان مشوفش البيت اوك موافق بس انا عايزه اشوفك وحالاً اجيلك و لا اروح علي المطعم وتجيلي

رشيد….امممم طيب تمام هجيلك انا

ايمي….متتأخرش بدل والله هتلاقيني قدامك

رشيد….خلااااااص قولتلك جاي

ايمي….ماشي زعق اوي اشوفك بس

رشيد….بابتيامه بحبك يا مجنونه

ايمي….وانا بحبك يا رخم يلا باي

رشيد….باي يا عمري

……………….

عند نادين..

نادين……ااااااه و اخيراً

عسال….يلا اقفلي الباب وراكي

نادين….طيب ثواني عليا اخد نفسي

عسال….ليه هو الطلوع في الاسانسير متعب اوي كده اقفلي وبلاش دلع

نادين….بابتسامه ما حقك تتريق ما انت لو كنت لفيت زي ما احنا لفينا انهارده مكنتش قولت كده

عسال…..بضحكه جميله انا بتريق

نادين…اممم

عسال….مقدرش بس يلا اقفلي عشان خاطري هتنسيه

نادين….قفلتوا خلاص قولي بقي انت فين

عسال….بخلص شغل بكره اليوم مفيهوش يادوب الصبح هعمل مشوار و هروح احلق و بعدين بليل هنتقابل

نادين….استني هنا تحلق ايه ؟

عسال…..هحلق شعري و دقني

نادين….بصدمه ابتسمت لا استني تحلق ازاي يعني انت عارف لو جيت جنب شعرك او دقنك انا هعمل فيك ايه

عسال….بأبتسامه ايه ؟

نادين….انت كمان بتسأل ميدو اوعي تعمل كده

عسال….بابتسامه مش عيزاني احلق

نادين….لا انت كده حلو واوعي تيجي جنب دقنك

عسال….ده انا كنت بفكر اشيلها

نادين…..بضحك لا اوعي بجد هزعل اوي و اصلا مينفعش تعمل كده غير لما تسألني

عسال….بابتسامه يعني انتي لو حابه تقصي شعرك و انا قولتلك لا هتقصيه

نادين….لا طبعاً لو انت بتحب طوله كده مش هاجي جنبه

عسال….امممم ده كلام خطير يعني حتي لو حابه تغيري او القصه عجباكي و انا رفضت هتوافقي

نادين….اكيد طبعاً مش هعمل كده الا لو انت راضي

عسال……بابتسامه شقيه تجنن ده ايه الكلام الحلو ده عموماً يا ستي انا بهزر و حتي لو عايز اعمل كده وانتي مش عايزه مش هعمل

نادين…..طيب قول والله

عسال….بضحك مش مصدقاني ولا ايه

نادين….لا عشان حاسه انك مكنتش بتهزر

عسال…..انا فعلاً مش بهزر و هحلق بس تظبيط مش هشيل يعني

نادين…..يعني ايه تظبيط

عسال…..يعني هظبط شعري اكتر هحدد دقني شويه بس كده

نادين…..طيب اوعي تخفهم

عسال…..طيب ايه رايك اجيلك انا و انا عندي مكنه و اعملي فيا الانتي عيزاه

نادين….بضحك هي فكره حلوه و نفسي اجربها اكيد يعني انك تقعد كده وانا احلقلك بنفسي بس انا مش هعرف و هبوظ الدنيا

عسال….فداكي و انا راضي

نادين….بضحك وانا مش راضيه انا عيزاك زي ما انت كده

عسال….بحب عيزاني زي ما انا امممم مش بقولك في كلام حلو انهارده. انتي مش مصدقه

نادين….بابتسامه و انت عايز توترني اهو تاني و انا بحاول متوترش

عسال….بابتسامه لا خلاص مش هوترك و متقلقيش مش هخف لنا بس هظبط و هحدد دقني تمام

نادين….امممم اوك

عسال….قوليلي بقي جيبتي حاجتك كلها

نادين….انا جيبتك الحاجه اللي هحضر بيها خطوبة البنات بس مش جيبت حاجه ليا انا عشان يعني كتب الكتاب و كده

عسال…..وهو انتي اصلاً كنتب ناوبه تحيبها وانا مش معاكي

نادين….هو انت عايز تبقي معايا

عسال….اكيد ايه مش عبزاني ولا ايه

نادين….لا مش كده بس مش عيزاك تشوف هلبس ايه

عسال…..ماشي مش هشوف بس هبقي معاكي

نادين…..طيب هنرزح امته

عسال….بكره مش هينفع ممكن السبت او الاثنين لان الاحد بردوا مش هينفع

نادين….بس السبت انا كنت هنزل تاني مع ايمي و البنات

عسال….يبقي السبت بليل لما تخلصي معاهم نروح نتفرج كده شويه عجبك حاجه نجيبها معجبكيش يبقي يوم الاثنين هننزل من بدري مع بعض لحد ما تخلصي كل اللي انتي محتجاه

نادين….طيب زي ما تحب

عسال…..بحبك انتي

نادين….بضحكه جميله وانا كمان بحبك اوي

عسال….طيب بقولك ايه يلا روحي ظبطي نفسك كده و شوفي هتعملي ايه وانا خلاص همشي و علي ما اوصل تكوني خلصتي و نتكلم شويه و اشوفك عشان و حشتيني

نادين….بابتسامه حاضر متتأخرش

عسال…..عيوني باي يا حبيبي

نادين….باي

…………….

عند ليله و نعيمه.

ضحكت نعيمه ضحكه عاليه

ليله…..بضحك تصدقي بالله هاجي اجيبك من شعرك

عشري….بابتسامه دي ضحكه نعيمه طبعاً

ليله……ايوه نعيمه الجزمه

عشري….مالك ومالها

ليله….بيتغيظني عشان جعانه

عشري…..انتي مكلتيش

نعيمه….من بعيد فضلتي تتشرطي و في الاخر هتموتي و ريني بقي هتاكلي ايه اقولك كلي جبن بقي عشان في مطر بره و الساعه داخله علي 12 خلاص و الكل هيقفل

ليله…..بابتسامه غيظ شبشبي وحشك يا نعيمه صح

عشري….خليكي معايا و ملكيش دعوه بيها مكلتيش ليه

ليله….كلوا نودلز واكل صيني وانا بصراجه مليش في الاكل ده

عشري….طيب مكلتيش حاجه تانيه ليه

ليله….احنا كنا في المول و كنت هجيب ساندوتش من بافلو بس زحمه خالص و لما كلوا قومنا نكمل و احنا ماشين قولت اشوف لو رايق شوبه اجيب واكل في الطريق بس زحمه و بصراحه مكنتش قادره خلاص اقف علي رجلي و الجزمه دي بتضحك عليا عشان اغلب المطاعم هنا مقفوله و بصيت علي طلبات في مطاعم قفلت خلاص بس عادي و لا يهمني مش هفرح الجزمه دي فيا لو طولت انزل اجيب هجيب

عشري…..تنزلي الوقت في مطر علي فكره

ليله…..بضحك ما تسيبني يا عشري اقول اب حاجه عسان اضايق الحيوانه دي هو انا اصلا قادره احط رجلي علي الارض

نعيمه….بضحك ولو قادره تحطي رجلك عشري مش هيوافق تنزلي وصراحه انا هبقي مبسوطه لو قالك لا عشان بعد كده تاكلي وانتي ساكته

ليله….بضحك عشري بقولك ايه سيبني خمس دقايق اروح اضربها وارجع

عشري…..بضحك لا نلكيش دعوه بيها خلاص عشان خاطري بس كنتي كلتب وخلاص

ليله…..بقولك مليش انا في الاكل ده

نعيمه…..لولي يلا بونوي يا قلبي و قولي لعشري نايتي انا هروح انام لاني مش قادره و شبعانه علي الاخر

رفعت ليله الشبشب و حدفته عليها

نعيمه….بضحك اااااه

عشري….بضحك حدفتيها بأيه

ليله….باللكلوك

عشري….بضحك خلاص طيب سيبيها عشان خاطري

ليله…..بضحك لو قربتي هضربك

نعيمه…..خلاص والله هبوسك و مرجعالك الدبدوب بتاعك اللي لبساه في رجلك ده يلا هروح انام واريحك مني

ليله…..احسسسسسن غوري

نعيمه…..طيب بقولك ايه والله كنلت بضحك اعملك بيضتين كده او اعملك واحد توست تصبري نفسك بيه

ليله….بضحك بضتين اااااااه يابت انتي رخمه اوي و هتخليني أخرف و اقول كلام مينفعش و انا ماسكه لساني

نعيمه….بضحك خلاص والله بس هنام وانتي جعانه كده

ليله….اه انا هتصرف يلا غوري

نعيمه…..تصبحي علي خير

ليله….بابتسامه وانتي من اهل الخير يا رخمه اقفلي الباب وراكي و اتأكدي ان باب الشقه مقفول

نعيمه….حاضر يلا باي بااااااي يا عشري

عشري….بابتسامه قوليلها باي

ليله….بيقولك باي

ابتسمت نعيمه وقفات الباب و خرجت.

عشري…..هااااا

ليله….معاك يا قلبي انت بتعمل ايه كده

عشري…..مفيش كنت بشيك علي مخزن الكافيه و كنت هطلع

ليله….طيب روح ولما تخلص و تطلع كلمني

عشري….لا خليكي معايا متقفليش انتي و حشتيني

ليله…..انت كمان وحشتني اوي

عشري…..عايزه تقفلي تعملي حاجه تاكليها و لا تروحي تعملي وانا معاكي

ليله….لا مش عايزه خلاص انا لا هاكل بيض ولا جبن اصلا مكلتش من الصبح

عشري…..طيب انتي معندكيش غيرهم

ليله….لا في حجات كتير بس كلها في الفريزر مين هيقوم يعمل الوقت و انا اصلا لما بكون جعانه و بحط اكله معينه في دماغي مش بعرف اكل غيرها و بعدين انا نفسي في المانجه اوي كملت بضحك شكلي بتوحم و مفيش مانجه في الشتاء كده و حالي بقي بالبلاء

عشري…..بضحكه جميله بقولك ايه خليكي معايا ثواني ممكن الشبكه تروح بس متقفليش

ليله….اوك معاك

كتم عشري صوت الموبايل و دخل علي المخزن كام دقيقه كده ورجع تاني خرج. وراح ركب العربيه.

