لقاء كـ،ـ،ـارثي
ايمي….عسال و سلامه بيتكلموا صح كلنا عارفين انك معملتش حاجه و هي بنفسها قالت كده يعني الغلط عندها فاطبيعي ممكن متردش ممكن متقدرش بس صدقني هتفرق معاها و اكيد هترد بعدين او لما تحس انها قادره تواجهم
رشيد….حاول مش هتخسر حاجه و متفتحش اي حاجه مجرد انك بتطمن مش اكتر
نادين….عشان خاطرنا يا فضل عشان خاطر عشرتنا و علاقتنا ببعض حاول المرادي عشاننا احنا و تعالي علي نفسك
فضل……تمام هحاول بس يكون في علمكم كلكم انا هعمل ده عشانكم بس انا من جوايا مش مبسوط بالوضع كله و مش هقول اني هعمل ده غصب عني بس انا حاسس اني باجي علي نفسي
ليله…..و احنا ميرضناش تبجي علي نفسك يا فضل بس احنا لو مش واثقين انك عايز ده اكتر مننا مش هنطلبوا منك و بعدين انت الراجل يعني انت اللي بتبادر و صدقني ورحمه امي يا فضل لو انت حسيت ان نعيمه فعلا عملت كده بإرادتها وبعدها عنك كان قرار هي عيزاه انا اول واحده مش هفنح معاك الموضوع ده تاني ولا هخلي مخلوق يتكلم معاك بس انا عارفه صاحبتي كويس و عارفه هي عايزه ايه و عارفه و ابصم بالعشره انك جوه قلبها انا مش هقل منك يافضل عشان نعيمه اقربلي ربنا عالم اني بعتبرك اخويا يعني كرامتك من كرامتي و كرامتنا كلنا
فضل….ماشي يا ليله تمام و انا موافق و هبعتلها حاضر.
عشري….طيب يلا ابعتلها
فضل….ياعم خلاص قولت هبعتلها انا بعدين
ايمي….خلاص سيبوا بقي هو مع نفسه يبقي يبعتلها او يكلمها
عشري…..ماشي
غيروا الموضوع و كملوا قعدتهم و قعدوا يهزروا و يضحكوا و كانوا مكملين سهرتهم عادي مع بعض.
نغم….كانت بتلعب في الموبايل بصت لسلمي ااا سلمي بصي الخبر ده
بصت سلمي علي الموبايل بصدمه خدتوا منها
سلمي…..الحقوا مكتوب ايه ؟
ايمي….في ايه
سلمي….ضربوا مطار دبي الوقت الوقت
حسان…..يعني ايه ضربوا المطار
سلمي….اهو والله الخبر لسه نازل من دقايق
رشيد…..طب شوفي كده تاني يمكن الخبر مش صح
فضلوا يبصوا علي الاخبار و عشري جاب قنوات الاخبار و اتاكدوا من الخبر و عرفوا انهم قفلوا المجال الجوي في اكتر من بلد عربي.
ايمي…..نعيمه مشغوله
سلمي….انا كمان بكلمها مشغوله
ليله كانت عماله تجرب و عماله تهز في رجلها
فضل….بقلق يمكن بتكلم امها او ابوها
حسان….جربوا تاني خير ان شاء الله تبقي بعيده عن الضرب
