لقاء كـ،ـ،ـارثي

ريهام….طيب انت متعصب ليه انا مالي هو انا اللي قولتوا تعالي سلم انا كنت واقفه مليش دعوه و بعدين قولتلك سلم باحترام

محمود….ريهام متعصبنيش و تقاوحي

ريهام…..محمود انا مش بقاوح علي فكره و مش بعصبك انا بتكلم بعقل مش اكتر انت متعصب ومش عايز تفهم وانا بحاول افهمك مش اكتر بس انت مش راضي تفهم و مش فاهمه عصبيتك بصراحه

محمود….يعني ايه مش فاهمه عصبيتي مجنون انا مثلا هو انا مش قولالك قبل كده متقفيش معاه و حطي حدود اييييه كل مره هيجي فيها هيتنطط

ريهام…..طيب انا عملت ايه قولي واحد جاي يسلم احرجه

محمود….احرجي امه و صدري وش يخيه ميقربش منك تاني هو لو شايف الوش ده متصدر اصلا مش هيقرب منك هيتعامل علي انه جيست مش هيتعامل بالعشم ده

ريهام…..انت بتقول قصدك يعني انا اللي مدياه الفرصه

محمود…..ااااه عشان مش اي حد ياريهام نبتسم في خلقة امه و نرفع العشم معاه

ريهام….يعني اكشر في وش الجيست واطفشهم من المكان

محمود….يا ستي ان شالله يتقفل خالص ريهام هو سلامه و لا ميدو لو شافوا الواد ده بطريقته المستفزه دي هيعدوها

ريهام…..لو شايفين اني مليش ذنب اه هيعدوها و بعدين انت علي طول هنا وعلي طول بتشوفني بسلم علي اي حد بيجي ويكون عرفاه اشمعني ده اللي بتتعصب منه في شباب غيره بيسلموا وفي رجاله مع مراتهم او اهلم مش بتزعل ليه

محمود….عشان بيسلموا في مكانهم باحترام مش بتلزيق و تنطيط ده واحد كل ما يشوفك يقوم يسلم و يلف وراكي المطعم كله ناقص يطلعلك المكتب مش واخده بالك ان ده مش حلو علي شكلك يعني لما حد يلتحظ ان البني ادم الغتت ده كل ما يجي يقوم يلف وراكي كده هيقول ايه مش هيقول ان في بينكم حاجه ليه تخلي حد يبصلك بنظره مش حلوه

ريهام…. محمود انا محسبتهاش كده انا بتعامل انه واحد عادي بيسلم

محمود….لا لازم تحسبيها كده و تحطي حدود و تخافي علي منظرك لان اي حد هيلاحظ انه كل ما يجي يقوم ويلف و يفضل مركز معاكي و باصصلك و مستني تنزلي ومش قاعد علي بعضه طبيعي هيفهم غلط

ريهام…..علي فكره انا والله العظيم ما كنت عارفه انه هنا انا نزلت من فوق و وقفت علي البار هو اللي جه مخدتش بالي انه قاعد بره اصلا وبعدين يا محمود اللي لازم تفهمه اني مبعرفش احرج حد حتي لو معاك خق في كل كلامك انا معرفش حد يجي يسلم عليا و اتكلم معاه بطريقه وحشه