عشري….معاكي يا حبيبي كنت بشوف حاجه في المخزن

ليله….ماشي يا عمري

عشري….قوليلي بقي عملتوا ايه انهارده

ليله….ولا كاجه ايمي جابت حجات كتير و سلمي وايه و انا و نودي و نعيمه يعني كل واحد فينا جاب اللي ناقصه

عشري….جيبتي يعني اللبس اللي هتلبسيه في خطوبه البنات

ليله…..بابتسامه و في خطوبتي انا كمان

عشري…..نهارك مش معدي انتي جيبتي من غيري يا ليله

ليله….شوفت فستان عجبني و جيبته

عشري…ااااااه طيب اوصفيلي بقي كده الفستان

ليله….بضحكه جميله هو انت سايق العربيه كده ورايح فين

عشري….بابتيامه لا متتوهيش عشان مجيش اخنقك

ليله…..بضحك بقولك ايه انا عروسه و ملكش دعوه بيا

عشري….ماشي مختلفناش و مش عابزه تقولي براحتك بس وديني يا ليله كده كده انا اللي هاجي اخدك لو لاقيت الفستان مش عاجبني والله والله لا هتغيريه

ليله….لا بصصصص عشان منتجننش علي بعض ساعتها والله ما هغير و مش بعيد اقولك مش هتخطب

عشري…اه امر واقع يعني طيب بصي بقي اللي بقولوا هيتنفذ او توصفيلي كده الفستان من غير اي كدب لاني هشوفوا

ليله….مانت هترخم و تقول لا

عشري…..لو مش عاجبني اكيد هقول لا

ليله….امممم طيب هقولك هو فستان طويل لونه سيلڤر و البطانه الداخليه ليه لون الجسم و كت

عشري….اااااه لون الجسم حلو كت ازاي

ليله….بضحك يعني كت و بس

عشري…..صوريه ياليله و ابعتيه

ليله…..اااااا أيه

عشري….خير السمع بقي بعافيه

ليله….بضحكه تجنن طب بص هو انا بصراحه كنت ناويه احطك قدام الامر الواقع وفي نفس الوقت انت بلطجي و مش مضمون و كمان عارفه انك هترفض فا خلينا كده نكون حبايب و نتفق احسن

عشري…..ااااا يبقي الفستان كارثه و امر واقع دي حتي لو مقفل و بكم يبقي يومك مهبب اصلا انتي عارفه حوار امر واقع ده بيجنني فا من الاخر الفستان ده مش هيتلبس يا ليله

ليله…..طيب هو انت شوفتوا اصلا عشان ترفض

عشري….تمام وانا معاكي للاخر مع انها بقت واضحه يعني اني هرفض صوريه و ابعتيلهولي

ليله….اااا طيب لما اقفل معاك

عشري….عادي اقفلي يلا و روحي صوريه و ابعتيه

ليله….الوقت

عشري….اه عندك مانع حضرتك

ليله…..امممم طيب انت مقولتليش رايح فين كده

عشري…..بعمل مشوار شغل ارتاحتي

ليله….امممم طيب عربيتي بقي امته هاخدها يعني هتتصلح امته

عشري….اتصلحت وهي اللي راكبها الوقت

ليله…اااااه يعني حضرتك عمال تلف بعربيتي كده ولا كانها بتاعتك

عشري….بضحك يابت اتكسفي علي دمك معاكي عربيتي

ليله…..بضحك ااااه بس يعني عربيتي احلي

عشري…..احلي عشان بتاعتك بس انا مليش في العربيات السيدان بحس اني راكب علي الدواسه و احمدي ربنا اني اديتك عربيتي اصلا دي مش اي حد بياخدها

ليله….ليه يعني ان شاء الله اصلا عربيتي احلي

عشري…بضحكه جميله و هو بيسايسها صح عربيتك احلي

ليله…بابتسامه لا مالك حساك يعني بتاخدني علي قد عقلي

عشري….بضحك لا ابداً بس معاكي عربيه كاديلتك صحراوي موديل السنه داخله علي عشره مليون و مش عاجبك

ليله….بضحك و ادتهالي كده بسهوله مش خايف اروح افككها و ابيعها

عشري…..بضحك مش هتعرفي و لو عرفتي فداكي يا ستي

ليله….طيب علي فكره يا سيدي انا مركبتش عربيتك لما نزلنا و ركبت مع نوني

عشري….بتهزري ولا بجد

ليله…..لا بجد والله

عشري….طيب ليه ؟

ليله….اممم بصراحه مش بعرف انا خدتها بس عشان اريحك لكن بتوتر اني اسوق عربيه مش بتاعتي و بعدين انا سواقتي بيقولوا عنها متهوره شويه اخبطهالك و لا اجيبلك وشها تيجي تعلقني

عشري….والله انتي بتهرجي انا سيبهالك عشان تركنيها يا ليله و بعدين يحصل فيها اللي يحصل المهم انتي تبقي كويسه ومش فيها في داهيه العربيه

ليله…..بضحكه جميله من قلبك فكر كويس دول عشره مليون

عشري….لا من قلبي يا ستي

ليله….طيب بطل رغي و قولي انت رايح فين كده

عشري….بقولك ايه اقفلي خمس دقايق و راجعلك

ليله….رايح فين

عشري…..لحظه بس هتكلم مع واحد كده و اتصل عليكي علي طول

ليله….اوك باي

عشري….باي يا قلبي

……………..

في غرفه نعيمه.

كانت لسه واخده موقف من فضل وزعلانه منه و مش بتكلموا كتير و هو اللي بيتصل اغلب الوقت و بترد علي قد الكلام و نزلت الصبح و مقالتش هو اللي اتصل و عرف و عداها و طول الوقت مع البنات مكلمتهوش وهو بردوا اللي اتصل سأل عليها و لما رجعت مقالتش طلعت علي السرير و فضلت تلعب في الموبايل و كانت ناويه تنام و متكلمهوش

فضلت تلعب شويه في الموبايل و هي عينها بتقفل خلاص اتصل عليها فضل.

نعيمه….الووو

فضل…..خير و بعدين

نعيمه…..هو ايه اللي و بعدين

فضل…..اصل بصراحه مش فاهمك امبارح انا اللي بتصل كل شويه و لما بكلمك بتردي الرد علي قد الكلمه و انا بعديها و انهارده صحيتي و نزلتي من غير ما تتصلي زي كل يوم و قولت مش مشكله اتصل انا طول اليوم مقضياه مع البنات قولت تمام اتصل انا و اطمن عليكي رجعتي بردوا و طلعتي و صوتك باين عليه هينام و بردوا مفكرتيش تعرفيني

نعيمه…..عادي يعني

فضل…..عادي !

نعيمه…..اه عادي مش فاهمه فين المشكله بردوا

فضل…..لا انتي فاهمه و لو مش فاهمه او عامله نفسك مش فاهمه المشكله ان طريقتك مش عجباني و انا بعديها بمزاجي مع اني مش غلطان بس لو طريقتك هتفضل كده يا نعيمه هتزعلي مني

نعيمه…..لا والله ايه لسه عندك اكتر من كده

فضل…..ليه وانا زعلت او عملت حاجه غلط

نعيمه….لا خالص انا مجنونه

فضل….نعيييييمه اظبطي شويه

سكتت نعيمه و مردتش

فضل…..عايز افهم في ايه؟

نعيمه….مفيش

فضل…..طييييب تمام لما هو مفيش بقي قالبه وشك عليا ليه و ليه طريقتك معايا كده

نعيمه……والله لو انت مش عارف انا ليه طريقتي معاك عامله كده يبقي انا فعلاً مجنونه

فضل…..نعيمه انتي بجد بتعاقبيني علي اني خوفت عليكي

نعيمه….انا مش بعاقبك يا فضل و اظن اني متكلمتش علي خوفك عليا انا بتكلم علي طريقتك معايا

فضل…..ومالها طريقتي معاكي بكلمك و بسأل عليكي و بتطمن و بعدي ردك الرخم عليا مالها طريقتي

نعيمه….بصوت عالي نسبياً انا مش بتكلم علي امبارح و انهارده يا فضل انا بتكلم علي طريقتك في الموقف اللي حصل

فضل…..بصوت عالي شويه اولاً توطي صوتك واناي بتتكلمي ثانياً هو انتي بجد مش شايفه انك غلطانه

نعيمه…..انت بتزعق ليه

فضل…..عشان انتي مستفزززززه و عشان الموقف اللي حصل و بتقولي عليه ده انتي غلطانه فيه من اوله لاخره و مع ذلك مش راضيه تعترفي بغلطك او تسكتي و تحطي لسانك في بوئك

نعيمه….فضللللل

فضل…..بلا فضل بلا زفت يعني تركبي معاكي راجل غريب و أسالك مين ده تقولي معرفهوش و كمان تقفي لحد غريب في وسط الطريق كل ده انتي مش غلطانه و المفروض متكلمش

نعيمه….هو ايه اللي تركبي معاكي راجل غريب انت مش واثق فيا

فضل….بغضب نعييييييييمه خيابه مش عايز ثقه ايه اللي بتتكلمي عنها هو انا لو مش واثق فيكي كنت هفضل معاكي انا عديت ان في راجل غريب معاكي و قولت افهم لكن اسألك مين ده و تقولي معرفش خيرررررر و اعرف بعد كده انك وقفتي ركبتيه معاكي و مش شايفه انك غلطانه و شيفاها جدعنه طب افرضي دي كانت لعبه و حواليه شباب تانيه طلعوا عليكي اول ما وقفتي افرضي كام عمل فيكي حاجه افرضي اذاكي او اتحرش بيكي و لا عمل مصيبه فيكي كل ده انا غلطان فيه و انتي تمام صحححح و مع ذلك زعقت شويه عشان حقي و سكتت و بتعامل عادي حاولت اهزر و اضحك معاكي يومها فضلتي قافشه قولت تمام اسيبها امبارح طول اليوم بتتصرفي و بتنزلي و بتعملي كل حاجه علي مزاجك و انهارده شرحه و طريقتك زي الزفت و بعد كل ده انا اللي غلطان مش انتي صحححح.

سكتت نعيمه و مردتش و عيطت بهدوء.

فضل…..ايه سكتي ليه ما تردي؟

فضلت ساكته و عماله تعيط و تحاول تخليه ما يسمعش

بس هو حس طبعاً من صوت نفسها فا سكت و هدي.

