لقاء كـ،ـ،ـارثي
ريهام…..ااا هاي يا حودا
محمود….ايه ده بقي ؟
ريهام….ااا مفيش تعالي نطلع فوق نتكلم
محمود….انا عايز افهم في ايه
ريهام….طيب وطي صوتك نتكلم فوق طيب
محمود…طب اطلعي يا ريهام ثواني وجاي
ريهام…..هتروح فين ؟
محمود….مش هروح بقولك ثواني وجاي
ريهام….طيب هوعمل ايه طيب يا محمود
محمود…..ريهااااام اطلعي علي فوق
ريهام….ااا طيب بس
محمود….سمعتي انا مش عايز صوتي يعلي
ريهام….اممم طيب طيب خلاص
طلعت ريهام علي فوق و هو فصل واقف باصص عليها لحد ما طلعت
لمحتوا ريهام خرج بره و كانت شيفاه واقف مع الشاب بيتكلم مكانش في اي حاجه ابتسامه عاديه من الشاب و كلام مش سمعاه و فجاه حست ان في شده بسيطه في الكلام كانت مرعوبه تحصل مشكله او حاجه كبيره و يتعرف سببها للكل واولهم اخواتها شويه و لمحت الشاب بياخد حاجته من علي التربيزه و بيمشي و لمحت محمود راجع و طالعلها بعدت عن الازاز شويه عشان ميشوفهاش و راحت وقفت عند المكتب و هي متوتره وعماله تلف في مكانها فتح محمود الباب ثبتتت في مكانها وبصتلوا
ريهام…..هو انا مممن افهم في ايه بالظبط
محمود….في اني قولتلك قبل كده اني لو شوفت الواد ده بيتكلم معاكي مش هيحصل كويس و احمدي ربنا اني حليت الموضوع بهدوء و من غير عصبيه عشان معملش قلق في المكان
ريهام….طيب وهو انت ليه تعمل كده اصلا محمود هو انا ليه حاسه انك مكبر الموضوع
محمود….يعني ايه مكبر الموضوع
ريهام….يعني انا من يوم ما اشتغلت هنا و علاقتي بالناس اللي بتيجي المكان حلوه جدا و اي حد بيجي بيسلم عليا مش هو بس اشمعني ده بالذات اللي بتتعصب منه كده يعني انا لو شايفه انه مش محترم مش هقق معاه احظه بس الراجل بيجي يسلم بكل احترام و يرجع يقعد مكان فا ليه بتتعصب منه كده
محمود….هو كده مبيجيش معايا مش برتاح ليه بحسه عيل ملزق وبيحكها و بعدين ايه الشغل ده اللي يقوم من مكانه و يدخلك لحد جوه عشان يسلم مش فاهم يعني ايه العشم اللي واخده منك ده
ريهام….عشم ايه يا محمود الراجل سلم ورجع
محمود …بعصبيه ويقوم ليه من مكانه اصلااااا ما يتنيل يقعد في مكانه و خلاص مش قاعد علي حيله ليه و بيفرك شافك و سلم و هو في مكانه تمام مجيتيش جنبه ميقومش مخصوص ما الكل قاعد و كبيرهم يسلموا بالبوء او يشاور و يبتسموا انما يقوم بتاع ايه انا لو في مكان و عارف صاحبه او اللي بيشتغلوا فيه مش هقوم هسلم وانا في مكاني خصوصا لو بنت احترم نفسي عشان ده مكان شغلها
