لقاء كـ،ـ،ـارثي
ايمي….خلاص هبعتلك محمود محمود محمود تعالي
ريهام…استني بس خلاص هشوف كده
ايمي….لا هو هيجيلك بلا اجهزي
ريهام…استني مش هعرف هقولك والله
ايمي….اخلصيييي سلام
محمود….في ايه
ايمي….. بتقولي مش هتبجي وعربيتها بايظه
محمود….لا ولا بايظه ولا حاجه هي زعلانه
ايمي….بابتسامة قولتلي هببت ايه
محمود….بعدين اقولك هروح اجيبها
ايمي….بضحك روح يا خويا روح
خرج محمود بسرعه ركب عربيته و خمس دقايق كان قدام المطعم نزل و دخل علي جوه و طلعلها خبط وفتح
ريهام…ااا تعالي
محمود….خير مالها عربيتك
ريهام…اه بايظه
محمود….وريني المفتاح طيب
ريهام…..اا مش بايظه يا محمود انا اللي مش عايز اجي
محمود…بابتسامه رفع حاجبه مش بايظه هااا طب ما انا عارف قدامي بقي يلا عشان دي ساعت فطار ومش ناقصه عبط
ريهام….مش راحه
محمود….لو مجتيش هتصل باخواتك واقولهم عربيتك بابظه و يجوا هما و يشوفوها بقي و ابقي عرفيني هتقولي ايه وقتها
ريهام…..بتهددني
محمود….بضحك اه وانجري قدامي
ريهام…..ضيقت عينها بغيظ تمام هاجي بس هروح بعربيتي مش راكبه معاك
محمود….بضحك عربيتك البايظه
ريهام….لا ماهي اشتغلت صلحتها
محمود….بضحك طب قدامي يا عم الميكانيكي
نزلت وهي مش طيقاه و بعدين ابتسمت ..
………..
وصلوا ودخلت ريهام سلمت عليهم كلهم و بعدين بصت لايمي وهي واقفه مع البنات
ريهام….ايمي انا عيزاكي
ايمي…. بابتسامه في ايه
ريهام…..حاجه ضروري تعرفيها
ليله….في ايه بت في مصيبه ولا ايه
ريهام….ااا لا هي مش مصيبه بس حاجه ايمي لازم تشوفها
ايمي…..قلقتيني قولي طيب
وللحديث بقيه……….