فضل…..لا حول ولا قوة إلا بالله اتنهد تنهيده طويله و ولع سيجاره خد نفس طويل و نفخه بهدوء و كل ده و هي ساكته.

فضل…..وبعدين هتفضلي ساكته ؟

نعيمه….بصوت زعلان بسمعك

فضل…..بنبره هاديه ممكن اعرف بتعيطي ليه

نزلت دموعها اكتر و فضلت ساكته

فضل….بضعف بطلي عياط و ردي عليا

نعيمه….نعم

فضل…..بتعيطي ليه الوقت ؟

نعيمه….مفيش

فضل…..حبيبي و حياتي عندك بطلي عياط نوني انا بحبك و خايف عليكي يا ماما الموقف بجد حرق دمي لما شوفت الشاب ده راكب جنبك اضايقت بس سكت لاني واثق فيكي لكن اتجننت لما البنات نفسهم سألوا بعض مين ده سألتهم انتوا متعرفهوش قالوا اول مره يشوفوا حطني نفسك معايا لو شوفتي جنبي بنت و محدش يعرفها مش هتضايقي و بعدين فجأه لاقيته نازل و بيجري قلقلت يكون عمل حاجه فيكي قربت منك بسرعه و سألتك بهدوء مين ده قولتي معرفش فا اتجننت اكتر و اتجننت اكتر و اكتر لما عرفت انك وقفتي تساعديه في وسط طريق ساكت وهادي و طبيعي اتعصب و معملتيش حساب انه ممكن يطلع وحش انتي مش هتقدري تعرفي نوايا الناس يا نوني هتتعاملي بطريقتك و بقلبك بس ده غلط مش اي حد ينفع تتعاملي معاه بحسن نيه

نعيمه…..بدموع بس انا فهمتك المفروض كنت اتكلمت بهدوء معايا و كنت هقتنع عادي بكلامك بس انت عليت صوتك و الكل سمعك

فضل…..عشان اتعصبت من الموقف يا حبيبي و عشان خوفت عليكي هو انتي لسه متعرفيش انا بحبك وبخاف عليكي قد ايه

نعيمه…..بدموع عارفه بس كمان مش اي موقف يحصل بينا لاول مره تعمل كده يعني لو ده موقف حصل مني و قررته هيبقي ليك حق

فضل…..و ليا حق حتي لو اول موقف اي حاجه تخص امانك يا نوني انا ليا حق اتعصب لو حسيت انك بتتعاملي بعشوائيه و من غير تفكير لان انتي مش طفله و لا لسه مش ناضجه عارف انك حبيبتي تساعدي و صعب عليكي و الحمد لله انا طلع صادق بس يا قلبي احنا كل يوم بنشوف حجات غريبه و بنسمع حجات اغرب

نعيمه…..يعني المفروض اني لما الاقي حد في موقف محتاج فيه المساعده اسيبه و امشي

فضل….مقولتش كده تقدري تساعدي زي ما انتي عايزه و علي حسب الموقف كمان لو يستدعي انك تساعدي فعلاً اتصلي بشرطه باسعاف و لو موقف زي اللي حصل معاكي ده اتصلي بيا يا ستي و انا هتصرف حتي لو مش قريب منك بس علي الاقل اعرف اتصرف و متبقيش لوحدك فهمتي

نعيمه…..تمام

فضل….بابتسامه لا تمام كده بزعل مش هتنفع

نعيمه…..عايز ايه بقي انا عايزه انام

فضل….مش هتنامي و انتي معيطه كده بحبك يا وحش

نعيمه….وانا مش بحبك

فضل….والله كدابه يابت ده انتي بتموتي فيا

ابتسمت نعيمه بهدوء و سكتت

فضل….نوني

نعيمه….نعم

فضل….بحبك

نعيمه….طيب

فضل….بضحك لا بصي والله اجيلك الوقت واطين عيشتك بحبك يا بت

نعيمه….بهدوء ابتسمت وانا كمان بحبك

فضل…..بس و ديييييني لو الموقف ده اتكرر تاني لا هعلقك

نعيمه…..بأبتسامه هاديه متقدرش

فضل….بأبتسامه طبعاً مقدرش و عموماً يا قلبي حقك عليا و متزعليش بس لازم تعرفي اني بحبك و بخاف عليكي

نعيمه….ماشي خلاص مش زعلانه

فضل….طب هاتي بوسه

نعيمه….لا معنديش

فضل….بضحكه جميله ايه ده خلصوا ؟

نعيمه….اه خلصتهم كلهم

فضل…..مين بقي اللي خادهم ان شاء الله

نعيمه…..واحد رخم

فضل…..مين الرخم ده اللي معندوش دم اللي خد البوس بتاعي كله

نعيمه….بضحكه جنياه اسمو فضل تعرفوا

فضل….ياااااساتر ده بني ادم رخم صح

نعيمه…..شوفت بقي

فضل….بابتسامه طب قولي يا وحش ايه حوار رجلك اللي بتغير منها دي

نعيمه…..بابتسامه إحراج خليك مؤدب

فضل…..مؤدب ايه بقي انا لازم اجرب

نعيمه….بضحك هقفل في وشك

فضل……بابتسامه لا يا ستي خلاص قوليلي بقي هتنامي خلاص

نعيمه……انت فين الاول

فضل…..انا شويه و طالع

نعيمه…..هتتأخر يعني

فضل….لا نصايه كده

نعيمه…..ماشي

فضل….هتنامي

نعيمه…..اه مش قادره خلاص

فضل…..ماشي يا عمري يلا نامي و ارتاحي و بكره اول ما تصحي تتصلي عليا مفهوم و لا لا

نعيمه…..لا

فضل….بابتسامه ليه القساوه بس مش كفاؤه بقالك يومين مش بتكلميني وانا اللي بتصل

نعيمه…..خلاص هكلمك و خليها عليا

فضل….ماشي بحبك يا نوني

نعيمه…..وانا بحبك اوي

فضل…..تصبحي علي خير يا قلب فضل من جوه

نعيمه…..بحب و انت من اهل الخير.

فضل…..باي

نعيمه…..باي

……………….

وصل عسال تحت البيت المطر كان بيشد شويه اتصل علي نادين ڤديو

نادين…..ثبتت الموبايل و ردت بملامح متوتره الووووو

عسال…..ايه ياروحي ايه ده مالك انتي كويسه؟

نادين…..اااا اه بخير

عسال…..لا يا عمري مش كويسه مالك؟ حبيبي انتي المطر بيمطر عندك

نادين….اااااه كتير اوي

عسال……اممممم توقعت عشان كده بقي حبيبي خايف

نادين…..اااا لا اقصد بصراحه اه

عسال….اجيلك ؟

نادين…..بصت حواليها بتوتر اااا لا لا انا قفلت كل الشبابيك و قاعده في الاوضه بس صوت المطر عالي انا بس خايفه تعمل زي المره اللي فاتت

عسال…..لا يا حبيبي مش هيعمل زي المره اللي فاتت ده مطر عادي يا نودي و مفيش اي حاجه قالتها الارصاد هما قالوا شويه مطر في بعض الاماكن بس

نادين….اااا طيب ماشي

عسال…..حبيبي اجيلك

نادين….ااااا لا خلاص اطلع يلا

عسال….مش هطلع وانتي خايفه كده و بعدين انا قاعد بتكلم معاكي شويه ولا انتي عايزه تقفلي

نادين…..لا خليك متقفلش عشان خاطري

عسال….بابتسامه حنينه مش هقفل يا عمري مين جاب سيرة القفل بس انا بقولك لو انتي عايزه تقفلي

نادين…..لا انا اصلا كنت عايزه اكلمك اول ما المطر بقي جامد بس مرضتش عشان قولت اكيد سايق

عسال…..وانا خلاص معاكي يا روحي بقولك ايه بقي مش هتفرجيني علي الحاجه اللي جبتيها

نادين…..ااااا اه حاضر

كانت عماله تبص حواليها و مش مركزه معاه اوي و كل ما يزيد صوت المطر تبص جنبها

عسال…..حبيبي ركزي معايا انسي المطر خالص ويلا قومي فرجيني جيبتي ايه و قوليلي هتلبسي ايه بكره

نادين….اااا طيب لحظه

قامت نادين بهدوء قربت من الشنط اللي جابتها و فضلت تحطهم علي السرير و هي متوتره اوي

حط ميدو الموبايل في الحامل و عمل زووم و دور العربيه و طلع بيها و مكانش باين انه سايق عشان الكاميرا كانت قريبه من وشه و جسمه مش من الشباك.

عسال……ايه ده كله شكلك كده عملتي شوبينج

نادين…..ااااا انا جيبت حاجه لبكره و جيبت ليوم الاحد كمان ووووو

عسال…..بهدوء ابتسم و ايه خليكي معايا يا حبيبي

نادين….ووو جبت حجات عجبتني ليك

عسال….بابتسامه تجنن اوباااااا ليا انا

بصتلوا نادين و ابتسمت وهي بتهز راسها بحماس طفله

نادين….ايوه

عسال…..طب ايه مش هتفرجيني جيبتي ايه

نادين…..افرجك حاجتك و لا حاجتي

عسال…..اللي يعجبك خلينا في حاجتك الاوا

نادين….انا مكنتش عايزه افرجك يعني عيزاك تشوفهم عليا علي طول

عسال….امممم مفجأه يعني

نادين….بابتسامه اه مفجأه

عسال….طيب افرضي بقي القمر بتاعي جاب فستان كده ولا كده اعمل ايه وقتها في بنوتي

نادين…..يعني تقصد ايه

عسال…..اقصد يعني عريان شويه قصير شويتين ماسك اوي اوي

نادين….بابتسامه ااااا يعني بص هو

عسال….بضحكه جميله ايوه اعترفي شكل بنوتي القمر عايزه تتعاقب

نادين….بأبتسامه بريئه و عبيطه يعني لو في حاجه من التلاته اللي قولت عليهم دول هتعاقب

عسال…..اكيد لان بنتي حبيبتي المفروض عارفه خلاص تلبس ايه و تعمل ايه فا لو بقي هي نسيت او عملت نفسها ناسيه اكيد بابي هيعاقبها

نادين…..بصتلوا بنظره طفله و ابتسمت ببراءه تجنن ااااا طيب ايه هو العقاب ؟

عسال….امممم طيب ايه رأيك تقترحي عليا اصل بصراحه ولا مره فكرت اني اعاقب بنتي

نادين…..بابتسامه طيب اديك قولت اهو بنتك في حد يعاقب بنته

عسال…..اممم لو بنتي مسمعتش الكلام اكيد لازم يكون في عقاب و بما اني اب ديمقراطي فا انا هسيب بنوتي تختار عقابها بنفسها

نادين…..طيب و العقاب اللي هختاره ده قبل ما تشوف الفساتين ولا بعد

عسال…..اممممم لا قبل عشان بعد ما اشوف مترجعيش تغيري العقاب

ميدو كان بيحاول يلهيها و يخليها تركز معاه علي قد ما يقدر عشان تنسي الجو اللي بره ده خالص و فعلاً نجح لحد ما بدأ صوت الهواء بره يعمل صوت مرعب شويه ليها.

