لقاء كـ،ـ،ـارثي
ايمي……جرب يا فضل و مش هتندم حتي يا سيدي لو جربت ولاقيت ان ده قرار نعيمه فعلا وانها مش بتحبك مع اني واثقه ان نعيمه بتحبك زي ما انت واثق وقتها اقفل الباب خالص و محدش فينا هيفتح الكلام ده معاك لان في النهايه ده نصيب
و لو نصيبكم مش واحد مهما حاولنا كلنا عمركم ما هتبقوا مع بعض لو ربنا مش كاتب ده
رشيد…..لو العتاب تقيل عليك و الكلام في الوقت ده تقيل علي الاقل أبدئها بسؤال عليها يعني الاحداث اللي حاصله دي تخليك تركن الزعل علي جنب و تسأل علي الاقل كا صحاب او كا اتنين واكلين مع بعض عيش وملح و يمكن هي اللي تفتح معاك الكلام بعد كده و ابقي عاتب براحتك
عشري….فضل انهارده ليله كانت بتكلم نعيمه و انا كلمتها ودي اول مره اشوفها من بعد ما سافرت اول ما شافتني اتاخدت وقولتلها اني زعلان منها عشان مبتسألش و قالتلي انا عارفه ان انت والشباب اكيد زعلانين مني و واخدين جنب و معنب انها تحس الاحساس ده انها عارفه ان هي غلطانه في بعض الحجات وعارفه اننا هناخد صفك طبيعي و احساسها لو ترجمناه هنلاقي انه في معني من الندم صدقني انت فارق مع نعيمه و فارق اوي و علي فكره انا سألتها تاني فضل زعلك و مش حابه تقولي قالتلي لا انا اللي زعلتوا نعيمه باقيه عليك شغاك دماغك و متبقاش قفل
بس البت مش كويسه يا فضل و صدقني هي محتجالك حتي لو هي غلطت اتصرفت غلط بوظت الدنيا اعتبرها بنتك ياعم و عدي و افهم و اتصل زي ما رشيد قال او ابعت رساله اطمن عليها من بابا الصداقه والعشره مش من اي باب تاني
ايه…..علي فكره يا فضل هي ممكن او اكيد نعيمه خايفه من الاحداث اللي بتحصل اليومين دول و يمكن نفسها تبقي وسطنا بس انا عارفه ان نعيمه لو كلنا قولنالها ارجعي مش هترجع لانها حاسه انها مش هتقدر تحط عنيها في عنينا بس انت الشخص الوحيد اللي بعتلها و قولتلها ارجعي او بينت خوفك عليها و ركنت زعلك ده علي جنب هترجع
فضل…..بهدوء و نبرة حزن و لو مردتش؟
ايه….ومش هترد ليه لو بتطمن
عشري…هترد يا فضل
حسان….ياسيدي جرب انت خسران ايه
عسال…..فضل حتي لو مردتش ياريت وانت غضبان اوي كده مترجمش عدم ردها بطريقه مش حلوه او تخليك تاخد موقف اقوي جايز تبقي مكسوفه ترد جايز مش عارفه تواجهك
سلامه….او جايز خايفه انك تفتح الموضوع في وقت هي لسه معندهاش مبرر قوي للدفاع عن نفسها قدامك
