لقاء كـ،ـ،ـارثي
رشيد…اااااه مش قادر منك لله يا اوزعه
ايمي….بضحك حتي انت يا رشيد. بقولكم ايه كفايه ضحك قربوا كده اطباقكم عشان احطلكم و غيروا الموضوع الهي تتستروا عشان انا هيقام عليا الحد الوقت
ليله….بهمس شالوا وحطوا عليكي يا بعيده.
ايمي…..بصتلها وضحكت قلبي اللي هتاخد احلي حته من الصدر
ليله…بغيظ انا لسه هاخد ما انا خدت خلاص
ضحكوا كلهم و مكانوش قادرين
عشري…..منك لله يا فضل انت وسلامه مش كنا روحنا صلينا
حسان….بضحك بص هما مش سائلين في الدينا اصلا و عمالين ياكلوا
فضل…..ايه انا ساكت و مؤدب باكل بس
ايمي…..قرب طبقك يا عسال الله يكرمك
عسال….بضحك لا بصي انا مش باكل رومي خالص
ايمي…. ايه ده ليه ده حلو؟
عسال….عارف والله بس مليش فيه
سلامه…..عسال مش بيحبه
ليله…..طيب في فراخ يا عسال انا عملت عشان لو محدش بياكلوا
عسال….تمام هاكل فراخ اه
ايمي….طيب قربي انتي يا نودي
نادين….طيب دي كبيره اوي شيلي منها
ايمي…..طيب هات انت يا عشري طبقك وانا هدي لنادين
عشري….حطي بس لرشيد و حسان والشباب الاول و انا هتعامل
ايمي….لا اخلصوا انا خلقي ضيق هات يا حسان طبقك
حسان….بابتسامه اتفضلي يا ايمي
وزعت عليهم كلهم و بعدين راحت غسلت ايدها ورجعت قعدت ليله مكانتش طيقاها و ايمي عماله تضحك بهدوء و تحدفلها بوسه
عشري…قرب من ايمي بهمس و ديني لا هنفخك يا اوزعه
ايمي….بضحك اخويا حبيبي مش ههون عليك
عشري….مش هتهوني ده انا هطلع احدفك انتي و ولادك من الروف
ايمي….. بضحك طب هغسل الاطباق و هنضفلكم البيت و لو في هدوم عايزه تتغسل هغسلها
عشري….بضحك انتي بترشيني
ايمي….اعمل ايه هلاقيها منك ولا من مراتك انت شايف البت بتبصلي ازاي بيتهيالي هتقتلني لما تروحوا تصلوا
عشري….ده اقل واجب
فضلوا يضحكوا و بعد كده كانوا عمالين يتكلموا كلهم و غيروا الموضوع و فكت ليله شويه من الاحراج و الموقف و بعد وقت بسيط كانوا كلوا و قاموا مع بعض شالوا الاكل
عشري…..يلا يا شباب نصلي
ليله….اه ياريت تروحوا تصلوا و اتاخروا
عشري….بضحك في اكياس و ساطور
ايمي…..بضحك رشيد خليك معايا
رشيد…بضحك ولا اعرفك
راح الشباب يصلوا بصتلها ايمي و راحت بسرعه قعدت علي الكنبه قربت منها ليله و مل البنات ميتين من الضحك
ايمي…..اثبتي مكانك هفهمك