نادين…..بأبتسامه امممم طيب هقولك كام عقاب كده و بعدين هخليك تشوف الفساتين

عسال….وانا موافق ايه بقي الكام عقاب دول.

نادين….طيب الاول انت تقدر تزعل بنتك لو غلطت

عسال…..بنظره عشق تجنن مقدرش علي زعلها اصلا و هعاقبها وانا مضايق كمان

نادين….امممم طيب خلاص يبقي تاخدها في حضنك و تديها بوسه و تقولها متعمليش كده تاني

عسال….بضحكه جميله لا احنا كده بننصب بقي عشان ده مش عقاب

نادين…..بضحك هو مش انت لسه قايل متقدرش علي زعلها

عسال….بس كمان قولت لازم يبقي في عقاب عشان متكررش غلطها تاني

بصت نادين بسرعه ناحيه الشباك بخوف

نادين…..ميدو في صوت هواء بره جامد

عسال….حبيبي حبيبي

نادين….في صوت والله يا ميدو انا مش بهزر

عسال….عارف يا عمري بس عادي و لا تفكري فيه و بعدين هو مش انا معاكي و بكلمك ركزي معايا وانسي الصوت خالص و بعدين هو احنا مش اتفقنا لما يحصل اي حاجه تخوفنا منركزش و نغمض عنينا و نفكر في اي حاجه حلوه عايزين نعملها.

نادين…..الجو هيقلب طيب

عسال…..لا والله اصلاً مفيش غير مطر يعني لا في برق ولا رعد

نادين….بس في هواء جامد و عامل صوت في الشباك

عسال…..متركزيش معاه و علي فكره نخلص بس من اليومين اللي احنا مشغولين فيهم دول ولازم نروح لدكتور زي ما قولتلك قبل كده

نادين…..اااا لا خلاص انا كويسه مش خايفه

عسال…..طيب ركزي معايا و فين بقي الفساتين يلا عشان اشوف العقاب بتاعك هينفع معاهم و لا نشوف عقاب تاني اقوي

نادين…..حاضر

بصت نادين علي الشباك و هي ماسكه الشنطه

عسال…..يلا يا حبيبي فرجيني

نادين….ااااا طيب ده الفستان اللي هلبسوا بكره في خطوبه سلمي و ايه

رفعت الفستان قدام الكاميرا و هي عماله تحرك ايديها بتوتر

عسال…..هو انا شايف ان لونه أورنچ و واضح انه قصير بس مش شايفه اوي

نادين…..اااا هو مش اورنچ اوي يعني الكاميرا مش ظابطه اللون ااااا بس هو

عسال…..حبيبي ركز معايا

نادين….هو قصير بصراحه بص هو انت مس هتعرف تشوف في الكاميرا اوي لانه ظاهر انه صغير جداً

عسال….اممممم طيب ايه رأيك تقومي تقيسيه عليكي

نادين….بابتسامه لا مش هينفع كده انت هتبقي شوفته و مش هتبقي مفجأه

عسال…..لا هتبقي مفجأه لان لسه في ميك اب و تظبطي شعرك يعني هيظهر اكتر و بعدين خلينا نتفق اتفاق انا هشوف اي حاجه هتلبسيها من غير مفجأه إلا فستان كتب الكتاب بتاعنا ده بقي مسموح تفاجئيني بيه قولتي ايه

كانت باصه علي الشباك و سرحانه

عسال……حبيبي قولت ايه

نادين….حاضر ميدو الصوت والله يخوف.

عسال…..طيب اقنعيني حتي لو الصوت يخوف مش انتي قافله عليكي هيعمل ايه صوت الهواء فيكي بس ده هواء عادي

نادين….ااااا طيب انت عايز ايه بقي

عسال…..عايزك تلبسي الفستان و اشوفه عليكي و بقولك ايه اقفلي و خمس دقايق واكلمك تاني تكوني لبستي

نادين….رايح فين

عسال…..ماما بتتصل و غالباً قلقانه عشان الجو هطمنها وارجع

نادين…..ميدووووو

عسال…..ايه ايه في ايه ؟

نادين….خليك معايا عشان خاطري انا حاسه ان الشباك هيتكسر والله

عسال…..طيب اهدي انا معاكي مفيش حاجه هتتكسر

نادين….ميدوو

عسال…..ايوه يا عمري

نادين…اااا ايمي بتتصل طيب بص كلم طنط طمنها حرام و انا هشوف ايمي بس عشان خاطري كلمني بسرعه

عسال…..حاضر ثواني بالظبط و هتصل عليكي اوك

نادين…..اوك باي

عسال….باي يا عمري

قفلت معاه و ردت علي ايمي.

نادين….الوووو

ايمي….اهلاً بالقمر كنت هقفل قولت احسن تكوني نايمه

نادين….لا ميدو كان معايا عالخط

ايمي…..ايووووه يا عم قولي كده بقي حبيب القلب معاكي

نادين….ايمي

ايمي….نعم يا نودي

نادين….انا خايفه

ايمي….بأبتسامه عارفه و عشان كده كلمتك انكشك متخافيش يا قلبي الدنيا زي الفل يا بت طب انا راضيه ذمتك في حد في الدنيا يخاف من اجواء الشتاء والمطر طب انا عابزه اقولك اني لما سيبتكم روحت علي المطعم و قاعده مستنيه رشيد كمان عشان الجو الرومانسي يكمل.

ابتسمت نادين بهدوء.

نادين…انا مش خايفه من المطر بس في هواء جامد بره و عامل صوت في الشبابيك حاسه انه هيتكسر زي ما حصل في دهب

ايمي….دهب ايه هو انتي هتجيبي اللي حصل ده لشويه المطر و الهواء دول دي كانت كارثه يا نودي انما هي دي اجواء الشتاء الطبيعيه انسي الكام يوم اللي فاتوا دول و بعدين انتي عندك في التجمع الجو فظيع اصلا يعني متقلقيش يا بت بقولك انا لسه مروحتش يعني صايعه في الشارع و بعدين لو في حاجه هتلاقيني عندك ماشي

نادين….بابتسامه ماشي

ايمي….متخافيش بقي انا صاحيه و سهرانه معاكي يعني انتي مش لوحدك

نادين….ربنا يخليكي ليا بحبك يا ايمي

ايمي….وانا بموت فيك يا صغنن انت

نادين….بابتسامه بقواك ايه ليله كمان بتتصل

ايمي….بضحك ما طبعاً الام الحنونه التانيه اكيد عارفه انك مرعوبه يلا روحي طمنيها عليكي و اجمدي يابت

نادين….حاضر باي يا ايمي

ايمي….باي يا قلبي

قفلت معاها و ردت علي ليله.

نادين…..ايوه يا ليله.

ليله….بترغي مع مين

نادين…..دي كانت ايمي بتطمن عليا

ليله…امممم طيب زي ما توقعت صوتك خايف بقولك ايه البت نوني شكلها نام هقوم البس و اجيلك و هبات معاكي اتفقنا

نادين….لا لا خليكي متجيش الجو تحت وحش اوي انا كويسه متخافيش

ليله….كويسه ايه صوتك مرعوب

نادين…..متخافيش والله انا بس متوتره شويه من الهواء بس تمام و بعدين ميدو كام بيكلمني قبل ايمي بس قفل يرد علي مامته و قالي هيكلمني تاني و يفضل معايا شويه لحد ما انام

ليله…..يعني مش عيزاني اجيلك؟

نادين….لا متنزليش في الوقت ده و في المطر

ليله….يابت ملكيش دعوه بيا ما انا هركب العربيه وانزل قدام بيتك عشر دقايق و هكون عندك

نادين….لا لا متخافيش انا كويسه والله

ليله….طيب بصي لو حسيتي انك خايفه او متوتره كلميني انا لسه صاحيه برغي انا و البلطجي شويه و لو الجو زاد هتلاقيني عندك اتفقنا

نادين….اتفقنا يا لولي

ليله….بضحك ماشاء الله سلمي و ايه كعبهم محني يومهم باين من الاول

نادين….بضحكه هاديه حرام عليكي و الله هيبقي يومهم حلو

ليله….بضحك ان شاء الله يا قلبي و متخافيش يابت عيب عليكي تخافي و انا جنبك

نادين…..ربنا يخليكي انتي و البنات ليا و ما يحرمني منكم ابداً

ليله….و يخليكي ليا يا احلي نودي يلا روحي كلمي ميدو و خليكي معاه شويه و الوقت تلاقي الجو ظبط

نادين…..ماشي يا قلبي

ليله….نودي انا صاحيه معاكي لو ميدو قفل كلميني هفضل معاكي لحد ما تنامي ماشي

نادين…..بحبك يا لولي

ليله…بأبتسامه و انا بموت فيكي يلا روحي لميدو و لو في حاجه كلميني

نادين….حاضر باي يا عمري

ليله…..سلام يا حبيبي.

…………

عسال…..ماشي يا حبيبتي متقلقيش زي ما قولتلك هخلص مشواري و ممكن اتأخر شويه متقلقيش و سلامه شويه و هتلاقيه عندك هيخلص بس اللي وراه و يرجع

حنان….طيب يا حبيبي خد بالك من نفسك يا ميدو

عسال….حاضر يا ماما

حنان…..هتصل انا الوقت علي اخوك ربنا يحفظكم و يحميكم

عسال…..بابتسامه و يخليكي لينا يا ست الكل يلا سلام يا حبيبتي

حنان….سلام يا حبيبي.

