لقاء كـ،ـ،ـارثي
رشيد….اه زوزو عازمه شعب مصر اليوم ده
فضل…..لا هاجي باذن الله والله حودا قالي
ليله….نودي البطاطس بتاعك اهو يا صغنن
نادين….بابتسامه قلبي انتي تسلم ايدك
ليله….عشري انتوا هتصلوا الاول و لا هتاكلوا
فضل…..لا وحياة امك انا بتحمل ابوك بالعافيه ناكل و نصلي بعد الاكل
سلامه…..اه انا ميت من الجوع
حسان….ده هما ثلاث ركعات يا طفس منك ليه
سلامه….. والنبي يا عم الشيخ محمد حسان مش وقتك
حسان….بضحك والله ما هرد عليك يا واطي
فضل….بضحك ايه ده ضح انت محمد حسان
حسان…..بضحك خير بتتعرف عليا
عشري…..طيب نصلي علي طول مش هناخد وقت
سلامه…..طيب با عم التقي انت وهو صلوا و انا فضل نبقي نصلي بعد الاكل مباكلش اكل بارد انا
عشري….عيل واطي ياض والله
خرجوا البنات الاكل كله السفره كان شكلها يجنن
سلامه…..ليله بامانه الله انتي اللي عامله الاكل
ليله….لا فاتحه فرع لقصر الكبابجي جوه يا ظريف ما الاكل محطوط قدامك من الصواني و الحلل
سلامه…..اعوذ بالله بلطجيه بصحيح
ليله…..بضحك ما انت مستفز
فضل….لا حرام هي اللي عامله والله
سلامه….لا والله تسلم ايدك الاكل شكله حلو
ليله….بالف هنا يا عم سلامه عقبال طعمه
حطوا البنات العصاير في الكوبايات و ثواني و الاذان اذن و قاموا كلهم كل واحد فيهم خد حاجه يفكر عليها اللي عصير و اللي تمر و اللي تمر بلبن
و بعدين قعدوا كلهم علي السفره
ليله….بقولكم ايه انا مش هقول لحد ياكل مش ناقصه وجع دماغ اتعاملوا و حد فيكم يتطوع يقطع الجثه دي انا مهمتي خلصت خلاص
سلمي….الجثه دي مهمه ايمي هي اللي بتعرف تقطع
ايمي….هاتوا طيب السكينه
عشري….هتعرفي ولا اقطع انا
ايمي…..العب بعيد يا بلطجي ده كاري
عشري….بضحك يا ولاااااا
ليله…..حسان ممكن تتعامل بقي و تحط في طبقك
حسان….خليكي مرتاحه انا مبتكسفش انتي عارفه
ليله….نغم هزعل والله لو مكلتيش
نغم…..باحراج ابتسمت لا هاكل والله
سلمي….انا هحط لنغم متقلقيش
ليله….طيب ايمي حطي لچوي الاول
رشيد….خليكي يا ايمي انا هحطلها
ليله…بهمس لايمي بقولك ايه هي بتصوم ولا لا
ايمي….يابتتي مسلمه
ليله….عارفه بس في منهم مش بيصوموا
ايمي…..لا ماشاء الله هي بتصوم و بتصلي و بتقرا قران
ليله….طيب الحمد لله
نادين خدت طبق البطاطس قدامها و بدأت تاكل