قفل ميدو و كان وصل تحت بيت نادين المطر كان كتير و الشجر عمال رايح جاي من الهواء حط علي راسه الزنط بتاع السويت شيرت و حاجته

ونزل بسرعه علي مدخل البيت فتح الاسانسير و طلع علي فوق

نادين كانت قاعده في اوضتها مستنياه يتصل كلام صحابها و محاولتهم في انهم يطمنوها خلاها هديت شويه بس كانت بردوا متوتره

و فجأه رن موبايلها لقت ميدو بيتصل عليها ردت بسرعه.

نادين…..الووو

عسال……حبيبي اتأخرت عليكي

نادين….لا انا رديت علي ايمي و ليله بس استنيتك تخلص مع طنط

عسال….وانا خلصت خلاص انتي يا فين يا عمري

نادين….انا في الاوضه انت ليه مش متصل ڤديو

عسال….بقولك ايه اطلعي بره الاوضه وانا معاكي كده

نادين….اروح فين مش عايزه اقعد بره

عسال….طيب اخرجي بس هقولك

نادين….حاضر خليك معايا

عسال….معاكي

فتحت نادين الباب و خرجت

نادين….انا بره

عسال….طيب قربي من الباب يا حبيبي بتاع الشقه

نادين…..قفلت والله متقلقش

عسال….طيب قرب يا حبيبي

نادين….ااااا قرب اهو

عسال….طيب افتحي بقي

سكتت ثواني و ابتسمت بهدوء و بسرعه فتحت الباب لما حست انها سامعه صوته اول ما شافته اتصدمت ابتسم عسال ابتسامه تجنننننن

وبسرعه و من غير اي تفكير ضمتوا نادين بكل قوتها ضمها عسال بحب و حضن راسها وقربها من صدره

عسال…..ايه لسه خايفه

بعدت عنه بتوتر و ابتسامه سعاده تجنن

نادين….انت جيت امته و ازاي اصلا انا كنت اسه قافله معاك

عسال….بأبتسامه دخل و قفل وراه انا كنت سايق اصلا و انا معاكي بس انتي بقي كنتي مركزه مع الصوت اللي بره و مش مركزه اني سايق

نادين……يعني انت كنت جاي و انا بكلمك

عسال….اه مقدرتش اشوفك خايفه

ابتسمت نادين بهدوء و فضلت بصاله

عسال…..بابتسامه ايه مالك

نادين….انا بحبك اوي

عسال….بضحكه جمياه ضمها و انا بموت فيكي يا احلي بنوته في الدنيا

نادين….بابتسامه غمضت عينها وسندت ايدها علي صدره شكلك حلو وانت لابس السويت شيرت

عسال…..بجد

نادين….رفعت وشها وبصتلوا بجد

عسال…..بحب انتي اللي زي القمر باسها من خدها بحبك يا توتيتي

ابتسمت و بعدت عنه بتوتر بسيط

نادين….اااااا تشرب ايه انت اكيد بردان صح

عسال….مش بردان بس ممكن انا اروح اعمل حاجه نشربها لحد بقي ما تروحي انتي تلبسي الفساتين و تيجي تفرجيني عليهم

نادين….بضحكه جميله امممم قول بقي انك جاي تشوف الفساتين بنفسك

عسال…..بأبتسامه هو انا جاي اصلا عشان متبقيش لوحدك بس مش هكدب لو قولت عايز اشوفهم عليكي علي الاقل لو حسيت مثلاً انهم قصيرين ضيقين اوي عريانين شويه يبقي العقاب وش لوش و حقيقي

ابتسمت نادين بصدمه و بصتلوا

عسال…اممممم هو انتي قولتي العقاب بوسه و حضن و ايه كمان ااااه و اقول لبنوتي القمر متعمليش كده تاني

نادين….بضحكه تجنن و احراج بان علي ملامحها لا استني ده كان عقاب في الموبايل انا هغير العقاب خلاص

عسال….لاااااا انا قولالك تقولي العقاب قبل ما اشوف الفساتين عشان مترجعيش تنصبي و تغيري العقاب و انا اعتمدت العقاب خلاص

نادين….بضحك وانا مش عايزه العقاب ده

عسال….والله انتي اللي اختارتيه و بصراحه عجبني و مش هتنازل عنه يلا علي الاوضه روحي البسي و انا هروح اعمل نسكافيه تشربي ايه ايس كوفي اكيد

نادين….بابتسامه ماشي

عسال…..علي جوه

نادين…..حاضر

ابتسم عسال و هو باصص عليها و اول ما دخلت راح علي المطبخ

……………

عند ايمي بعد ما قفلت مع نادين قعدت علي كرسي مكتبها و ولعت سيجاره المكعم تحت كان هادي و مكانش في حد خلاص مفيش غير كام شاب بينضفوا المكان عشان المفروض هيخلصوا و يقفلوا و يمشوا.

و في وسط ما هي قاعده فتح رشيد الباب عليها بابتسامه تجنن و دخل يتكلم علي طول

رشيد…..طيب انا اعمل فيكي ايه الوقت يعني المفروض بعد يوم طويل و مرمطه مع العمال اروح ارتاح بس لا استاذه ايمي عايزه تشوفني بس كله يهون عشان العيون الحلوه دي اشوفها قبل ما انام

ايمي…..بابتسامه اااااه الشويتين دول كنت بعملهم لما اكون عامله مصيبه و ادخل علي زوزو او حماده يعني نظام خدوهم بالصوت قبل ما يغلبوكم ده عارفه

ابتسم رشيد و قرب باسها من خدها بهدوء

رشيد….و حشتيني من الصبح

ايمي….بابتسامه وانت كمان وحشتني بس انت هتقعد هنا و مش عايزه اسمع صوتك عشان انا عندي كلام كتير لازم اقوله و انت لازم تسمعه و تنفذه

رشيد….بس كده مفهوم يا افندم تحبي اقعد فين

ايمي…..تقعد هنا علي الكرسي

رشيد….طيب ما تخليها علي الكنبه لاني مش قادر و جسمي مكسر

ايمي….ماشي اقعد زي ما انت عايز

راح رشيد قعد و هي راحت وقفت قدامه

ايمي….امممم جاهز تسمع

رشيد….طبعاً يا سلام اكيد جاهز بس ممكن تقعدي جنبي بلاش احس اني متعاقب كده

ايمي….ما انت فعلاً لو مسمعتش الكلام هتبقي متعاقب

رشيد….لا انا تلميذ شاطر و هيسمع الكلام اقعدي بقي جنبي

سند ضهره علي ايد الكنبه و قعد بالجنب بصلها وقعدها قدامه

رشيد….ممكن اولع سيجاره

ايمي….بابتسامه ممكن

رشيد….يا سلااااام علي حنيه قلبك

ايمي…..علي فكره انا مضايقه منك وبلاش تعصبني

رشيد…..طيب انا هسكت خالص و قولي اللي عندك مع اني جاي وعارف انتي عايزه ايه بس هسكت

ايمي….وانا عارفه انك عارف و مدخلتش عليا دخلتك دي و اسكت بقي و اسمعني

نفخ الدخان و هو مبتسم بحب

رشيد….يلا سامعك

ايمي….انا عندي 42 سنه بشتغل و انا عندي 18 سنه يعني تقريباً اكتر من نص عمري في الشغل و تقدر اقول كده اني بقيت سيده اعمال او بالبلدي كده بقيت بنت سوق و من خبرتي الكبيره في الشغل السنين دي كلها اقدر ابص علي اي مبلغ اعرف تقريبياً كده هو قد ايه

رشيد…..حلو جداً

ايمي….اسكت خالص قولتلك مسمعش صوتك

رشيد….بضحك حاضر

ايمي…..الوقت انا معرفش المبلغ اللي كان في البوكس كام بس من خبرتي يعني اقدر اقول انه مش اكتر من 300 الف

رشيد….بابتسامه لا ده انتي طلعتي بنت سوق بجد هما حقيقي 300 الف جبتيها ازاي دي ده انا معرفش اجيبها مظبوطه كده

ايمي…..بابتسامه رفعت حاجبها عيب عليك و قولتلك متتكلمش علي فكره

رشيد….بضحكه تجنن طيب هو انا ممكن امسك بس ايدك

ايمي…..بابتسامه جميله اتفضل

مسك رشيد كفها و قام عدل نفسه باس كفها و سابها تكمل كلامها.

ايمي…..الوقت انت قولتلي ان المبلغ اللي في البوكس نصه في الكارد ده معناه ان المبلغ كله علي بعضه 600 ألف بس ده مش صح المبلغ اللي في الحساب لوحده 700 الف غير اللي في البوكس يعني مليون جنيه انت مستوعب

رشيد….بحب ايه قليلين علي القمر

ايمي….رشيد انا بتكلم جد و متعصبنيش

رشيد….بضحك الله انا عنلت ايه انا بسألك بس

ايمي….طيب بص يا رشيد اولاً انا رافضه اصلاً موضوع المهر ده خالص لاسباب كتير اوي هقولك اهم سبب فيهم و هو ان اللي بيني و بينك المفروض انه تخطي حاجز الماديات بينا المفروض ان انا و انت واحد انا مش لسه بنت مراهقه او دي اول جوازه ليا عشان تعمل كده ثانياً انت عارف كويس ان اخر حاجه ممكن افكر فيها هي الفلوس ثالثاً و ده الاهم لو ده اثبات منك علي حبك ليا فا انا مش محتاجه الاثبات ده و اهم حاجه بالنسبالي انك كنت قد كلمتك معايا لما قولتلك قداك المل لاول مره اني معحبه بيك و حبيتك كنت صادقه و كنت مبسوطه انك قبل كلامي و بادلتني نفس الشعور و مع الوقت قولتلي انك عايز تكون معايا و نتجوز و فعلاً عملت اللي قولت عليه و خلاص ايام بسيطه و هنبقي مع بعض و هبقي في بيتك يعني انا بالنسبالي اهم حاجه انك كنت جد معايا و كنت قد كلمتك و كنت راجل و انا مش محتاجه اكتر من كده بس بما اننا هنبقي شركاء في حياه طويله و هنبقي واحد مش اتنين انا ابقي قليه الاصل و معنديش دم لو فكرت اخد الفلوس دي و بردوا لاسباب كتير

اولاً لما نتحوز انا هكون مسؤوله منك و متقلقش مش معني اني مكفيه نفسي اني هعفيك من مسؤوليتك تجاهي كا راجل انا هطلب منك اي حاجه احتاجها ودي عمرها ما حصلت قبل كده لاني مش بقدر اطلب حاجه من حد و طول عمري معتمده علي نفسي و موضوع اني اطلب من حد حاجه ده تقيل علي قلبي جداً بس معاك هكسر القاعده دي لاني بحبك و لاني عيزاك تكون مبسوط ثانياً لاننا هنبقي واحد

يعني انا مش محتاجه حقيقي الفلوس دي و يوم ما احس اني محتاجه اكيد هقولك بس حالياً الوضع مش احسن حاجه انت محتاج كل مبلغ مش عشان انت اللب محتاج بس عشان لو شغلكم وقف علي مبلغ بسيط انت متعطلش و مش هبقي مبسوطه و انا شيفاك بتعمل كل حاجه عشان تخليني مبسوطه و انت مضغوط بس كمان هقولك حل يرضيني و يرضيك

رشيد….بأبتسامه باسها من خدها قولي سامعك

ايمي….انا عشان انت متزعلش انا موافقه اخد الفلوس اللي في البوكس اوك بس الكارد انا مش عيزاه و هقولك حاجه احلي

رشيد….بحب باس خدها تاني احلي من كده

ايمي….ابتسمت و ضحكت غصب عنها ممكن تركز معايا

رشيد….ما انا مركز اهو

ايمي….بضحك لا انت كده مش مركز معايا انت مركز في حاجه تانيه

رشيد…طيب ما تسيبك من الكلام ده وركزي انتي معايا

ايمي…بضحكه تجنن زقته بعيد عنها لا مش هركز معاك و خد كلامي جد شويه

رشيد….بضحك والله سامعك و واخد كلامك جد ملكيش دعوه بقي باللي بعملوا

ايمي…..لا خليك مؤدب

رشيد….هو انتي عابزه مني ايه انا بسمعك سبيني اسمع بطريقتي بقولك ايه روحي كده لاخر الكنبه

ايمي…..رشيد هزعلك علي فكره بطل دلع شويه و شغل عيال صغيره

رشيد….والله معاكي يا عمري بس انا مش قادر و مصدع و جسمي تعبان ابعدي بس كده شويه

بعدت ايمي علي ايد الكنبه التانيه راح رشيد عليها سند راسه علي ايد الكنبه و فرد جسمه علي باقي الكنبه و حط رجليه فوق بعض علي ايد الكنبه التانيه و ضهره كان فوق رجلها

بصلها بهدوء وابتسم

رشيد….يلا كملي يا عمري انا سامعك

ايمي….بضحكه تجنن ده ايه ده بقي ان شاء الله

رشيد….ايه كنت بقعد عدل عشان اعرف اسمعك

ايمي….وانت كده قاعد عدل

رشيد…..بنظره تجنن اه و مرتاح اوي

ايمي….بس انا مش مرتاحه و مش هعرف اركز

رشيد….بضحك وده المطلوب مش عارف اسكتك ازاي بصراحه ملاقتش غير الحل ده

ايمي….اااا يعني انت عايز تخليني مركزش وابقي متوتره طيب انا هكمل و مش هركز معاك

رشيد….ماشي كملي مسك كفها و حطه علي شفايفه و فضل يبوس فيه

ايمي…..انا مش هعيد و ازيد في كلامي يا رشيد و من الاخر كده انا مش هاخد الفلوس دي و الحل التاني لو انت يعني هتعترض اعتبرهم يا سيدي دين عليك خدهم و لما نتجوز و تكمل شغلك و ميبقاش وراك اي مسؤوليه ابقي رجعهم براحتك و ليك عليا مش هرفض يعني هعتبرهم سلف او اقولك شغلهم معاك بطريقتك ولما احتاج فلوس هقولك.

رشيد….امممم وايه تاني

ايمي….مفيش انت بقي اختار الحل اللي يرضيك يا تاخدهم خالص لاني مش عيزاهم يا تاخدهم و تديهملي لما تخلص كل الضغط اللي عليك يا تاخدهم و تشغلهم يعني ابقي شريكتك في اي حاجه

رشيد….وهو مغمض عينه و بيبوس كفها و ايه تاني

ايمي…..بضحك علي فكره هزعلك بجد

رشيد…الله بسمعك اهو

ايمي…..و انا خلصت كلامي

رشيد…..اكيد

ايمي….اه اكيد

رشيد…يعني هو ده بقي الموضوع المهم اللي جيباني عشانه

ايمي….ايه شايف انه موضوع تافهه

رشيد…خلصتي كلامك و لا لسه عندك حاجه تقوليها

ايمي….خلصت و مستنيه ردك

رشيد…..بس ردي انتي عرفاه كويس و انا سايبك تتكلمي و تحرقي و تطلعي كل اللي في قلبك بس بما انه طلع اسكتي بقي شويه و هاتي ايدك كده بس تحت راسي

ايمي…..بضحك ده ايه التنفيض اللي عيني عينك ده انت مش هترد علي كلامي ولا أيه

رشيد….انا !! لأ مين قال كده بس هرد استني بس هاتي يلا ايدك

ايمي….اممممم شكل كده يومنا طويل هو انت مش هتروح

رشيد….ايه عيزاني امشي

ايمي…لا بس شكلك تعبان

رشيد….بس عابز اقعد معاكي شويه

ايمي….طيب اديني عشر دقايق و هرجعلك

رشيد….هتروحي فين

ايمي….هشوف الشباب لو خلصوا يمشوا بدل ما يفضلوا قاعدين مستنين حرام بس قولي عايز تاكل حاجه

رشيد….لا انا شبعان عايز اشرب بس

ايمي….طيب مش عابز حاجه تشربها

رشيد…..لو كوبايه شاي يبقي تمام اوي بس اوعي تتأخري عليا احسن اسرح و انام

ايمي….مش هتأخر و اوعي تنام لسه مخلصناش كلامنا

رشيد….لا تعالي بسرعه عشان عندي كلام كتير

ايمي….بابتسامه ماشي

قام رشيد قعد و هي قامت و بصتلوا

ايمي….امسك موبايلك شويه عشان متنامش

رشيد…حاضر

…………..

عند نادين و عسال.

خرجت بره تشوفوا كان واقف في المطبخ بيعملها الايس كوفي قربت وهي لابسه فستان أصفر شكله يجنن قصير و ليه حملات رفيعه و واخد شكل جسمها.

نادين….بهدوء انا جيت

رفع راسه وبصلها كانت تجنن مع انها لا حاطه ميك اب ولا مظبطه شعرها و رجليها فيها شبشب بيتي و ايدها وراء ضهرها ماسكه الفستان

نادين….بابتسامه ايه بتبصلي كده ليه .

عسال….لفي ضهرك كده

نادين…..ااااا لا ماهو مش هينفع

عسال…اااااه يبقي الضهر رايح في داهيه

نادين….بضحكه جميله لا والله بس مس عارف اقفل السوسته و مسكاه بأيدي

عسال….طب قربي اقفلهالك

نادين…ااااا لا هو حلو كده هروح بقي البس التاني

عسال….استني هنا هو انتي فاكره اني موافق علي الفستان ده

نادين…لا بص مفيش وقت ده بكره الخطوبه

عسال…..وايه المشكله

نادين….قربت كام خطوه و وقفت قدامه و كان فاصل بينهم البار يعني ايه مفيش مشكله بقولك بكره يعني مش هلحق

ربع ايده علي البار و قرب وشه اكتر منها ابتسمت وبعدت خطوه لوراء.

عسال….بسيطه يبقي تلبسي الفستان التاني اللي كنتي هتحضري بيه خطوبه ليله و نعيمه و بعد بكره قبل خطوبتهم نروح نجيب واحد جديد

ابتسمت نادين و رفعت عينها لفوق

عسال….بضحكه جميله اااااااه ده شكل التاني انيل من ده

نادين….بضحك لا مش بالظبط يعني بس

عسال…..تعالي قربي تعالي هقولك حاجه

نادين…لا مش هقرب

عسال….خدي هنا متخافيش

نادين….بتوتر اااا لا انا راحه اغير

فضلت تمشي بضهرها لحد ما بعدت عنه و جريت علي اوضتها ضحك عليها وكمل اللي بيعملوا

غابت ثواني و خرجت بفسان لونه
بنفسجي غامق بس يجنن قصير و فيه سبعه من الصدر و الحمالات بتاعته علي اخر الكتف اول نا شافها اتصدم و قلبه فضل يدق جامد اللون عليها كان رهيب و الفستان يقتل بجد بس كان ملفت جداً

عسال….بابتسامه ايه ده

نادين….بأبتسامه اتوترت ووشها احمرت من نظراته اللي كانت بتاكلها ااااا ايه

خرج بره المطبخ وراح عليها فضلت تمشي بهدوء علي وراء

عسال…..اقفي مكانك

نادين…..اااا ميدو السوسته مش عارفه اقفلها

عسال…..اقفي طيب

وقفت و فضلت تبصله وتبعد عينها بتوتر وقف قصادها و لفها بهدوء كانت مخشبه جسمها في الاول بس لفها غمضت عينها

مد ايده قفلها السوسته ورجعها تاني تبصلوا نزلت عينها لتحت

عسال…..نادين هو انتي بجد هتلبسي ده

نادين….بتوتر اااا وحش

عسال…..حلو و حلو اوي كمان بس مش هينفع يا عمري

نادين….بس مفيش وقت

عسال…..هنجيب احنا الوقت و هفضل معاكي لحد ما نجيب لا ده ينفع ولا ده ينفع

نادين….ميدو انت شايف الجو عامل ازاي بره و بكره مش هنلحق خالص و حياتي وافق بقي

عسال….بأبتسامه ياروحي مش هقدر شكلك ملفت و اللي هيشوفك هياكلك بعينه

نادين….بابتسامه وحياتي

ابتسم بهدوء و ضمها ليه و كمل بهمس

عسال…..هتلبسي الاصفر بكره و ده هيبقي غصب عني علي فكره بس هوافق عشانك بس اللي انتي لبساه ده مستحيل حد يشوفك بيه غيري انا بس انتي سامعه

ابتسمت نادين وهي في حضنه و هزت راسها

عسال…..باس راسها يلا روحي غيري الفستان ده بسرعه

نادين….اااا طيب السوسته

مد ايده وهي في حضنه فتحها بهدوء و الموقف في الوقت ده هما الاتنين مكانوش يتحسدوا عليه كل واحد فيهم مغمض عينه و بيحاول يسيطر علي مشاعره

عسال….بهمس امسكي الفستان وعلي الاوضه بسرعه

رفعت عينها بهدوء و هي وشها احمر و بصتلوا

عسال…..بسرعه ادخلي غيري

نادين….بهدوء حاضر

سابها وراح علي المطبخ و هي جريت علي الاوضه

…………….

اما بقي عند ليله و عشري الموضوع كان مختلف

حست ليله انه اتأخر عليها اوي كانت حاسه انها هتنام و في نفس الوقت هتموت من الجوع فا قررت تتصل تشوفوا و تكلموا عشان تضيع معاه وقت و تنام علي طول و متحسش بالجوع.

عشري…..وحشتيني

ليله…..انت فين كل ده و مين ده اللي قابلتوا ان شاء الله واصلاً انا عايزه اعرف انت فين في الجو ده

عشري…..بابتسامه ايه كل الاسئله دي

ليله…..عايزه اعرف بتصيع فين يا بلطجي

عشري…..بقولك ايه هو انتي فين ؟

ليله…..فين يعني ايه ؟ هكون فين يعني في البيت يا عشري و في اوضتي

عشري…..بابتسامه تجنن طيب كلتي؟

ليله….امممم قولتلك لا مش هاكل انا الاكل ده

عشري….طيب قومي انزلي

ليله….انزل ! اروح فين ؟

عشري….انزلي من البيت

ليله…..باستغراب اجيب اكل يعني لا خلاص مش عايزه والجو وحش اوي و اصلا مش هلاقي حاجه اجيبها

عشري….انزلي تحت انا مستنيكي

ليله…..بصدمه ابتسمت و قامت بسرعه من علي السرير جريت علي بلكونه اوضتها لمحت عربيتها تحت

يا مجنوووووون انت تحت بجد

عشري….بابتسامه هتفضلي مصدومه كده هطلعلك

ليله….اااااا طيب اااا انت ليه مقولتليش عشان البس

عشري…..انزلي زي ما انتي كده يلا بسرعه

ليله….بابتسامه انزل بلبس البيت

عشري…..بنبره هاديه و تجنن بيتهيألي يعني الجو برد و اكيد مش لابسه حاجه عريانه اه انزلي كده زي ما انتي و بسرعه و هاتي معاكي مفتاح العربيه بتاعتي

ليله….اااااا طيب طيب انا جايه حالاً

عشري…..بضحكه جميله اهدي يا مجنونه و علي مهلك

ليله…اااا انت وترتني علي فكره استني متقفلش خليك معايا

عشري…..معاكي يا عمري

ليله….ادي المفتاح اهو

عشري….متنسيش مفتاح الشقه

ليله….اه اه صح خدت مفتاح الشقه و جريت علي الاسانسير علي فكره الشبكه ممكن تقطع

عشري….طيب اقفلي و انا مستنيكي

قفلت ليله و ركبت الاسانسير كانت لابسه سلوبيت لونه رصاصي و الكاب بتاعه ليه ودان علي شكل دبدوب و في رجلها لكلوك رماضي في ابيض غلي شكل دبدوب و علي الصدر ليه سوسته كام شكلها كيوت وفي نفس الوقت جذاب

نزل من العربيه وراح وقفلها قدام المدخل جنب عربيته وبص عليها المطر كان شغال بره في الشارع

فتحت باب الاسانسير و اول ما شافته وقفت ثواني و هي مبسوطه و بتضحك اول ما شافها ضحك علي شكلها

عشري…..بابتسامه ايه القمر ده

جريت ليله عليه وضمته من رقبته بكل قوتها حضنها بأيد واحده ورفعها حاجه بسيطه عن الارض و هي رافعه رجلها

ليله…..وحشتني يا مجنون

عشري….بضحكه تجنن انزلي يا مجنونه و سيبي رقبتي

ليله….انت هنا ازاي و بتعمل ايه انت مش قولت انك في مشوار

عشري….طيب تعالي بس فين مفتاح العربيه

ليله…اهو

خدوا منها و فتح الباب بالريموت و ركبها وقفل الباب وراح علي عربيتها خد منها شنطه أكل و كان معاه صندوق كرتون حطهم فوق سقف عربيتها وقفل العربيه و راح فتح الكنبه وراء حط الصندوق و ركب بسرعه بشنطه الاكل كان غرقان مايه.

عشري….بابتسامه تجنن قوليلي بقي تحبي تاخدي حاجتك و تطلعي و لا عايزه تروحي مكان و لا نفضل واقفين

ليله…..هو ايه ده اصلاً

عشري….ده الاكل يا ستي اللي كنتي عيزاه و اللي وراء دي مانجه كلي فيها براحتك لحد ما تشبعي

حطت ايدها الاتنين علي وشها وهي بتضحك فضل باصصلها بحب و مبتسم

عشري…..مالك يا مجنونه

نزلت ايدها وابتسمت ليه بحب و بعدين قربت منه ولفت ايدها علي رقبته ودفنت وشها في رقبته

ليله…..انا بحبك اوي يا عشري

عشري….وانا بموت فيكي يا قلب يا عشري من جوه

بعدت ثواني وهي لسه مبتسمه و مش مستوعبه

عشري….بابتسامه هتفضلي بصالي كده كتير يلا قولي هتعملي ايه هتاخدي الحاجه و تطلعي تاكلي

ليله….اممم لا نعيمه نايمه و انا مش هعرف اكل لوحدي هناكل مع بعض

عشري….بس انا مش جعان يا عمري كلت كتير انا جايب ليكي انتي

ليله…..مليش دعوه هقعد معاك خلاص

عشري….يبقي تقعدي و تاكلي كل اكلك قرب ايده من صدرها و اقفلي السوسته دي شويه انتي ازاي نازله كده

ليله….بابتسامه انا مالي انت معرفتنيش و قولتلي انزلي زي ما انتي وبعدين ده سلوبيت و عليه دبدوب

عشري…..بس مسخره و يجنن و لو اعرف انك هتبقي حلوه كده كنت استنيتك تغيري بس مش مهم

ليله….اصلا مش هينفع نروح مكان انا لابسه في رجلي لكلوك

عشري….بضحكه جميله يبقي هنفضل في العربيه خلينا نلف شويه و انتي يلا طلعي الاكل وكلي

ليله…..هو انت جاي مخصوص عشان تجيبلي الاكل ولا كان عندك مشوار

عشري…..بنظره تجنن لا مشوار ولا حاجه يا مغلباني لما كلمتيني اصلاً انا كنت بقفل الكافيه و هطلع بس لما عرفت انك جعانه و مش هتاكلي حاجه من البيت قولت اجيلك و كمان قولتي نفسك في المانجه

ليله…بابتسامه انت ازاي اصلا جيبتها

عشري…لما قولتيلي كنت اصلا لسه في المخزن و بشيك علي النواقص و احنا عندنا مانجه كتير خدتلك كرتون و علي فكره هي مش متجمده هي بتتحفظ كده بطريقه معينه في المخزن هو كله تلاجات بس بتحفظ مش بتجمد

ليله…..بضحك سرقت المخزن يا بلطجي

عشري….بضحك اه سرقتوا عشانك عايزك تاكلي بقي لحد ما تشبعي

ليله….طيب مين الراجل اللي قابلتوا واتاخرت معاه كل ده

عشري…..انا لا قابلت راجل ولا حاجه انا قفلت معاكي عشان ادخل اجيبلك الاكل

ليله….انا بموت فيك

عشري…..انا اللي بموت فيكي و يلا بقي طلعي الاكل هيبرد هاتي كده الشنطه دي

مسك الشنطه طلعلها الاكل و اداها الساندوتش في ايدها و طلع البطاطس حطوا قدامها علي التابلوه و حطلها الشاليموه في البيبسي و فتح الكاتشب و ظبطلها الاكل وهي بصاله و مبتسمه مسكت وشه بايدها وباسته بوسه طويله في خده

عشري….بضحك يابت براحه علي وشي

ليله….بحبك يا رخم

عشري…..طيب يلا عايز الاكل ده يخلص و امسكي مفاتيح عربيتك عشان منساش هي خلصت و رجعت زي ما كانت .

ليله…..ربنا ما يرحمني منك ابداً

ابتسم عشري و دور العربيه و طلع بيها و هي فضلت تاكل باستمتاع فظيع و كل شويه تاخد من البطاطس و تأكلوا

عشري….مش قادر

ليله….وحياتي

ابتسم وخدها منها و شغل اغاني و فضل يلف بيها في المطر و هي بتاكل و مبسوطه.

………………

عند ايمي و رشيد

طلعت ايمي كان قاعد رشيد ماسك الموبايل و عينه حمراء اوي

حطت الشاي علي التربيزه

ايمي….اتأخرت عليك

رشيد…اه اوي

ايمي….يا نصاب ده هما عشر دقايق
بس

رشيد….بردوا كتير المهم الشباب مشيوا

ايمي….اه مشيوا

رشيد….طيب تعالي اقعدي

قعدت ايمي و ولعت سيجاره خدها منها و حطها في شفايفه

ايمي….الله ايه الرخامه دي

رشيد….ولعي غيرها متبقيش انتي اللي رخمه

ولعت واحده تانيه و اول ما ولعتها رجع تاني سند راسه علي الايد بتاعت الكنبه و فرد جسمه وبعدين رفع نفسه مره تانيه وحط دراعها تحت راسها ونام في حضنها

ايمي….بابتسامه تجنن وبعدين في الدلع ده

رشيد….انا عملت ايه بس انا بنام

ايمي…..طيب ما تشرب الشاب و تمشي لان انا حاسه انك مش مظبوط و مرهق

رشيد….بص جنبه علي التربيزه طفي السيجاره و رجع ضمها و دفن وشها في صدرها انا تعبان اوي يا ايمي جسمي مكسر

ايمي….بابتسامه لمست خده بأيدها اللي تحت راسها وحطت ايدها التانيه علي وشه و باست راسه بحب و فضلت تلعب في شعره ايه تعبتك انا الفتره دي صح مش كان احسن لو عملنا كل ده براحتنا و مصممتش ان نتجوز بعد اسبوعين

رشيد….بهمس لا مش احسن انا عايز الوقت يجري عايز ابقي معاكي مش مهم التعب و السهر و المجهود و عشانك مستعد اتعب اكتر من كده كمان المهم تبقي معايا و جنبي

ابتسمت ايمي بحب و حطت السيجاره بين شافايفها خدت نفس طويل و نفخته بعيد عن نفسه ورجعت بصتلوا تاني بهدوء كان مغمض عينه

ايمي….حبيبي انت كده هتنام

رشيد….اممممم

ايمي….هو ايه اللي امممم يلا قوم روح لحسان

رشيد….لف ايده عليها اكتر خليني معاكي شويه

ايمي….وده ايه اسمه ده بقي هنتدلع

رشيد….فتح عينه بهدوء و ابتسم براحتي و اعملي حسابك لما نتجوز مش هنام غير كده

ايمي…..بضحكه جميله انا موافقه بس عيزاك تقوم الوقت لان لو نمت مش هتقدر تسوق يا قلبي

رشيد….خليكي شويه عشان خاطري

ايمي….حاضر طيب انا عايزه اطفي السيجاره ممكن تطفيها او قوم شويه

ضمها و دفن وشه بهدوء وهو بياخد نفس طويل

رشيد…..لا

ايمي….بضحك عيل بجد

كانت خاطه رجل علي رجل نزلت رجلها ومالت لقدام علي التربيزه تطفي السيجاره استغل الموقف و هو بيشمها بحب وباسها بوسه سريعه من رقبتها

ايمي…..بضحكه جميله رجعت تاني لوراء و بصتلوا وبعدين في قلة الادب هتقعد عاقل ولا اقومك

رشيد….بضحكه هاديه لا خلاص والله هبقي مؤدب

ابتسمت ايمي بحب وضمته لحضنها اكتر و فضلت تمشي ايدها علي شعره و فضلوا هما الاتنين ساكتين اكتر من ربع ساعه لحد ما نام في حضنها زي الطفل و ايده سابت

ايمي….رشيد رشيد حبيبي انت نمت

رشيد….همممم

ابتسمت ايمي وباسته من قورته وفضلت تمشي ايدها علي وشه

……………

عند نادين و عسال بعد ما فرجتوا علي الحاجه اللي جابتها ليه قعدت جنبه علي الكنبه

بص عسال عليها لقاها في سابع نومه ابتسم بحب وقام بهدوء من جنبها دخل اوضتها و فضل يبص حواليه بأبتسامه تجنن و بعدين خد غطاء و راح غطاها بهدوء و فضل يأكد علي كل حاجه في البيت الغاز و المايه و قفل الانوار و خرج بره علي الريسيبشن قفل الانوار و فتح نور التربيزه و بعدين رجع قرب منها و قعد قدامها علي ركبه فضل يمشي ايده علي شعرها بهدوء و بعدين باس كفها

عسال….بهمس بحبك يا نودي تصبحي علي خير يا عمري هسيبك وهمشي بس انا معاكي ديماً مش عايزك تخافي ابداً طول ما انا جنبك

نامي و ارتاحي و اشوفك بكره يا احلي بنوته في الدنيا قام بهدوء باس خدها بوسه هاديه و بعدين مشي بهدوء فتح الباب وخرج وقفل وراه بالمفتاح و مشي وفضلت هي نايمه في سابع نومه .

………………..

عند عشري و ليله بعد ما خلصوا لف و هي كلت ركن بهدوء و بصلها كانت نايمه جنبه في سابع نومه و كفها في كفه رفعه بهدوء و باسها بحب و فضل باصصلها شويه

عشري….بهمس اوعي يا ليله تبعدي عني انا من غيرك هموت سامحيني وحياتي و مهما زعلتي مني افتكري اني محبتش ولا هحب غيرك خليكي معايا و متفكريش غير في الحلو وبس مد ايده بهدوء رفع شعرها عن وشها.

عشري….ليله ليله لمس وشها بحنيه و مسك دقنها لولي

فتحت عبنها بهدوء و بصتلوا وابتسمت

عشري…..ينفع كده تنام و تسيبني يا قمر

ليله….بابتسامه احنا فين؟

عشري….قدام البيت رجعنا يا عمري يلا حبيبي عشان تطلعي تنامي

ليله…..اممممم لا خليك شويه

عشري…..الوقت اتاخر يا عمري لازم تطلعي و بعدين الجو برد عليكي

ليله….وحياتي شويه بس

نامت علي كتفه رفع ايده و ضمها وباس راسها بحب

عشري…..طيب بصي تعالي اطلعك و اوصلك بالكارتون ده مش هتعرفي تشيليه و أوعدك بكره نقعد شويه مع بعض بعد الخطوبه ماشي

ليله….لا

عشري…..حبيبي يلا ياماما اسمعي الكلام و بطلي دلع يا بت بدل ما اجيب شيطاني

ليله….بضحكه جميله وهي مغمضه هاتوا مش مهم

عشري….بضحك الله ده انتي بايعه القضيه بقي

ليله….خليك جنبي شويه متبقاش رخم

عشري…..انا جنبك يا عمري و بعدين كلها ايام بسيطه و ابقي معاكي علي طول يلا بقي اسمعي الكلام

ليله….اوووووف خلاص امشي

عشري….ايه ده بتتعصبي عليا

ليله…اه

عشري…..طب هاتي بوسه

ليله…..لا

عشري…..بوسه واحده

ليله…..مخصماك

عشري…..هصالحك

ابتسمت ليله وقربتلوا خدها

ابتسم بهدوء و لف وشها ليه و باسها بوسه خطف علي شفايفها ابتسمت وضمته بحب

عشري……يلا هنزل و لما افتحلك الباب تمشي بسرعه عشان متبرديش

ليله….حاضر

نزل عشري بسرعه خد الكارتون و راح عليها فتحلها الباب و خدها تحت الچاكت بتاعه بسرعه و راحوا علي الاسانسير ركبوا و طلعها لحد قدام باب الشقه فتحت و خدت منه الكارتون حطته علي جنب و رجعتلوا

ليله…..هتوحشني

عشري…..بكره هجيلك و اخدك مش هتروحي لوحدك

ليله…..ماشي اتفقنا

عشري….بحبك يا ليله

ليله….بتنهيده طويله و انا بحبك مسكت وشه بأيدها و بسرعه خطفت منه بوسه وضمته

ابتسم بهدوء و طبطب علي ضهرها

عشري…..ندخل بقي عشان كده هتهور

ليله…..بضحكه جميله وهي في حضنه طب خاف مني بقي عشان شكلي انا اللي هتهور في مره

عشري….بضحك بصلها و هو بيرجع شعرها يا سلام يجي بس اليوم اللي تبقي معايا فيه و ليكي عليا هرفع الرايه البيضا و اسيبك تتهوري براحتك

ليله….بنظره تجنن بحبك يا بلطجي

عشري….قلب البلطجي يلا ادخلي واقفلي عليكم كويس

ليله….حاضر

عشري…..تصبحي علي الف خير يا عمري

ليله…..كلمني لما توصل حتي لو نايمه او اقولك لما تركب و تمشي خليني معاك علي التليفون

عشري…..عيوني يا ست البنات

ليله…..يلا سوق براحه

عشري….حاضر اوامرك يا تاج قلبي

ليله….بابتسامه يخربيت حلاوة امك امشي يلا ياواد بدل ما اجيب شيطاني مع شيطانك و نعمل حفله

ضحك عشري من قلبه و ضمها بحب

عشري…ااااااااه بحبك و الله العظيم بحبك

ليله….وانا بعشقك يلا امشي بجد هتهور وانا مؤدبه

عشري….ماشي يا مؤدبه يلا يا مجنونه ادخلي جوه

ليله….باي

عشري…..باي ياعمري

راح ركب الاسانسير و مشي جريت بسرعه علي البلكونه تشوفوا وهي حاطه ايدها علي قلبها اللي مش راضي يبطل دق نزل و اول ما نزل رفع وشه لفوق و ابتسم

اتصلت عليه بسرعه

ليله…..بلاش البصه دي هتهور بقولك

عشري….بضحك ادخلي يا مجنونه الجو برد عليكي

ليله….ماشي خليك معايا

عشري….مش هقفل معاكي يا عمري

و ركب عشري وفضل معاها علي التليفون لحد ما هي نامت و سابت الخط مفتوح بينهم و هو مكمل طريقه علي صوت نفسها و بيسجلوا كمان .

……………

اما عند رشيد وايمي رفع راسه قلق و فتح عينه لقي ايمي سانده راسها علي الكنبه و مغمضه و نايمه

رشيد…..ايمي حبيبي

ايمي…..ايه ياحبيبي

رشيد….انتي نمتي

ايمي….بابتيامه البركه فيك

رشيد…..طيب يلا يا عمري قومي عشان اوصلك و محدش يقلق عليكي و خليني انا كمان امشي

ايمي….ماشي بس روح علي طول انا همشي

رشيد…لا الجو بره هادي يلا خليني اطمن عليكي الاول

ايمي…..بابتسامه ماشي

قامت خدت حاجتها و راحت عليه و بصتلوا

ايمي….رشيد علي فكره انت مردتش عليا

رشيد….بابتسامه ولا هرد عشان انتي عارفه كويس ان الموضوع ده منتهي و مش هيتفتح تاني ماشي ياعمري

ايمي…..ايوه بس….و فجأه قطع كلامها خالص بطريقته وبعدين بعد عنها و بصلها بهدوء و غمزلها

ابتسمت و بعدت عينها عنه بسرعه

رشيد…..بس ايه

ضحكت ايمي و عضت علي شفايفها

رشيد….بضحكه شقيه انا قولت كده بردوا و اعملي حسابك دي هتبقي الكريقه اللي هسكتك بيها لو فتحتي الموضوع ده تاني

ايمي…..بابتسامه تجنن و لمعه في عينها علي كده مش هبطل اتكلم

رشيد…ضحك و قرب منها مره تانيه و انا بقول كده بردوا باسها بوسه طويله و بعدين ضمها لصدره بقولك ايه خلينا نمشي يلا

ايمي….بابتسامه و هي وشها أحمر انا بقول كده بردوا.

ابتسم و مسك كفها و نزلوا قفلوا المطعم و ركبها العربيه و ركب و مشي وراها

وانتهي يومهم بكل سعاده مع استعداد ليوم جديد.

وللحديث بقيه….